Kolɔsfuɛ Mun 2:23 - NYANMIƐN NDƐ'N 1998

²³ Nanwlɛ, kɛ be su like nga be klo be'n, bɔ be yo bé wun kɛ be ti aenvuɛ sa'n, yɛ be kle be wun nyrɛnnɛn'n, sran'm be nyrun be ndɛ sɔ'n ti sa b'ɔ ti ngwlɛlɛ like kpa. Sanngɛ sa sɔ'm be yolɛ'n ti ngbɛn, ɔ man sran'm be kwla yaci-man konvi yolɛ'n.

Nyanmien nde Ufle

²³ Nanwle, ke bé su liké nga bé klô bé'n, bo bé yô bé wun ke bé ti aénvue sa'n, ye bé klé bé wun nyrennen'n, swran'm bé nyrun bé nde so'n ti sa b'o ti ngwlele liké kpa. Sannge sa so'm bé yôle'n ti ngben, o man swran'm bé kwla yatyi'a kônvi yôle'n.

Kolɔsfuɛ Mun 2:23 ပူးပေါင်းရင်းမြစ်များ

Rɔmfuɛ Mun 13:14

An `fa e Min Jésus-Krist yo kɛ amun nyrɛn sa. Nán an bu like nga klɔ sran i konvi sɔ i'n i akunndan kɛ amun ´yo.

Efɛzfuɛ Mun 5:29

Sran fi kpɔ-mɛn i bɔbɔ wun, sanngɛ ɔ tɛ i wun, ɔ niɛn i wun su kɛ Krist kusu nian Asɔnun'n i lika'n sa,

Kolɔsfuɛ Mun 2:18

Sran b'ɔ klo kɛ be bu i aenvuɛfuɛ'n, b'ɔ koto anz'm be bo'n, b'ɔ fɛ i aolia nun ninnge b'ɔ wun be'n di i nuan'n, nan man ɔ de amun like kpa nga an nyɛnnin i'n. Sran sɔ'n, kɛ ɔ bu like nga ɔ si i'n i akunndan'n ɔ tu i wun, i wun tulɛ sɔ'n ti ngbɛn.

Kolɔsfuɛ Mun 2:22

Like sɔ'n kwlaa kɛ be ko fa ko yo like nga be waan be ´fa yo'n, wuun ɔ'a wie. Be ti sran'm be mmla nin be ndɛ be kan .

Kolɔsfuɛ Mun 2:8

An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

1 Timote 4:3

Be se kɛ nán man be ja bla nin bian, yɛ nán man be di like nga Nyanmiɛn yili be'n be ngba. Sanngɛ Nyanmiɛn yili ninnge sɔ mun kɛ be nga be lafi i su bɔ be si nanwlɛ'n, be lɛ i ase nan be di.

1 Timote 4:8

Afin bé wun kpinngbinlɛ'n ɔ ti kpa, sanngɛ bé wun bɔ be fa mantan Nyanmiɛn'n ɔ ti kpa sa'n kwlaa nun trɛ i, ɔ man sɛ be yo sɔ'n, be si kɛ be ´nyan nguan kɛ e o yɛ'n nin blɛ ng'ɔ ba lɔ'n nun.