Kolɔsfuɛ Mun 2:11 - NYANMIƐN NDƐ'N 1998

¹¹ Sran wunmuan bɔ amun nin i a kaci'n ti, b'a wla amun klɛn, amun klɛn liɛ sɔ'n, nán sran yɛ ɔ wlali-ɔ, sanngɛ ɔ fin Krist bɔbɔ, i bo kle kɛ amun nin sa tɛ'n b'a bu.

Nyanmien nde Ufle

¹¹ Swran wunmuan bo amun nin i a katyi'n ti, ba wla amun klen, amun klen lie so'n, nanh swran ye o wlalio, sannge o fin Christ bobo, i bô klé ke amun nin sa te'n wa bu.

Kolɔsfuɛ Mun 2:11 ပူးပေါင်းရင်းမြစ်များ

Zeremi 4:4

An `wla klɛn nan an `yo Anannganman'n liɛ. Zidafuɛ mun nin Zerizalɛm klɔ'n sufuɛ mun, an `wla amun anwlɛn'n i klɛn. Ɔ'a yo-man sɔ-ɔ, amun nzuɛn tɛ'n ti, min ya'n ɔ wa jue kɛ sin sa. Sɛ ɔ jue kusu-ɔ, sran fi su kwla nuɛn-mɛn i.› »

Marc 14:58

«E tili kɛ ɔ seli kɛ ɔ ´bubu Nyanmiɛn i sua nga sran yɛ ɔ kplannin'n, nan i le nsan su'n ɔ ´kplan uflɛ bɔ sran sa su wlu-man nun.»

JÉSUS-CHRIST I DYASIN FE'N BO LUC KLELI'N 2:21

Kɛ bakan'n dili le mɔcuɛ'n, be wa wlɛli i klɛn, be tɔnnin i dunman Jésus, dunman nga anz'n dun mmua kleli nan i nin wa wunnzɛ i nin-ɔn.

Sa nga bé yôli'n 17:24

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

Sa nga bé yôli'n 7:48

Sanngɛ Nyanmiɛn bɔ like fi nun-mɛn i sin'n, ɔ tran-man sua bɔ sran sa yo'n nun, afin be klɛli Nyanmiɛn nuan ijɔfuɛ'n i fluwa'n nun kɛ e Min Nyanmiɛn'n seli kɛ:

Rɔmfuɛ Mun 2:29

sanngɛ Zuif kpa'n yɛlɛ sran ng'ɔ ti sɔ i anwlɛn nun'n, yɛ klɛn wlalɛ kpa'n yɛlɛ nga Nyanmiɛn Wawɛ'n wlɛ i sran i anwlɛn'n nun b'ɔ fin-man mmla nga be klɛli nun'n. Nán sran mun yɛ be yi Zuif kpa sɔ'n i ayɛ-ɔ, Nyanmiɛn bɔbɔ yɛ ɔ yi i ayɛ-ɔ.

Rɔmfuɛ Mun 6:6

E si kpa kɛ be boboli e wafa nga e ti laa'n nin i waka'n su kɛ ɔ yo sɔ nan e nzuɛn tɛtɛ'n ɔ wie nan nán man sa tɛtɛ'n yo e nzuɛn kun.

Rɔmfuɛ Mun 7:24

Eee, n ti nyrɛnnɛnfuɛ dan! ?Wan yɛ ɔ ´tu min nzuɛn nga b'ɔ man n ´wu'n, i su-ɔ?

2 Korɛntfuɛ Mun 5:1

Afin e si kɛ e wunnɛn ng'ɔ o yɛ'n ɔ ti kɛ kpata sa. Sɛ ɔ saci'n, Nyanmiɛn ´man e tranwlɛ uflɛ nyanmiɛn su lɔ b'ɔ ti-man sran sa nuan yɛ ɔ su saci-man le.

2 Korɛntfuɛ Mun 5:17

Sɛ sran kun nin Krist be kaci sran wunmuan'n, wuun Nyanmiɛn ɔ'a bo i uflɛ, i akunndan'n nin i nzuɛn laa'n ɔ'a wie, i akunndan'n nin i nzuɛn'n kwlaa a kaci.

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Galasifuɛ Mun 5:24

Be nga be ti Krist-Jésus liɛ'n, be boboli be waka'n su, ɔ man b'a wla be konvi'n i ase, yɛ bé nyin blo-man ninnge'm be su kun.

Efɛzfuɛ Mun 4:22

I sɔ'n ti'n, an `wla amun nzuɛn laa b'ɔ man an yo sa ng'ɔ fata-man'n i ase. I ti yɛ amún nyin blo ninnge'm be su yɛ an laka amun wun lele an saci nin-ɔn.

Mmla'n 10:16

Ɔ man i ti'n, amun `fa amun wun mɛn i mlɔnmlɔn. Nán amun yo nyin kekle i su kun.

Mmla'n 30:6

Anannganman amun Nyanmiɛn'n i bɔbɔ, ɔ ´yo man amun nin amun osu nunfuɛ mun amun anwlɛn'n ɔ ´yo kpa. Ɔ man amun wa klo i kpa, amun wa fa amun wla'n kwlaa guɛ i su, yɛ amun akunndan'n kwlaa wa trɛn i su, kpɛkuun amun ´tran nguan nun.

Filipfuɛ Mun 3:3

E yɛ e wla klɛn kpa nin-ɔn, afin e su Nyanmiɛn i Wawɛ'n i fanngan nun, e fa Krist-Jésus di é nuan, e fa-man é wla gua-man e wafa nga e ti'n su.

Kolɔsfuɛ Mun 3:5

I sɔ'n ti'n, an `wla amun asiɛ'n su wa nzuɛn'n be ase: bla nin bian kunndɛlɛ, sa tɛtɛ yolɛ, be konvi b'ɔ sɔ nyannzuɛn sa mun'n, bé nyin b'ɔ blo ninnge'm be su'n, bé nyin b'ɔ yi-man like'n b'ɔ nin amuɛn sɔlɛ'n ti kun'n.

Hébreu 9:11

Sanngɛ Krist bali, ɔ wa yoli Nyanmiɛn nyrun jranfuɛ'm be su kpɛn ninnge kpakpa bɔ be wa ba'n be ti. Tannin sua ng'ɔ di i junman nun'n ti dan, ɔ ti kpa tra laa liɛ'n. Nán sran yɛ ɔ kplannin-ɔn, ɔ man ɔ ti-man mɛn nga Nyanmiɛn yili i yɛ'n i nun like'm be wie.

Hébreu 9:24

Afin nán Nyanmiɛn lika b'ɔ ti sran sa nuan b'ɔ ti i kpafuɛ'n i nzɔliɛ i nun yɛ Krist wluli-ɔ, sanngɛ ɔ ɔli nyanmiɛn bɔbɔ'n su lɔ Nyanmiɛn wun lɔ, ɔ man kɛ e ´se yɛ'n, ɔ jran é nuan.