Kolɔsfuɛ Mun 2:19 - NYANMIƐN NDƐ'N 1998

¹⁹ Ɔ fɛ-mɛn i wun mantan-man Krist b'ɔ ti bé ti'n i kpa kun. Krist yɛ man be akpɔlɛ akpɔlɛ nin be ndin'm be sasa su-ɔ, i yɛ man be wunnɛn wunmuan'n yo kpa yɛ ɔ nyin kɛ Nyanmiɛn klo kɛ ɔ nyin'n sa-a.

Nyanmien nde Ufle

¹⁹ O fe'e i wun manta'an Christ b'o ti bé ti'n kpa kun. Christ ye man bé akpoleakpole nin bé ndin'm bé sasa su, ye man bé wunnen wunmuan'n yô kpa, ye o nyin ke Nyanmien klô ke o nyin'n saa.

Kolɔsfuɛ Mun 2:19 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 5:38

Sanngɛ be fa nzan lɔflɛ'n gua kotokun uflɛ'n nun.

Jean 17:21

Min Si, n ´srɛ wɔ kɛ be `kaci sran wunmuan, yɛ be nin ye e `yo sran wunmuan kɛ min nin wɔ e ti sran wunmuan'n sa nan mɛn nunfuɛ'm be lafi su kɛ wɔ yɛ a sunmannin min-ɔn.

Sa nga bé yôli'n 4:32

Sran kaka nga be lafili Krist su'n, bé bo yoli kun, yɛ be akunndan'n ti kun. Be nun wie fi se-man kɛ i ninnge'm be ti i ngunmin liɛ, sanngɛ like ng'ɔ ti sran kun liɛ'n, ɔ ti be kwlaa be liɛ.

Rɔmfuɛ Mun 11:17

Izraɛlfuɛ'm be ti kɛ olivie bɔ be tali'n bɔ be kpɛkpɛ i sama'm be wie'n sa. Amun bɔ an ti-man Zuif'n, an ti kɛ blo olivie sama mun sa, yɛ be fa amun takali olivie nga be tali'n i sama nga be kpɛkpɛli be'n be osu nun. Ɔ man nzue ng'ɔ fin olivie nga be tali'n i bo nun'n, ɔ wlu amun nun wie, yɛ man an yo kpa-a.

1 Korɛntfuɛ Mun 1:10

Aniaan mun, e Min Jésus-Krist ti n ´srɛ amun, man amún nuan sɛ, nán an bubu amun wun nun, sanngɛ man amun akunndan'n nin amun nɛn'n ɔ yo kun.

1 Korɛntfuɛ Mun 11:3

Sanngɛ kusu n klo kɛ an wun i wlɛ kpa kɛ Krist yɛ ɔ sie yasua-a, yasua kusu yɛ ɔ sie bla-a, yɛ Nyanmiɛn kusu sie Krist.

1 Korɛntfuɛ Mun 3:6

E Min'n mannin e junman ngunmin-ngunmin, sɛ ɔ ti waka-a, min yɛ n tali-ɔ, Apolɔs kusu yɛ ɔ guali su nzue-ɔ, sanngɛ Nyanmiɛn yɛ man ɔ yoli kpa-a.

Efɛzfuɛ Mun 1:22

Nyanmiɛn man ɔ sie like'n kwlaa yɛ ɔ fɛ i sieli Asɔnun'n su kpɛn .

Efɛzfuɛ Mun 1:23

Kristfuɛ'm be kwlaa be ti i wunnɛn, i bɔbɔ yɛ ɔ ti i ti nin-ɔn. I b'ɔ o lika'n kwlaa'n, ɔ wo Asɔnun'n nun.

Efɛzfuɛ Mun 2:21

I yɛ man sua wunmuan sɔ'n ɔ nyin, ɔ yo kpa, yɛ ɔ yo Nyanmiɛn i sua, sran wunmuan bɔ e nin e Min'n e ti'n ti.

Efɛzfuɛ Mun 4:3

Amún bo bɔ Nyanmiɛn Wawɛ'n man ɔ'a yo kun anuansɛ bɔ an di'n ti'n, an `nian su kpa man ɔ yo sɔ tititi.

Efɛzfuɛ Mun 5:29

Sran fi kpɔ-mɛn i bɔbɔ wun, sanngɛ ɔ tɛ i wun, ɔ niɛn i wun su kɛ Krist kusu nian Asɔnun'n i lika'n sa,

Filipfuɛ Mun 1:27

Sa'n kwlaa nun'n, an `yo sa ng'ɔ nin Krist jasin fɛ'n ti kun'n nan sɛ m ba amún wun wunlɛ o, sɛ m ba-man o, m'an ti amun ngan kɛ amun kwlaa amún bo ti kun kpa amun jran kekle, yɛ amun akunndan'n ti kun, yɛ an mian amún nyin jasin fɛ'n bɔ an lafi su'n ti.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

Kolɔsfuɛ Mun 2:2

M mian mín nyin nan an `tra amun anwlɛn yɛ klolɛ bɔ an klo amun wun'n ti amún bo `yo kun, m mian min nyin nan an si ngwlɛlɛ kpa b'ɔ man amun ´wun sa wlɛ weiin nan an si like nga Nyanmiɛn fiɛli i sran'm be nyrun'n, like sɔ'n yɛlɛ Krist!

1 Tɛsalonikfuɛ Mun 3:12

Man e Min'n man an klo amun wiengu nin sran'm be kwlaa dan kpa tra laa'n kɛ e kusu e fa klo amun'n sa!

1 Tɛsalonikfuɛ Mun 4:10

Ɔ man kɛ amun nin e niaan nga be o Maseduani mɛn wunmuan nun'n be kwlaa an klo amun wun sɔ-ɔ, sanngɛ aniaan mun, e ´srɛ amun kɛ an yo i sɔ tra laa'n.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

1 Piɛr 3:8

Min ndɛ'n i atabo'n yɛ, man amun akunndan'n yo kun, man amun nuan `sɛ, an `klo amun wiengu kɛ amun niaan sa, an `si i aunnvuɛ, yɛ an `yo amún wun aenvuɛ.

2 Piɛr 3:18

Ye bɔ e Min'n b'ɔ ti e Defuɛ'n yo amun'n ti'n, man be wun kɛ amu'an yo sran, yɛ man be wun kɛ amun nin i tran nan amu'an si i kpa. Kɛ ɔ fin ndɛ'n, man be yi i ayɛ tititi. Man ɔ yo sɔ!