Kolɔsfuɛ Mun 2:16 - NYANMIƐN NDƐ'N 1998

¹⁶ I sɔ'n ti, nán man sran wie kan amun ndɛ like diwa, nin like nga amun nɔn'n, nin cɛn dilɛ, nin anglo lekun, nin wunmiɛn-delɛ-cɛn'n be su.

Nyanmien nde Ufle

¹⁶ I so'n ti, nanh man swran wié kan amun nde liké diwa, nin liké nga amun non'n, nin tyen dile, nin anglô lékun, nin sabbat b'o ti bé tyen te'n ti.

Kolɔsfuɛ Mun 2:16 ပူးပေါင်းရင်းမြစ်များ

2 Famiɛn Mun 4:23

Bian'n usɛli i kɛ: «?Nguɛ sa ti yɛ a kɔ i wun wunlɛ ndɛkɛn-ɔn? Ndɛ ti-man anglo le kun annzɛ wunmiɛn-delɛ-cɛn.» Bla'n tɛli i su kɛ: «Nán sa su-ɔ!»

1 Be Nyoliɛ 23:31

Be yɛ be yi tɛ nga be yra be nnɛn'n kɔlikɔli'n man Anannganman nin-ɔn. Tɛ sɔ'n i nuan ti klɛwa mmla'n nun, i su yɛ be nian be yi-ɔ. Be yi be wunmiɛn-delɛ-cɛn'n nun nin anglo le kun, ɔ nin cɛn dilɛ uflɛ'm be nun.

2 Be Nyoliɛ 31:3

Famiɛn'n fɛli i bo sika'n i bue toli nnɛn nga be fa yi tɛ bɔ be yra be nnɛn'n kɔlikɔli'n. Be yi tɛ sɔ mun nglɛmun nin nnɔsua. Ɔ fali wie ekun toli nnɛn nga be fa yi tɛ wunmiɛn-delɛ-cɛn'n nun'n nin anglo le kun'n, ɔ nin cɛn dilɛ kun nga'm be nun'n. Anannganman i mmla'n yɛ ɔ kan kɛ be `yi tɛ sɔ mun-ɔn.

Neemi 10:31

E tali nda ekun kɛ e fa-man é wa bla mun e man-man aja nvle uflɛ nun, nan e ja-man nvle uflɛ nun bla e man-man é mma mun.

Neemi 10:33

E siesieli kɛ afuɛ nuan'n kwlaa e ´man sika gram nnan, ɔ ti Nyanmiɛn i sua'n i nun junman'n liɛ.

Neemi 8:9

Kɛ sran'm be tili ndɛ sɔ'n, kpɛkuun be su sun. Yɛ Neemi b'ɔ ti siefuɛ'n, ɔ nin Ɛsdras b'ɔ ti Nyanmiɛn nyrun jranfuɛ bɔ i kunngba'n ti mmla klefuɛ'n, ɔ nin Levifuɛ nga be tuli mmla'n i bo'n be seli be kɛ: «Ndɛ cɛn'n ti Anannganman amun Nyanmiɛn i cɛn, man nyrun mlanlɛ nin sunlɛ'n wie.»

Jue Mun 42:4

Min nyinmuɛn'n yɛ ɔ'a kaci min aliɛ yɛ n di i nglɛmun nin nnɔsua-a, yɛlɛ kɛ sran'm be usa min kɛ: «?Ɔ Nyanmiɛn'n wo nin?»

Jue Mun 81:3

Amun `man jue su, amun `bo klɛn mma mun, amun `bo jru mun nin sanngo mun.

Ezai 1:13

Amun `yaci sraka ninnge ngbɛn'm be fa balɛ. Ansans bɔ amun yra be man min'n, ɔ yo min tɛ. Anglo le kun cɛn mun, nin wunmiɛn-delɛ-cɛn mun, ɔ nin cɛn dilɛ uflɛ nga sran'm be kwlaa be yia be di'n, n kwla suan-man bé bo kun sa tɛtɛ bɔ amun nyinfu amun yo be cɛn sɔ'm be nun'n ti.

Ezekiɛl 4:14

Yɛ n seli kɛ: «Ee! Anannganman Nyanmiɛn, n nian di-man like fiɛn le. Kɛ ɔ fɛ i min kaan nun lele b'ɔ ´fa ju yɛ'n, n nian di-man nnɛn ng'ɔ wuli i sa su annzɛ nga i wiengu nnɛn wie kunnin i'n le. Like fiɛn'n i wie nian wlu-man mín nuan nun le .»

Ezekiɛl 45:17

Afin i yɛ ɔ wa yi tɛ nga be yrɛ i nnɛn'n kɔlikɔli nin-ɔn, i yɛ ɔ fa ble sanmlɛn'n ɔ ´fa man-an, i yɛ ɔ ´yi sraka nin nzan nga be guɛ i ase cɛn'm be dilɛ be nun nin anglo uflɛ'n nun, nin wunmiɛn-delɛ-cɛn'n nun, ɔ nin blɛ uflɛ nga bɔ Izraɛlfuɛ'm be yia'n be nun-ɔn. Ɔ ´yi min kpatalɛ tɛ'n nin tɛ nga be yrɛ i nnɛn'n kɔlikɔli'n, ɔ nin bo kun yolɛ i su tɛ'n kɛ ɔ ´yo nan m'an yaci Izraɛlfuɛ'm be tɛ m'an cɛ be'n ti.»

Saun Yolɛ 16:31

Cɛn sɔ'n, amun `fa yo amun wunmiɛn-delɛ-cɛn mlɔnmlɔn, yɛ amun `fa yo amun nglɛmun cilɛ cɛn. I sɔ mmla liɛ'n, amun `di su tititi.

Amɔs 8:5

An ko se kɛ: «Man anglo le kun'n wie sɔ nan e `nyan e ble'n i atɛ yowlɛ. Man wunmiɛn-delɛ-cɛn'n sin ndɛndɛ nan e `tike e tanngannin'm be su!» An kpɛ suliɛ'm be su, an kpɛ jayɛbuɛ'm be su. An mian toe'm be nun be fa di sran'm be lufle.

Kalɛ 10:10

Amun aklunjuɛ cɛn'm be nun'n, bɔ yɛlɛ amun cɛn dilɛ mun nin amun anglo le kun cɛn dilɛ mun'n, kɛ amun ´yi tɛ nga be yrɛ be nnɛn'n kɔlikɔli'n nin bo kun yolɛ i su tɛ'n, amun `bo awɛ'n. I sɔ'n nun yɛ mín wla ´kpɛn amún su-ɔ. Min yɛ n ti Anannganman amun Nyanmiɛn nin-ɔn.»

Matthieu 15:11

Nán like nga sran di'n yɛ ɔ saci i-ɔ, sanngɛ like ng'ɔ o sran klun lɔ'n i yɛ ɔ saci i-ɔ.»

Marc 7:19

Afin nán i anwlɛn'n nun yɛ ɔ wlu-ɔ, sanngɛ ɔ kɔ i klun lɔ, i sin ɔ kɔ i atin nun kɔwlɛ'n nun. Kɛ ɔ kan sɔ'n, ɔ kle kɛ like diwa'n kwlaa ti kpa.»

Sa nga bé yôli'n 15:20

Sanngɛ man e klɛ be fluwa kɛ nán man be di amuɛn su, nán man be kunndɛ bla b'ɔ ti-man bé yi annzɛ bian b'ɔ ti-man bé wun'n, yɛ nán man be di nnɛn b'ɔ wu i sa su'n, ɔ nin nnɛn mmoja .

Rɔmfuɛ Mun 14:10

?Ɔ kpa'n, a fin ɔ liɛ nin bɔ a kan ɔ niaan i wun ndɛ annzɛ a yo i finfin nin-ɔn? Afin be wa fa e kwlaa kɔ Nyanmiɛn ja su.

Galasifuɛ Mun 4:10

An ci cɛn'n wie, nin anglo'n wie, nin le mɔcuɛ'n wie, ɔ nin afuɛ'n wie!

Kolɔsfuɛ Mun 2:20

?Sɛ amun nin Krist yɛ an wuli'n, bɔ amun nin asiɛ'n su ninnge'm b'a bu'n, nguɛ ti yɛ an tɛ yo amun wun kɛ an ti asiɛ'n sufuɛ sa bɔ an di wa mmla'n su-ɔ?

Hébreu 13:9

Nán an fa like wafa-wafa nga be kle amun b'ɔ nin e liɛ'n ti-man kun'n su nan an yaci atin kpafuɛ'n. Sɛ e tra ye anwlɛn kpa ye bɔ Nyanmiɛn yoli ye ti'n, ɔ ti kpa. Nán man e bu kɛ aliɛ dilɛ mmla'n bɔ e fa su'n ɔ kwla yo e kpa, afin be nga be fali su'n, ɔ'a yo-man sa fi ye a man-man be.

Hébreu 9:10

Afin be ti ndidiɛ ninnge, nin like nɔnnɔnlɛ, ɔ nin wunnzinlɛ fanunfanun'm bé su mmla bɔ be di su lele fa juli cɛn nga Nyanmiɛn kacili like'n kwlaa uflɛ'n.

Jacques 4:11

Aniaan mun, nán an kan amun wiengu wun ndɛ tɛ. Sran ng'ɔ kɛn i niaan wun ndɛ tɛ annzɛ ɔ bu i fɔ'n, wuun mmla'n yɛ ɔ kɛn i ndɛ tɛ kɛ ɔ ti sa ɔ ti sa-a. Ɔ man sɛ an se kɛ mmla'n ti sa ti sa'n, wuun amun waan ɔ ti-man kpa.

1 Samiɛl 20:18

Zonatan seli i kɛ: «Ainman ti anglo le kun, kɛ be ´wun ɔ bia'n, be ´usa ɔ osu.

1 Samiɛl 20:5

David seli Zonatan kɛ: «Ainman ti anglo le kun. Ɔ fata kɛ e nin famiɛn'n e di like, sanngɛ man min atin man n wɔ lika kun. N ´ko fia bo nun lɔ lele nnɔsua.