Kolɔsfuɛ Mun 1:5 - NYANMIƐN NDƐ'N 1998

⁵ Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.

Nyanmien nde Ufle

⁵ Ke an tii dyasin fe'n b'o ti nanwle'n klikli'n, bé kan liké nga bé siéé nyanmien su lo sié amun'n i nde kléé amun. Amun wla b'o ô su'n ti ye an lafi su, ye an klô Nyanmien swran muon.

Kolɔsfuɛ Mun 1:5 ပူးပေါင်းရင်းမြစ်များ

Jue Mun 31:19

Nán man atofuɛ'm be nyan nuan be ijɔ kun, afin be ti wun tufuɛ. Sran'm bé wun yo be tɛ, yɛ be ijɔ tɛtɛ kle sran kpa mun.

JÉSUS-CHRIST I DYASIN FE'N BO LUC KLELI'N 12:33

An `yo amun ninnge'm be atɛ, an `fɛ i sika'n cɛ yalɛfuɛ mun. An `kpɛ bɛtrɔ b'ɔ yo-man nvuɛn bɔ like wie-man nun'n, an `sie i Nyanmiɛn su lɔ, lɔ liɛ'n, awiefuɛ kɔ-man lɔ, nvɔlɛ di-man like lɔ.

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 13:26

Nja mun, amun bɔ an ti Abraam anunman'n, bɔ amun su Nyanmiɛn'n, e nin amun e yɛ be fali delɛ ndɛ nga blɛli ye-ɔ.

Sa nga bé yôli'n 23:6

Kɛ Pɔl si kɛ be bɔ be yiali lɛ'n be ti akpasua nnyɔn'n, akpasua kun ti Farizifuɛ, yɛ kun ekun ti Sadisefuɛ'n, ɔ kpannin jɔlɛ difuɛ'm be nyrun lɛ kɛ: «Nja mun, n ti Farizifuɛ, Farizifuɛ'm bé wa yɛlɛ min, ń wla bɔ n fa ngua sran nga be wu'n be cɛnlɛ ndɛ'n su'n, i ti yɛ be sanman min-ɔn.»

Sa nga bé yôli'n 24:15

N lafi Nyanmiɛn su kɛ sran kpa mun o, sran tɛ mun o, be ´cɛn, yɛ be kusu be lafi i sɔ'n su wie.

Rɔmfuɛ Mun 10:8

?Ndɛ nga be klɛli'n ɔ se sɛ? Ɔ se kɛ: «Nyanmiɛn ndɛ'n wo ɔ wun koko lɛ, ɔ o ɔ klun yɛ a kan-an.» Ndɛ sɔ'n yɛlɛ Nyanmiɛn sulafilɛ ndɛ bɔ e kan'n .

1 Korɛntfuɛ Mun 13:13

Siɛn'n, like nsan nga be ka lɛ'm be yɛ: Nyanmiɛn su lafilɛ, é wla bɔ e fa guɛ i Nyanmiɛn su'n, nin klolɛ bɔ e fa klo Nyanmiɛn nin sran'n, sanngɛ be nun dan'n yɛlɛ Nyanmiɛn nin sran be klolɛ.

1 Korɛntfuɛ Mun 15:19

Sɛ blɛ nga e o nun yɛ'n ngunmin yɛ é wla o Krist su'n, bɔ kɛ e ko wu'n wuun ɔ'a wie'n, e nyrɛnnɛn liɛ'n tra sran'n kwlaa.

2 Korɛntfuɛ Mun 5:19

Nyanmiɛn nin Krist be sran kun bɔ be ti'n ti'n, ɔ'a nian-man sa nga sran'm be yoli'n ti, ɔ yoli man mɛnmɛnfuɛ'm be kwlaa be nin i be afiɛn a sɛ. Yɛ ɔ fa afiɛn siesielɛ ndɛ sɔ'n wlali é sa nun.

2 Korɛntfuɛ Mun 6:7

e kan ndɛ b'ɔ ti nanwlɛ, yɛ sa nga e yo'n e yo i Nyanmiɛn fanngan nun. Nanwlɛ dilɛ'n yɛ ɔ ti ye alɛ like bɔ e fa kun alɛ yɛ e fa kpli é ti-ɔ.

Galasifuɛ Mun 2:14

Kɛ n wunnin bé sa nga be yo'n kɛ ɔ nin jasin fɛ'n b'ɔ ti nanwlɛ'n be sɛ-man'n, n usali Sefas be kwlaa be nyrun lɛ kɛ: «?Ɔ bɔ a ti Zuif'n bɔ a yaci Zuif'm be nzuɛn'n a yo kɛ be nga be ti-man Zuif'n be sa'n, ɔ yo sɛ yɛ a mian be kɛ be yo kɛ Zuif'm be sa nin-ɔn?»

Galasifuɛ Mun 2:5

Kɛ ɔ ko yo nan jasin fɛ'n b'ɔ ti nanwlɛ'n ɔ'a tran amun klun n ti'n, b'a nyan-man jranwlɛ bɔ kaan sa.

Galasifuɛ Mun 5:5

E liɛ'n, é wla o Nyanmiɛn su kpa kɛ ɔ ´bu ye sran kpa i su bɔ i Wawɛ'n man e lafi'n ti, e minndɛ kɛ ɔ ´yo e sɔ.

Efɛzfuɛ Mun 1:13

Amun kusu, kɛ an tili jasin fɛ'n b'ɔ ti nanwlɛ'n, b'ɔ man amun kwla nyan amún ti'n, an lafili Krist su. Kɛ amun nin i amu'an kaci sran wunmuan'n ti, Nyanmiɛn fɛli i Wawɛ'n b'ɔ kɛn i ndɛ'n mannin amun b'ɔ kle kɛ an ti i liɛ mlɔnmlɔn.

Efɛzfuɛ Mun 4:21

Afin nanwlɛ, an tili Jésus ndɛ bɔ be kan'n, yɛ sran wunmuan bɔ amun nin i kacili'n ti'n, be kleli amun nanwlɛ ndɛ ng'ɔ kleli'n.

Kolɔsfuɛ Mun 1:23

Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Kolɔsfuɛ Mun 1:27

Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

1 Tɛsalonikfuɛ Mun 2:13

I sɔ'n ti, e kusu e la Nyanmiɛn ase titi, afin i ndɛ bɔ e kan kleli amun'n, an tili yɛ an fali su. Amu'an bu-mɛn i kɛ ɔ ti sran liɛ, sanngɛ an wunnin i kɛ ɔ ti Nyanmiɛn ndɛ sakpa b'ɔ kwla yo amun bɔ an lafi Krist su'n, amún wun sa ye.

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

1 Timote 1:15

Ndɛ nga ti nanwlɛ weiin, sɛ be fa su'n ɔ ti kpa, yɛlɛ kɛ Krist-Jésus bali mɛn'n nun sa tɛ yofuɛ mun bɔ n ti be nun klikli'n be delɛ.

2 Timote 4:8

Siɛn'n, like nga be fa yo sran ng'ɔ yo kpa'n i mo'n, b'a sie i lɔ a sie min. E Min'n b'ɔ di jɔlɛ nanwlɛ nun'n yɛ ɔ ´fa man min jɔlɛ dilɛ cɛn sɔ'n nun-ɔn. Nán min ngunmin yɛ ɔ ´fa man min-ɔn, sanngɛ ɔ ´fa man be kwlaa nga bé nyin tɛ o balɛ i sin'n.

Tite 1:2

nan be fa be wla gua anannganman nguan'n su. Nyanmiɛn b'ɔ bua-man ato'n, kɛ ɔ nian yi-man mɛn'n, ɔ sieli kɛ e nyan nguan sɔ'n.

Hébreu 7:19

Mmla sɔ'n man like fi kwla yo-man kpa, yɛ like uflɛ bɔ i kpa trɛ i'n, bɔ e kwla fa é wla'n gua su'n, be fa sieli i osu, ɔ man e kwla mantan Nyanmiɛn.

1 Piɛr 2:2

Kɛ ba nɔnman kunndɛ nyɔnflɛn'n, amun kusu an `kunndɛ Nyanmiɛn ndɛ b'ɔ ti kɛ nɔnnɔn bɔ b'a gua-man nun like'n sa. Sɛ amun nɔn'n, amun ´yo sran yɛ amun ´nyan amún ti.

1 Piɛr 3:15

Sanngɛ an `bu Krist sran, yɛ an `bu i amun Min. An `bu sa ti yɛ amún wla o Krist su'n i akunndan sie nan sɛ be usa amun i su sa'n amu'an kwla tɛ su .

2 Piɛr 1:12

An si sa sɔ mun, yɛ an lafi ndɛ nanwlɛ nga an tili'n su kpa, sanngɛ n su yaci-man amun wla kpɛnlɛ sa sɔ'm bé su.

1 Jean 3:3

Sran kwlaa nga i wla o su sɔ'n, ɔ yo man sa tɛ kaan sa trɛn-mɛn i wun, afin sa fi nun-man Krist wun.