Kolɔsfuɛ Mun 2:12 - NYANMIƐN NDƐ'N 1998

¹² Kɛ be yoli amun batɛm'n, ɔ ti kɛ be sieli amun nin Krist, ɔ man amun nin i cɛnnin, afin an lafi Nyanmiɛn b'ɔ ti kwlafuɛ b'ɔ cɛnnin i'n i su.

Nyanmien nde Ufle

¹² Ke bé yôli amun baptême'n, o ti ke bé siéli amun nin Christ, o man amun nin i tyennin, afin an lafi Nyanmien Kpli b'o ti kwlafue b'o tyenniin'n su.

Kolɔsfuɛ Mun 2:12 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 17:5

Le kun be bɔ e Min'n sunmannin be'n be seli i kɛ: «Man e anwlɛn man e lafi Nyanmiɛn su kpa.»

Sa nga bé yôli'n 14:27

Kɛ be juli lɔ'n, be yiali asɔnunfuɛ mun, be kannin sa nga Nyanmiɛn yo mannin be'n i kwlaa kleli be. Kɛ ɔ yoli b'ɔ man be nga be ti-man Zuif'n be lafili Jésus su wie'n, be kan kleli be ekun.

Sa nga bé yôli'n 2:24

Wie'n fɛli i, Nyanmiɛn deli i wie sɔ'n i sa nun, ɔ cɛnnin i, yɛlɛ kɛ wie'n kwlɛ-mɛn i sie.

Sa nga bé yôli'n 2:32

Jésus sɔ'n yɛ Nyanmiɛn cɛnnin i nin-ɔn, ɔ yoli e kwlaa e nyrun.

Rɔmfuɛ Mun 4:24

sanngɛ e bɔ e lafi Nyanmiɛn b'ɔ cɛnnin e Min Jésus'n b'ɔ su wa bu e sran kpa wie'n i su'n, e liɛ o nun wie.

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

1 Korɛntfuɛ Mun 12:13

Afin Nyanmiɛn fɛ i Wawɛ'n yoli e batɛm, sɛ Zuif o, Grɛk o, kanga o, diewa o, ɔ man e kwlaa y'a kaci sran wunmuan, yɛ i Wawɛ'n ti e kwlaa e liɛ.

1 Korɛntfuɛ Mun 15:20

Ɔ ti-man sɔ mlɔnmlɔn, sanngɛ Nyanmiɛn cɛnnin Krist sakpa, ɔ man ɔ ti be nga be wu bɔ be ´cɛn'n be nun klikli.

Galasifuɛ Mun 3:27

Amun kwlaa bɔ kɛ an yoli batɛm'n amun nin Krist amu'an kaci sran wunmuan'n, amun nzuɛn liɛ'n ɔ'a fɛ i liɛ'n.

Efɛzfuɛ Mun 2:8

Afin Nyanmiɛn i ye b'ɔ yoli amun'n ti ɔ man amu'an nyan amún ti i su bɔ an lafi'n ti. Amún ti nyanlɛ sɔ'n, ɔ fin-man amun bɔbɔ, Nyanmiɛn yɛ man an nyannin amún ti-ɔ.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Efɛzfuɛ Mun 3:7

Jasin fɛ sɔ'n i junman bɔ Nyanmiɛn man n di i klun-ufue'n ti'n, i fanngan nun yɛ n di-ɔ.

Efɛzfuɛ Mun 4:5

E Min'n ti kun, sulafilɛ wafa nga e lafi Krist su'n ti kun, batɛm'n ti kun,

Efɛzfuɛ Mun 5:14

afin sɛ be wun like'n kwlaa be wafa nga be ti'n i weiin'n, kpɛkuun be wun ase. I sɔ'n ti be seli kɛ: «Lafifuɛ, tinnge, jao fuɛn'm be nun yɛ Krist man a ´wun ase .»

Filipfuɛ Mun 1:29

afin nán Krist sulafilɛ ngunmin yɛ Nyanmiɛn man amun lafi-ɔ, sanngɛ ɔ man amun wun nyrɛnnɛn i dunman nun ekun.

Kolɔsfuɛ Mun 1:29

Wunmiɛn ng'ɔ mannin min'n, i ti n lɛ fanngan yɛ m mian mín nyin fa di junman kpa.

Kolɔsfuɛ Mun 2:13

Amun bɔ laa amún sa bɔ an yoli Nyanmiɛn'n, nin klɛn bɔ b'a wla-man amun'n ti an ti kɛ sran bɔ ɔ'a wu sa'n, kɛ ɔ yacili sa nga e yoli i'n i kwlaa cɛli ye'n, ɔ mannin amun nin Krist amun nguan.

Hébreu 12:2

Man e kpɛ é nyin nian Jésus, e Nyanmiɛn sulafilɛ'n fin i, i yɛ man e ´lafi i su lele ´guɛ i ti nin i bo-ɔ. Kɛ ɔ bu i klun b'ɔ wa jɔ'n i akunndan'n, ɔ kplinnin su man be kunnin i waka'n su, ɔ'a bu-mɛn i nyin ase gualɛ'n i like fi, kɛ e ´se yɛ'n ɔ'a ko tran Nyanmiɛn i bia'n i fama su .

Hébreu 6:2

be `yo sran'm be batɛm wafa-wafa'n, be `sie bé sa sran'm bé su'n, sran'm be cɛn'n, yɛ Nyanmiɛn bu ndɛ-ɔ ɔ kaci-mɛn i'n.

1 Piɛr 3:21

Nzue sɔ'n ti batɛm b'ɔ man amu'an nyan amún ti ndɛ'n i nzɔliɛ. Nán kɛ ɔ wunnzin amun wunnɛn'n su fiɛn-ɔn, sanngɛ ɔ man e srɛ Nyanmiɛn kɛ nán man e klun titi ye kun. Jésus-Krist i cɛnlɛ'n ti yɛ e nyannin é ti-ɔ.