Kolɔsfuɛ Mun 1:4 - NYANMIƐN NDƐ'N 1998

⁴ afin e tili Krist-Jésus su bɔ an lafi'n, nin klolɛ nga an fa klo Nyanmiɛn sran'm be kwlaa'n i ndɛ bɔ be kan'n.

Nyanmien nde Ufle

⁴ afin é tii Christ-Jésus su bo an lafi'n, nin klôle nga an fa klô Nyanmien swran'n kwlaa'n i nde bo bé kan'n.

Kolɔsfuɛ Mun 1:4 ပူးပေါင်းရင်းမြစ်များ

2 Korɛntfuɛ Mun 7:7

Nán i balɛ'n ngunmin yɛ ɔ guali ye anwlɛn su nzue-ɔ, sanngɛ kɛ ɔ kannin fɔnvɔlɛ wafa nga an fa fɔnvɔli i'n i ndɛ'n, ɔ man é wla'n guali ase dan. I waan an le min awuliɛ kpa, an wo ngokoɛ nun yɛ an jin min sin, ɔ man n klun jɔ dan kpa siɛn'n.

Galasifuɛ Mun 3:26

Afin Krist-Jésus bɔ an lafi i su'n ti, amun kwlaa an ti Nyanmiɛn wa.

Galasifuɛ Mun 3:28

Ɔ man ɔ lɛ-man Zuif nin Grɛk, ɔ lɛ-man kanga nin diewa, ɔ lɛ-man yasua nin bla, afin amun kwlaa an ti kun sran wunmuan bɔ amun nin Krist-Jésus amu'an kaci'n ti.

Galasifuɛ Mun 5:6

Kɛ e nin Krist-Jésus y'a kaci sran wunmuan'n, sɛ e wla klɛn o, sɛ y'a wla-man klɛn o, nɛ́n i li yɛ be nian-an, sanngɛ klolɛ bɔ e fa klo sran nin Nyanmiɛn'n i su bɔ e lafi'n i li yɛ be nian-an.

Efɛzfuɛ Mun 1:15

I sɔ'n ti'n, n kusu kɛ n tili e Min Jésus i su bɔ an lafi'n nin klolɛ bɔ an klo Nyanmiɛn i sran mun'n,

Efɛzfuɛ Mun 6:18

Kɛ an ko yo i kwlaa sɔ'n, an `srɛ Nyanmiɛn kɛ ɔ jran amún sin. Sa'n kwlaa nun'n, amun nin Nyanmiɛn koko yalɛ i Wawɛ'n i fanngan nun tititi. An `niɛn i sɔ'n su yo i titi, nán an kpɔnzɔ. An `srɛ Nyanmiɛn kɛ ɔ niɛn i sran'm be kwlaa bé su.

Kolɔsfuɛ Mun 1:9

I sɔ'n ti'n, e kusu kɛ ɔ fin cɛn nga e tili amun ndɛ bɔ be kan'n, e srɛ Nyanmiɛn titi kɛ ɔ nian amun su. E srɛ i kɛ ɔ yo man an si ngwlɛlɛ nan an wun sa nga i Wawɛ'n kle amun'n i wlɛ nan an si i klun sa'n kpa.

1 Tɛsalonikfuɛ Mun 1:3

E akunndan o like nga Krist su bɔ an lafi'n ti an yo'n, nin junman nga an di klolɛ bɔ an fa klo Nyanmiɛn nin sran'n, ɔ nin amún wla bɔ an fa gua e Min Jésus-Krist su kpa'n be su, yɛ e kan kle e Si Nyanmiɛn.

1 Tɛsalonikfuɛ Mun 3:6

Sanngɛ kɛ Timote fin amun wun lɔ icra'n b'ɔ juli wa'n, ɔ kannin amun wun lɔ ndɛ fɛ kleli e kɛ an tɛ lafi Krist su, yɛ i waan an klo Nyanmiɛn nin sran, yɛ an bu ye akunndan kpa titi, i waan amún wla lo e kɛ e kusu é wla lo amun'n sa.

2 Tɛsalonikfuɛ Mun 1:3

Aniaan mun, an lafi Krist su kpa tra laa'n, yɛ klolɛ nga amun kwlaa an fa klo amun wun'n ti dan tra laa'n, ɔ man amun ti ɔ fata kɛ e la Nyanmiɛn ase titi, sɛ e yo i sɔ-ɔ ɔ ti su.

Filemɔn 1:5

afin n ti klolɛ bɔ a fa klo e Min Jésus nin Nyanmiɛn sran'n kwlaa'n nin sulafilɛ nga a fa lafi be kwlaa be su'n i ndɛ.

Hébreu 6:10

Afin Nyanmiɛn yo-man sa b'ɔ ti-mɛn i su'n, i wla fi-man junman nga an dili nin klolɛ nga an fa klo i b'ɔ man an yoli i sran'm be ye bɔ an tɛ yo'n su'n.

1 Jean 3:14

E si kɛ y'a nyan é ti wie'n sa nun, yɛ y'a nyan nguan, yɛlɛ kɛ e klo e niaan mun. Sran ng'ɔ klo-man sran'n, wuun ɔ tɛ o wie'n sa nun.

1 Jean 3:23

An `nian mmla nga ɔ fa man ye'n yɛ: i waan e `lafi i Wa Jésus-Krist su, yɛ e klo e wun kɛ Krist kan kleli ye kɛ e klo e wun'n sa .

1 Jean 4:16

E si kɛ Nyanmiɛn klo ye, ɔ man e lafi i su. Nyanmiɛn yɛ ɔ ti sran klofuɛ nin-ɔn, ɔ man sran ng'ɔ klo sran'n, wuun ɔ nin Nyanmiɛn b'a kaci sran wunmuan, yɛ ɔ nin i be tran.