Kolɔsfuɛ Mun 1:9 - NYANMIƐN NDƐ'N 1998

⁹ I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

Nyanmien nde Ufle

⁹ I so'n ti, é kusu ke o fin tyen nga é tii amun nde bo bé kan'n, é sre Nyanmien titi ke o nian amun su. É sre i ke o man an si ngwlele, an wun sa nga i Wawe'n klé amun'n i wle, nan an si i klun sa'n kpa.

Kolɔsfuɛ Mun 1:9 ပူးပေါင်းရင်းမြစ်များ

Jue Mun 119:99

N si like n tra min ngwlɛlɛ klefuɛ mun, afin n yaci-man sa nga a fa be sie min nyrun'n be akunndan bulɛ.

Jue Mun 143:10

Kle min ɔ klun sa'n i yolɛ'n. Wɔ yɛ a ti min Nyanmiɛn nin-ɔn. Man ɔ Wawɛ klun-ufuefuɛ'n ɔ dun mmua min nyrun atin b'ɔ ti kpa'n su.

Jean 7:17

Sran ng'ɔ klo kɛ ɔ ´yo Nyanmiɛn klun sa'n, ɔ ´si kɛ like nga n kle'n ɔ fin i annzɛ m bɔbɔ n kpɛ n klun yɛ n kle-ɔ.

Sa nga bé yôli'n 12:5

I sɔ'n ti sonja'm be nian Piɛr su kpa bisua lɔ, sanngɛ asɔnunfuɛ'm be srɛ Nyanmiɛn titi kɛ ɔ niɛn i su.

Rɔmfuɛ Mun 12:2

Nán an yo kɛ sran mun bɔ be o lɛ ndɛ'n be sa, sanngɛ man Nyanmiɛn kaci amun akunndan'n nan an kaci mlɔnmlɔn. Kɛ ɔ ko yo sɔ'n, amun ´wun Nyanmiɛn i klun sa'n i wlɛ, yɛ amun ´si sa ng'ɔ ti kpa, b'ɔ jɔ i klun, b'ɔ man amun ´yo kpa'n.

1 Korɛntfuɛ Mun 1:5

Afin kɛ amun nin Krist amu'an yo sran wunmuan'n, like kpakpa'n kwlaa ti a sin a yia amun, an si i ndɛ'n kwlaa kan, an wun i ninnge'm be kwlaa be wlɛ.

Efɛzfuɛ Mun 1:8

i klun-ufue'n ti. I ngwlɛlɛ b'ɔ si i'n nin i sa kwlaa wlɛ wunlɛ'n ti,

Efɛzfuɛ Mun 5:10

An `mian amún nyin an ´yo sa ng'ɔ yo e Min'n i fɛ'n.

Efɛzfuɛ Mun 5:17

I sɔ'n ti'n, nán an yo sinnglinfuɛ, sanngɛ an `mian amún nyin kɛ amun ´si like nga e Min'n klo kɛ an yo'n.

Efɛzfuɛ Mun 6:6

Nán kɛ kɛ be o lɛ'n i ngunmin yɛ an yo i sɔ nan be klun jɔ amun wun-ɔn, sanngɛ kɛ an ti Krist i kanga'n ti'n, an `tu amun klun yo sa ng'ɔ ti Nyanmiɛn klun su'n.

Filipfuɛ Mun 1:4

Blɛ kwlaa nga n ´srɛ Nyanmiɛn kɛ ɔ jran amun kwlaa amún sin'n, n klun jɔ i srɛlɛ sɔ'n su

Kolɔsfuɛ Mun 1:6

Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

Kolɔsfuɛ Mun 4:5

Like nga an yo man be bɔ be ti-man Kristfuɛ'n, an `fa ngwlɛlɛ yo. Kɛ amu'an nyan amun ti'n, nán an tran lɛ ngbɛn, an `yo like ng'ɔ yo sa ye'n.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Tɛsalonikfuɛ Mun 5:17

An `koko yalɛ kle Nyanmiɛn titi, nán an yaci.

2 Tɛsalonikfuɛ Mun 1:11

I sɔ'n ti, e srɛ e Nyanmiɛn'n titi kɛ ɔ jran amun sin nan kɛ ɔ wun amun'n, ɔ wun kɛ flɛlɛ ng'ɔ flɛli amun'n ɔ ti kpa. Man Nyanmiɛn man sa kpa nga an klo kɛ amun ´yo'n, nin sa nga an lafi su kɛ ɔ ´yo'n, ɔ yo ye.

Filemɔn 1:4

Ɔ ti, n la min Nyanmiɛn'n i ase titi, yɛ n srɛ i titi kɛ ɔ nian wɔ su,

Filemɔn 1:6

N ´srɛ Nyanmiɛn kɛ anuansɛ bɔ Krist bɔ e lafili i su'n ti e di'n, ɔ man a wun like kpakpa kwlaa ng'ɔ ti e liɛ sran wunmuan bɔ e nin Krist y'a kaci'n ti'n i wlɛ kpa weiin.

Hébreu 10:36

An `tra amun anwlɛn nan amu'an yo Nyanmiɛn klun sa nan amu'an nyan like nga i waan ɔ ´fa man amun'n.

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

Jacques 1:5

Sɛ ngwlɛlɛ'n w'a ti-man amun nun wie kpa'n, man ɔ kan kle Nyanmiɛn bɔ i sa ti-man tankaan'n, b'ɔ fa like man sran'm be kwlaa ɔ ijɔ-mɛn i sin'n. Ɔ man sran sɔ'n ɔ ´wun sa wlɛ.

Jacques 3:17

Ngwlɛlɛ b'ɔ fin nyanmiɛn su'n, sɛ ɔ ti sran'n, wuun e ´se kɛ sa tɛ kaan sa nun-mɛn i wun. Ɔ klo-man ndɛnngan, ɔ ti wɛtɛfuɛ, be nin i kwla koko yalɛ, ɔ si aunnvuɛ dan, ɔ yo sa kpa, ɔ bu-man sran'n wie kpa tra-man wie, yɛ ɔ klo-man dunman.

1 Piɛr 2:15

Sa nga Nyanmiɛn klo'n yɛlɛ kɛ an yo sa ng'ɔ ti kpa'n. I sɔ'n nun sinnglinfuɛ bɔ be wun-man sa wlɛ'n, be su kwla kan-man ndɛ fi.

1 Piɛr 4:2

Afin Kristfuɛ ng'ɔ wun nyrɛnnɛn'n, wuun ɔ nin sa tɛ'n b'a bu. Ɔ man cɛn nga an tɛ di i asiɛ'n su wa'n, an `fa yo Nyanmiɛn klun sa, nán an yo klɔ sran klun sa kun.

1 Jean 2:17

Mɛn'n nin i nun ninnge kwlaa bɔ sran nyin blo su'n, be ´wie, sanngɛ sran ng'ɔ yo Nyanmiɛn klun sa'n, ɔ ´ka lɛ tititi.

1 Jean 5:20

E si kusu kɛ Nyanmiɛn Wa'n bali yɛ ɔ kle ye ngwlɛlɛ nan e si Nanwlɛfuɛ'n. E nin Nanwlɛfuɛ sɔ'n y'a yo kun i wa Jésus-Krist ti. I yɛ ɔ ti Nyanmiɛn nin-ɔn, i yɛ be flɛ i nguan nin-ɔn.

1 Samiɛl 12:23

N kusu n kwla se-man kɛ n srɛ-man Nyanmiɛn m man-man amun kun. Sɛ n se sɔ-ɔ, wuun m'an fɔn Anannganman wun. N ´srɛ m ´man amun, n ´kle amun atin ng'ɔ ti kpa'n, b'ɔ ti seiin'n.