Kolɔsfuɛ Mun 2:13 - NYANMIƐN NDƐ'N 1998

¹³ Amun bɔ laa amún sa bɔ an yoli Nyanmiɛn'n, nin klɛn bɔ b'a wla-man amun'n ti an ti kɛ sran bɔ ɔ'a wu sa'n, kɛ ɔ yacili sa nga e yoli i'n i kwlaa cɛli ye'n, ɔ mannin amun nin Krist amun nguan.

Nyanmien nde Ufle

¹³ Amun bo laa amun sa bo an yôli Nyanmien, nin klen bo ba wlaman amun'n ti, an ti ke swran bo wa wu sa'n, ke o yatyii sa kwlaa nga é yôlii'n tye yé'n, o maan amun nin Christ amun nguan.

Kolɔsfuɛ Mun 2:13 ပူးပေါင်းရင်းမြစ်များ

Jue Mun 119:50

Kɛ n wo nyrɛnnɛn nun'n, i yɛ n fa cici min wla-a. Ɔ ndɛ bɔ a kan'n yɛ ɔ man nguan-an.

Jue Mun 32:1

Jue nga ti David liɛ. I waan: Sran nga Nyanmiɛn yaci i fɔnlɛ cɛ i'n, i liɛ su ti ye! Sran nga Nyanmiɛn yaci i wun sa'n cɛ i'n, i liɛ su ti ye!

Jue Mun 71:20

Wɔ man n wunnin nyrɛnnɛn dan, wɔ man n wunnin min nyrun kpa. Sanngɛ a ´man min nguan ekun, yɛ a ´yi min ndia nun fite.

Ezai 1:18

Anannganman wan yoo: «Amun `bla man e ti é wun aniɛn. Sɛ amún sa tɛ bɔ amun yo'n be ti kɛ like ɔkwlɛ youun wie sa bɔbɔ'n, be ´fɛn fitafita kɛ jese fɔkɔ sa. Sɛ be ti kɛ like ble tikitiki wie sa bɔbɔ'n, be ´yo ufue fuai kɛ bua ndrɛ sa.

Ezai 55:7

Man sran ng'ɔ bu-man Nyanmiɛn nin i ndɛ'n be like fi'n, ɔ `yaci i atin tɛ'n i su falɛ. Man sran nga i nzuɛn'n ti tɛ'n, ɔ yaci akunndan tɛtɛ'm be bulɛ'n. Man ɔ bla Anannganman'n i sin, ɔ ´si i aunnvuɛ. Man ɔ bla e Nyanmiɛn b'ɔ yaci sran'm bé wun sa'n cɛ be wein'n i sin.

Zeremi 31:34

Sran kun su kle-mɛn i wiengu like. Sran kun su se-man i niaan kun kɛ: ‹Mantan Anannganman'n.› Yɛlɛ kɛ, kɛ ɔ fɛ i be kanngan'm be nun lele b'ɔ ´fa ju be kpɛnngbɛn'm be nun'n be kwlaa be ´si min. Sa nga be yoli min'n, n ´yaci n cɛ be. N su bo-man be sa tɛ'n su di-man jɔlɛ kun .»

JÉSUS-CHRIST I DYASIN FE'N BO LUC KLELI'N 15:24

afin min wa ng'ɔ o yɛ'n, ɔ wuli, yɛ ɔ'a nyan nguan ekun, ɔ mlinnin, m'an wun i ekun.› Yɛ be boli cɛn dilɛ sɔ'n bo-ɔ.

JÉSUS-CHRIST I DYASIN FE'N BO LUC KLELI'N 15:32

Ɔ niaan ng'ɔ o yɛ'n, ɔ wuli, yɛ ɔ'a nyan nguan ekun, ɔ mlinnin yɛ y'a wun i ekun'n, ɔ man cɛn dilɛ nin aunblibliɛ sɔ'n be ti i su.› »

JÉSUS-CHRIST I DYASIN FE'N BO LUC KLELI'N 9:60

Yɛ Jésus seli i kɛ: «Yaci be bɔ be wu'n man be sie be sran mun, sanngɛ ɔ liɛ'n, ko kan Nyanmiɛn sielɛ'n i ndɛ'n.»

Jean 5:21

Kɛ i Si'n cɛn sran mun b'ɔ man be nyan nguan'n, Ba'n kusu man sran ng'ɔ klo kɛ ɔ ´nyan nguan'n, ɔ nyɛn i.

Jean 6:63

Nyanmiɛn Wawɛ'n yɛ ɔ man nguan nin-ɔn, be wunnɛn'n kwla yo-man like fi. Ndɛ nga n kan kleli amun'n be ti Nyanmiɛn Wawɛ'n liɛ, be man nguan.

Rɔmfuɛ Mun 4:17

Afin be klɛli i kɛ: « M man a ´yo nvle kpanngban kpa bé si.» Nyanmiɛn b'ɔ lafi i su'n b'ɔ cɛn sran nga ɔ'a wu'n, b'ɔ bo like nga be nun-man lɛ'n be dunman kɛ like bɔ be o lɛ sa'n, i nyrun'n, ɔ ti é si .

Rɔmfuɛ Mun 6:13

Nán an fa amun wunnɛn'n i bue kaan sa man ɔ yo sa tɛ'n i junman like, sanngɛ amun bɔ an ti kɛ sran bɔ b'a wu b'a cɛn sa'n, an `fa amún wun man Nyanmiɛn, man amun wunmuan'n yo i junman like b'ɔ fa yo sa kpa.

Rɔmfuɛ Mun 8:11

Nyanmiɛn b'ɔ cɛnnin Jésus'n i Wawɛ'n tran amun nun kɛ i awlo sa, i b'ɔ cɛnnin Krist-Jésus sɔ'n, ɔ man amun kusu bɔ amun wu'n, amun ´yo juejue i Wawɛ b'ɔ tran amun nun sɔ'n ti .

1 Korɛntfuɛ Mun 15:36

Sinnglinfuɛ! Like nga a lua'n, sɛ ɔ'a wu-man'n, ɔ fifi-man.

1 Korɛntfuɛ Mun 15:45

I sɔ'n ti be klɛli i kɛ: «Adam b'ɔ ti sran klikli'n, ɔ nyannin nguan yɛ ɔ yoli sran.» Adam kasiɛnfuɛ'n yoli aolia nun sran b'ɔ man nguan.

2 Korɛntfuɛ Mun 3:6

I kunngba sɔ'n i yɛ man e kwla di aenguɛ uflɛ nga ɔ nin sran'm be trali'n i junman nin-ɔn. Ɔ ti-man mmla bɔ be klɛli-ɔ, sanngɛ ɔ ti Nyanmiɛn Wawɛ'n liɛ. Afin mmla nga be klɛli'n, ɔ man sran wu, sanngɛ Nyanmiɛn Wawɛ'n liɛ'n, ɔ man sran nyan nguan .

2 Korɛntfuɛ Mun 5:19

Nyanmiɛn nin Krist be sran kun bɔ be ti'n ti'n, ɔ'a nian-man sa nga sran'm be yoli'n ti, ɔ yoli man mɛnmɛnfuɛ'm be kwlaa be nin i be afiɛn a sɛ. Yɛ ɔ fa afiɛn siesielɛ ndɛ sɔ'n wlali é sa nun.

Efɛzfuɛ Mun 2:1

Laa amun fɔnlɛ'n nin amún sa tɛ yolɛ'n ti, Nyanmiɛn nyrun an ti kɛ amu'an wu sa

Efɛzfuɛ Mun 2:11

I sɔ'n ti'n, an `bu wafa nga an ti laa'n i akunndan. Amun bɔ amun osu'n fin-man Zuif'n, Zuif'm bɔ be flɛ be klɛn wlafuɛ'n, bɔ sran yɛ ɔ fɛli i sa wlali be klɛn'n, be se amun kɛ an ti-man klɛn wlafuɛ.

Efɛzfuɛ Mun 5:14

afin sɛ be wun like'n kwlaa be wafa nga be ti'n i weiin'n, kpɛkuun be wun ase. I sɔ'n ti be seli kɛ: «Lafifuɛ, tinnge, jao fuɛn'm be nun yɛ Krist man a ´wun ase .»

Kolɔsfuɛ Mun 2:12

Kɛ be yoli amun batɛm'n, ɔ ti kɛ be sieli amun nin Krist, ɔ man amun nin i cɛnnin, afin an lafi Nyanmiɛn b'ɔ ti kwlafuɛ b'ɔ cɛnnin i'n i su.

1 Timote 5:6

Sanngɛ angboti nga mɛn dilɛ'n yo i fɛ'n, kannzɛ i nyin o su'n, ɔ ti kɛ ɔ'a wu sa.

1 Timote 6:13

Nyanmiɛn b'ɔ man like kwlaa nguan'n, nin Krist-Jésus b'ɔ kan ndɛ nanwlɛ yakpa su kleli Pɔns Pilat'n, be ti ndɛ nga n wa kan kle wɔ yɛ'n i nun lalofuɛ :

Hébreu 6:1

I sɔ'n ti'n, nán man e ka Krist i ndɛ'n i bo bolɛ nga be kle ye'n su, man e mian é nyin e yo sran. Nán man e wla sua'n i bo ase kun. I bo ase wlalɛ sɔ'n yɛlɛ ndɛ nga e kan se kɛ be `yaci sa ngbɛn-ngbɛn yolɛ be lafi Nyanmiɛn su'n,

Hébreu 9:14

Sɛ ɔ ti sɔ'n, Krist kwla fɛ i mmoja liɛ'n kusu yo like b'ɔ tra wun fiɛn kplolɛ'n fatifati! Kɛ ɔ ti aolia nun sran b'ɔ ti anannganman'n ti'n, ɔ fɛ i bɔbɔ bɔ fiɛn kaan sa nun-mɛn i wun'n mannin Nyanmiɛn. Ɔ man like nga be yo-man like fi ye bɔ e yo be man e klun titi ye'n, ɔ ´wie nan e ´kwla su Nyanmiɛn b'ɔ lafi-man'n!

Jacques 2:17

Sran ng'ɔ lafi Nyanmiɛn su'n, kɛ i kusu ti sɔ-ɔ, sɛ sa ng'ɔ yo be'n be ti-man kpa'n, wuun i Nyanmiɛn sulafilɛ'n ti ngbɛn.

Jacques 2:20

Eee, sran finfinfuɛ! ?A klo kɛ a wun i wlɛ kɛ sran ng'ɔ se kɛ ɔ lafi Nyanmiɛn su, sanngɛ ɔ yo-man sa kpakpa'n, i Nyanmiɛn su b'ɔ lafi'n ɔ yo-man sa fi ye?

Jacques 2:26

Sɛ sran kun o sa b'ɔ de-man wunmiɛn'n, wuun ɔ'a wu. I kunngba nin-ɔn, sɛ sran kun se kɛ ɔ lafi Nyanmiɛn su bɔ be wun-mɛn i sɔ i nzuɛn'n nun'n, wuun i Nyanmiɛn sulafilɛ'n ti ngbɛn.

1 Jean 2:12

M mma mun, n ´klɛ fluwa nga m ´blɛ amun yɛlɛ kɛ Krist ti, Nyanmiɛn a yaci sa nga an yoli i'n ɔ'a cɛ amun.