Kolɔsfuɛ Mun 2:20 - NYANMIƐN NDƐ'N 1998

²⁰ ?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Nyanmien nde Ufle

²⁰ ?Se amun nin Christ ye an wuli'n, bo amun nin asie'n su ninngé'm ba bu'n, nzu ti ye an te yô amun wun ke an ti asie'n sufue sa bo an di bé mmla'n suo?

Kolɔsfuɛ Mun 2:20 ပူးပေါင်းရင်းမြစ်များ

Jean 15:19

Sɛ an ti mɛn nga nunfuɛ wie'n, wuun be klo amun yɛlɛ kɛ an ti be fuɛ. Sanngɛ kɛ n fali amun'n, n yili amun mɛn nunfuɛ'm be nun, i ti yɛ man be kpɔ amun nin-ɔn.

2 Korɛntfuɛ Mun 10:3

Kannzɛ e ti sran'n, alɛ nga e kun'n, e kun-mɛn i kɛ sran'm be kun'n sa.

Galasifuɛ Mun 4:3

E kusu, sɛ e kwla se kɛ ninnge nga e nannan'm be kle'n be ti sran'n, wuun e ´se kɛ kɛ e tɛ yo kɛ bakan sa'n, e ti be akua.

Galasifuɛ Mun 6:14

N liɛ'n, n su fa-man like fi di-man min nuan mlɔnmlɔn san e Min Jésus-Krist i waka'n, i waka sɔ'n ti n ti kɛ sran bɔ ɔ'a wu b'ɔ nin mɛn'n ɔ'a bu'n sa, yɛ mɛn'n kusu ti kɛ sran bɔ ɔ'a wu b'ɔ nin min a bu'n sa.

Efɛzfuɛ Mun 2:15

toli mmla'n nin i nun ndɛ'n nan be nvle nnyɔn sɔ'n be kaci nvle uflɛ kun sran wunmuan bɔ be nin i b'a kaci'n ti yɛ be `di anuansɛ.

Kolɔsfuɛ Mun 2:14

Ɔ nunnunnin mmla'n i nun ndɛ ng'ɔ ti é wun ndɛ b'ɔ man e di-man alaje'n. Ɔ guɛli i ase, ɔ ti kɛ ɔ boboli i waka'n su sa.

Kolɔsfuɛ Mun 2:16

I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.

Kolɔsfuɛ Mun 2:21

Mmla sɔ'n se kɛ: «Be fa-man like nga! Be di-man like nga! Be kan-man like nga!»

Kolɔsfuɛ Mun 2:8

An `sasa amun wun, nán man sran fi fɛ i sa ng'ɔ si i'n nin sa ngbɛn wie fa laka amun nan ɔ `nyan amun. Sa sɔ'm be fin lalafuɛ'm be nzuɛn'n, nin ninnge nga e nannan'm be kle'n, be fin-man Krist.

Kolɔsfuɛ Mun 3:3

afin an wuli, ɔ man olɛ nga an wo lɛ ndɛ'n, an wo Nyanmiɛn sa nun, afin ɔ'a fa amun nin Krist a fiɛ i wun lɔ.

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Jacques 4:4

An ti kɛ bla b'ɔ kunndɛ bian i wun bo sa. ?An si-man kɛ sran ng'ɔ klo mɛn'n i dilɛ'n, wuun ɔ kpɔ Nyanmiɛn? Ɔ man sran nga i waan ɔ ´fa mɛn'n tɛkɛ i ti su'n, ɔ kaci Nyanmiɛn i kpɔfuɛ.

1 Jean 5:19

E si kɛ e ti Nyanmiɛn liɛ yɛ Klunwifuɛ'n sie mɛn wunmuan'n.