Kolɔsfuɛ Mun 1:6 - NYANMIƐN NDƐ'N 1998

⁶ Jasin fɛ'n ɔ tru, ɔ yo sran'm be kpa mɛn wunmuan'n nun. Amun kusu, kɛ ɔ fin cɛn nga an tili ye nga Nyanmiɛn yo sran mun'n bɔ an wunnin i wafa ng'ɔ ti'n i wlɛ sakpa'n, kɛ ɔ yoli amun sɔ-ɔ.

Nyanmien nde Ufle

⁶ Dyasin fe'n tru, o yô swran'm bé kpa men wunmuan'n nun, amun kusu, ke o fin tyen nga an tili yé nga Nyanmien yô swran mun'n bo an wuun i wafa ng'o ti'n i wle sakpa'n, ke o yôô amun soo.

Kolɔsfuɛ Mun 1:6 ပူးပေါင်းရင်းမြစ်များ

Jue Mun 110:3

Blɛ nga a ´yiayia wɔ alɛ kunfuɛ'm bé nuan'n, sonja yakpafuɛ'm be nin wɔ-ɔ. Ɔ gbanflɛn'm be ´ba ɔ́ wun ɔ oka'm bé su, be ´ba kɛ nglɛmun bɔlɛ'n b'ɔ gua'n sa.

Jue Mun 98:3

Izraɛlfuɛ'm be ye b'ɔ yo i cɛn kwlaa nin be nanwlɛ b'ɔ di i tititi'n, i wla a fi-man su le. Kɛ ɔ ´fɛ i asiɛ'n i bue kun su lele b'ɔ ´fa ju i bue kun su lɔ'n, sran'm be kwlaa be wunnin delɛ nga e Nyanmiɛn'n deli ye'n .

Matthieu 24:14

Be wa kan Nyanmiɛn sielɛ'n i jasin fɛ nga mɛn wunmuan'n nun nan sran'n kwlaa be `ti Nyanmiɛn ndɛ'n. I sin yɛ mɛn i awieliɛ'n ɔ ´ju-ɔ.»

Matthieu 28:19

I sɔ'n ti, an `wɔ ko kle nvle-nvle'n kwlaa be like man be kaci n sɔnnzɔnfuɛ, yɛ an `yo be batɛm e Si Nyanmiɛn, nin i Wa'n, ɔ nin i Wawɛ'n be dunman nun .

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

Marc 4:8

Wie kusu tɔli asiɛ kpa su, kɛ ɔ fifili'n, ɔ wlali nnya, ɔ wlɔli, tre kun wlɔli ablasan, kun ekun wlɔli ablesiɛn, yɛ kun kusu wlɔli ya.

Jean 15:16

Nán amun yɛ an fali min-ɔn, sanngɛ min yɛ n fali amun-ɔn. N fali amun kɛ an wɔ nan an ko yo kɛ waka sama b'ɔ su'n sa. N waan mma nga an su i sɔ'n ɔ ´ka lɛ titi nan like kwlaa nga an fa n dunman srɛ e Si'n, ɔ `man amun.

Jean 17:19

Be ti n fa mín wun mannin wɔ mlɔnmlɔn nan be kusu be `kaci ɔ liɛ sakpa.

Jean 4:23

Sanngɛ cɛn wie lele — cɛn sɔ'n ɔ'a ju bɔbɔ — be bɔ be koto e Si'n bo be mɛnmɛn i sakpa'n, be ´koto i bo be ´mɛnmɛn i be akunndan'n nun nanwlɛ nun, afin be nga be manman e Si'n sɔ'n, be sɔfuɛ mun yɛ ɔ kunndɛ be-ɔ.

Sa nga bé yôli'n 11:18

Kɛ be tili ndɛ sɔ'n, ɔ man be tɔli nun, yɛ be yili Nyanmiɛn ayɛ, yɛ be seli kɛ: «Kannzu sakpa Nyanmiɛn man be bɔ be ti-man Zuif'n be kusu be kacili be nzuɛn'n yɛ b'a nyan nguan wie.»

Sa nga bé yôli'n 12:24

Sanngɛ e Min'n i ndɛ'n trɛ tititi.

Sa nga bé yôli'n 16:14

Bla kun b'ɔ su Nyanmiɛn'n wo lɛ, be flɛ i kɛ Lidi, ɔ fin klɔ'n bɔ be flɛ i Tiatir'n su, ɔ yo tannin kpakpa bɔ i nyin ti ɔkwlɛ kankankan atɛ. Ɔ sie i su e ndɛ'n su, e Min'n man i akunndan tran ndɛ bɔ Pɔl kan'n su, nan ɔ'a fa su.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Rɔmfuɛ Mun 1:13

Aniaan mun, m bu amun wun lɔ kɔlɛ'n i akunndan tititi, min waan m ´ba nan n ´nyan n junman'n i nuan like amun wun lɔ kɛ nyɛn i nvle kun'm be nun'n sa, sanngɛ lele ndɛ n nian nyan-man ń ti .

Rɔmfuɛ Mun 15:19

yɛ sa kekleekle mun, nin atrɛ mun, nin abonuan sa mun bɔ Nyanmiɛn Wawɛ'n i fanngan nun n yoli be'n, be cɛ yɛ n kan-an. Kɛ m boli Krist i jasin fɛ'n kwlakwlakwla sa. M boli i Zerizalɛm bue liɛ'n su lele fa juli Iliri.

Rɔmfuɛ Mun 15:28

Like nga ti yɛ be sunmannin min'n, sɛ n wie i yo bɔ n wun kɛ b'a fa sika sɔ'n b'a wla bé sa nun'n, n ´ko Ɛspanyi. Kɛ n ´kɔ'n, m ´bo nun amun wun lɔ.

Rɔmfuɛ Mun 16:26

Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i.

2 Korɛntfuɛ Mun 10:14

Kɛ e fa Krist i jasin fɛ'n ɔli amun wun lɔ'n, i sɔ'n kle-man kɛ e tra e junman'n i juwlɛ'n su, afin an wo nun wie.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Efɛzfuɛ Mun 3:2

Sa nga Nyanmiɛn i klun-ufue'n ti ɔ man n yo man amun'n, n lafi su kpa kɛ an tili.

Efɛzfuɛ Mun 4:21

Afin nanwlɛ, an tili Jésus ndɛ bɔ be kan'n, yɛ sran wunmuan bɔ amun nin i kacili'n ti'n, be kleli amun nanwlɛ ndɛ ng'ɔ kleli'n.

Efɛzfuɛ Mun 4:23

Man Nyanmiɛn bo amun uflɛ yɛ ɔ `kaci amun akunndan'n.

Efɛzfuɛ Mun 5:9

Afin be nga be o wia'n nun'n, be yo sran ye, be yo sa kpa, yɛ be di nanwlɛ.

Filipfuɛ Mun 1:11

Yɛ Jésus-Krist man amun ´yo sa kpakpa Nyanmiɛn manmanlɛ nin i kɔmin su manlɛ'n ti.

Filipfuɛ Mun 4:17

Nán kɛ n klo kɛ be man n like ti-ɔ, sanngɛ n klo kɛ an nyan wie uka amun liɛ'n su.

Kolɔsfuɛ Mun 1:10

I sɔ'n nun'n, amun nyoliɛ'n ɔ ´man e Min'n i kɔmin su yɛ sa nga amun ´yo'n, i kwlaa ´jɔ i klun, yɛ amun ´yo sa kpakpa'n kwlaa, yɛ silɛ nga an si Nyanmiɛn'n ɔ ´yo dan.

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

1 Tɛsalonikfuɛ Mun 1:5

Afin kɛ e kan jasin fɛ'n i ndɛ kleli amun'n, y'a kɛn-mɛn i é nuan nun ngbɛn, Nyanmiɛn Wawɛ'n yɛ ɔ tinnin ye-ɔ, ɔ man ye wun i wlɛ kpa kɛ ndɛ nga e kan'n ti nanwlɛ, yɛ Nyanmiɛn Wawɛ di junman amun afiɛn. Kɛ e o amun wun lɔ'n an si e wun wafa nga e yoli'n, amun ti yɛ e yoli e wun sɔ-ɔ.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

2 Tɛsalonikfuɛ Mun 2:13

Aniaan mun, amun bɔ an ti e Min'n i sran kpa'n, amun ti ɔ fata kɛ e la Nyanmiɛn ase tititi. Afin kɛ ɔ fin i bo bolɛ nun'n, ɔ fali amun kɛ i Wawɛ'n man an kaci i liɛ yɛ an lafi nanwlɛ'n su nan an nyan amún ti.

1 Piɛr 5:12

E niaan Silvɛn bɔ n wunnin kɛ e kwla fa é wla guɛ i su'n, i yɛ ɔ uka min e klɛli ndɛ kaan nga n klɛ blɛ amun yɛ nin-ɔn. Min waan n ´wla amun fanngan yɛ n ´kan kle amun kɛ ye nga Nyanmiɛn yo ye'n, i yɛ ɔ ti ye kpafuɛ nin-ɔn. I ti, an `jran kekle.