Kolɔsfuɛ Mun 2:15 - NYANMIƐN NDƐ'N 1998

¹⁵ Krist i waka sɔ'n ti, Nyanmiɛn buli mmusu mun nin kpɛnngbɛn'm be kwlalɛ'n i bue, kɛ ɔ fa be yili i kwlalɛ'n nglo'n, ɔ man be wun be wafa nga be ti'n.

Nyanmien nde Ufle

¹⁵ Christ i waka so'n ti, o bu mmusu nin kpenngben'm bé kwlale'n i bué, ke o fa bé yii kwlale'n nglô'n, o man bé wun bé wafa nga bé ti'n.

Kolɔsfuɛ Mun 2:15 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Jue Mun 68:18

Nyanmiɛn i kakaklolo'm be ti akpi-akpi, be sɔnnin sɔnlɛ kpa. Ɔ fali be Sinai oka'n su lɔ yɛ ɔ bali i lika kpa nun wa-a.

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Matthieu 12:29

?Yɛ kusu, sɛ sran kun dun-man mmua ci-man sran wunmiɛnfuɛ'n, ɔ ´yo sɛ yɛ ɔ ´kwla wlu i awlo'n nun fɛn i bo ninnge mun-ɔn? San ɔ ´ci sran sɔ'n, nan ɔ'a kwla fɛn i bo ninnge'n.

JÉSUS-CHRIST I DYASIN FE'N BO LUC KLELI'N 10:18

Ɔ seli be kɛ: «N wunnin Satan ɔ fin nyanmiɛn su lɔ kɛ nyanmiɛn b'ɔ kpa sin'n sa, ɔ tɔli.

JÉSUS-CHRIST I DYASIN FE'N BO LUC KLELI'N 11:22

Sanngɛ sɛ sran uflɛ b'ɔ lɛ wunmiɛn trɛ i'n, ɔ wa tɔ i su kwlɛ i'n, ɔ ´de i ninnge b'ɔ fa kun alɛ b'ɔ lafi su'n kwlaa, ɔ ´fɛn i bo ninnge'n, ɔ `fa cɛ.

Jean 16:11

Ɔ ´kle be jɔlɛ dilɛ'n i bo, afin Nyanmiɛn a bu sran ng'ɔ sie mɛn nga'n i fɔ.

Jean 19:30

Kɛ Jésus tafili su'n, ɔ seli kɛ: «I kwlaa ɔ'a wie.» Kpɛkuun ɔ kɛnnin i ti ase, yɛ ɔ kali nun-ɔn.

1 Korɛntfuɛ Mun 15:24

I sin kɛ mɛn'n ɔ wa wie'n, Krist wa tu mmusu nin kpɛnngbɛn'm be kwlaa nin bae'n, yɛ ɔ ´fa bia'n mɛn i Si Nyanmiɛn.

2 Korɛntfuɛ Mun 2:14

Nyanmiɛn i kwla o! Afin kɛ e nin Krist y'a kaci sran wunmuan'n ti'n, ɔ fa e yi i kwlalɛ'n nglo tititi. Yɛ ɔ fa e kɛ e yo man be si Krist lika'n kwlaa kɛ like b'ɔ bɔn fannin kpa'n sa.

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

Efɛzfuɛ Mun 3:10

Ɔ man kɛ ɔ fin ndɛ'n, nyanmiɛn su lɔ mmusu nin ngbɛn-ngbɛn'm be `wun Nyanmiɛn i ngwlɛlɛ'n ninnge ng'ɔ yo be Asɔnun'n nun'n be kwlaa, be nun.

Efɛzfuɛ Mun 4:8

I sɔ'n ti yɛ man be kannin ndɛ ng'ɔ o yɛ nin-ɔn, be seli kɛ: «Kɛ ɔ fuli nglo lɔ'n, ɔ fa be b'ɔ trali be lomuɛn'n mun wɔli, yɛ ɔ mannin sran'm be like kɛ be yo .»

Efɛzfuɛ Mun 6:12

Afin nán e nin klɔ sran yɛ e kun-ɔn, sanngɛ e nin mmusu mun, nin aosin tuun nga e o nun yɛ'n i min'n i kpɛnngbɛn mun, yɛ mmusu tɛtɛ bɔ be o nglo lɔ'n yɛ e kun-ɔn.

Kolɔsfuɛ Mun 1:16

Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

Kolɔsfuɛ Mun 2:10

Ɔ man sran wunmuan bɔ amun nin Krist b'ɔ o mmusu mun nin kpɛnngbɛn'm be kwlaa bé ti su'n amun ti'n ti, like'n kwlaa ti a sin a yia amun.

Hébreu 2:14

Kɛ bɔ ba sɔ'm be ti klɔ sran'n ti'n, Jésus kusu kacili i wun klɔ sran kɛ be sa. Ɔ yoli i sɔ nan sɛ ɔ wu'n ɔ ´kwla mmusu'm bé si Satan'n b'ɔ man wie'n kwla sran mun'n.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 20:10

Mmusu'm be si Satan b'ɔ lakalaka be'n, be to i yili sin dan nin sufru nun. Nnɛn dan'n nin sran ng'ɔ tɔn i wun suɛn kɛ ɔ ti Nyanmiɛn nuan ijɔfuɛ'n, be dun mmua to be yili be lɔ. Be ´wun be nyrun wia nun nin kɔnguɛ tititi.