Kolɔsfuɛ Mun 1:28 - NYANMIƐN NDƐ'N 1998

²⁸ Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

Nyanmien nde Ufle

²⁸ Christ so'n i nde ye é kan klé swran'n kwlaa nion, é tu bé kwlakwla bé fo, é fa ngwlele kwlaa nga é sii'n é fa klé bé liké. É yô so nan swran'n kwlaa yô swran Nyanmien nyrun, swran wunmuan bo bé nin Christ ti'n ti.

Kolɔsfuɛ Mun 1:28 ပူးပေါင်းရင်းမြစ်များ

Ɛsdras 7:25

Ɛsdras, wɔ kusu Nyanmiɛn i ngwlɛlɛ'n wo ɔ́ nun. Nian su sie jɔlɛ difuɛ mun, ɔ nin mmla su nianfuɛ mun. Be kwlaa nga be o Efrat'n sin lɔ'n, bɔ be si Nyanmiɛn mmla'n, man be jran su di be jɔlɛ. Be nga be si-mɛn'n be kusu, kle be.

Nyanndra Mun 8:5

Ambɛfuɛ mun, amun `sɔnnzɔn ase wunlɛ, sinnglinfuɛ mun, amun `suan ngwlɛlɛ.

Akunndanfuɛ'n 12:9

Ng'ɔ o su ekun'n yɛlɛ kɛ akunndanfuɛ'n ɔ kleli nvle'n nunfuɛ'm be ninnge silɛ. Ɔ sieli i su ndɛ'm bé bo, ɔ siesieli nyanndra kpanngban kpa.

Zeremi 3:15

N ´fa kpɛnngbɛn nga min klun jɔ bé wun'n m ´man amun. Be ´kle amun atin'n kpa kɛ ɔ fata'n sa.»

Zeremi 6:10

?Wan yɛ n ´kan ndɛ n ´kle i-ɔ? ?Wan yɛ n ´fa sa'n n ´sie i nyrun b'ɔ ´fɛ i su sie su-ɔ? B'a bu be sukpɔ nun waka. Ɔ man be sie bé su-ɔ ɔ yo-man ye. Be srisri. Anannganman i ndɛ'n, i tielɛ yo-man be fɛ kun.

Ezekiɛl 7:10

Cɛn'n yɛ ɔ o yɛ, cɛn'n yɛ ɔ su ba yɛ, amun blɛ liɛ'n ɔ'a to amun, kpɔnman'n su bo nnyrɛ, wun tulɛ'n su trɛ.

Matthieu 28:20

Yɛ like kwlaa nga n kleli amun'n, amun kusu an `kle be man be fa su. An `nian, min nin amun e o cɛn kwlaa lele mɛn'n ´fa wie.»

Matthieu 3:7

Kɛ ɔ wunnin kɛ Farizifuɛ nin Sadisefuɛ kpanngban be ba kɛ ɔ `yo be batɛm'n, ɔ usali be kɛ: «?Ɔnda mma mun, wan yɛ ɔ seli amun kɛ an wanndi Nyanmiɛn i ya b'ɔ wa jao'n i bo-ɔ?

Matthieu 5:48

I sɔ'n ti, an `yo sran kpa kɛ amun Si b'ɔ o nyanmiɛn su lɔ'n ɔ ti kpa'n sa .»

Marc 6:34

Kɛ Jésus fin alie'n nun jrali'n, ɔ wunnin sran sɔ mun b'a bo nzra dan kpa, nan b'a yo i annvɔ, afin be ti kɛ bua'm bɔ be lɛ-man tafuɛ'n sa, yɛ ɔ boli be like klelɛ'n bo-ɔ, ɔ kleli be like kpanngban.

JÉSUS-CHRIST I DYASIN FE'N BO LUC KLELI'N 21:15

Afin m bɔbɔ yɛ n ´fa ndɛ nga amun ´kan'n wla amún nuan-an, yɛ m bɔbɔ yɛ n ´kle amun ngwlɛlɛ-ɔ, ɔ man amun kpɔfuɛ'm be su kwla kpalo-man amún nuan yɛ be su si-man amun akplowa.

Sa nga bé yôli'n 10:36

Ɔ fɛ i ndɛ'n blɛli Izraɛlfuɛ mun, yɛ ɔ kannin alaje bɔ be wa nyɛn i Jésus-Krist b'ɔ ti sran'm be kwlaa be Min'n i ti'n i ndɛ kleli be.

Sa nga bé yôli'n 11:20

Sanngɛ be nun sran wie'm be fin Sipri nin Sirɛni, be bali Antiɔs, be kan ndɛ kleli Grɛk mun wie, yɛ be bo e Min Jésus i jasin fɛ'n kleli be.

Sa nga bé yôli'n 13:38

I sɔ'n ti, nja mun, man an si kɛ i dunman nun yɛ be kan é wun sa nga Nyanmiɛn yaci cɛ ye'n i ndɛ kleli amun-ɔn.

Sa nga bé yôli'n 17:18

Fluwa sifuɛ dandan wie'm bɔ be flɛ be epikirfuɛ nin stɔikfuɛ'n be nin Pɔl kannin ndɛ. Be wie'm be se kɛ: «?Fiaifuɛ nga i wan nzɛ?» Yɛ wie'm be se kɛ: «Ɔ su kan nvle wie'm be amuɛn ndɛ.» Sa ti bɔ be kɛn i sɔ'n yɛlɛ kɛ ɔ kan Jésus ndɛ nin sran'm be cɛnlɛ ndɛ.

Sa nga bé yôli'n 17:3

ɔ tuli ndɛ sɔ'n i bo kleli be weiin, ɔ seli be kɛ Krist i nyrɛnnɛn wunlɛ'n nin i cɛnlɛ'n ɔ ti su. Yɛ ɔ seli be kɛ: «Jésus bɔ n kɛn i ndɛ kle amun'n, i yɛ ɔ ti Krist nin-ɔn.»

Sa nga bé yôli'n 20:31

I sɔ'n ti, an `nian amún wun kpa, nán amún wla fi kɛ m'an yaci-man amun kwlakwlakwla amun afɔtuɛ manlɛ afuɛ nsan kɔnguɛ nin wia'n nun. Kɛ n ´yo sɔ'n, n nyinmuɛn gua.

Sa nga bé yôli'n 3:20

yɛ ɔ ´sunman Krist b'ɔ dun mmua seli kɛ ɔ ´fa man amun'n amun wun wa, yɛlɛ Jésus.

Sa nga bé yôli'n 5:42

Cɛn kwlaa be yaci-man Jésus-Krist jasin fɛ'n i bolɛ nin i klelɛ Nyanmiɛn i sua'n nun nin awlo'm be nun.

Sa nga bé yôli'n 8:35

Yɛ Filip ´fa Nyanmiɛn Ndɛ nga be klɛli'n i nun ndɛ sɔ'n ɔ fa kan Jésus i jasin fɛ'n kle i-ɔ.

Sa nga bé yôli'n 8:5

Filip ɔli Samari klɔ kun su, ɔ kannin Krist ndɛ'n kleli lɔfuɛ mun.

Sa nga bé yôli'n 9:20

kpɛkuun ɔ su kan ndɛ Nyanmiɛn ndɛ suanlɛ nin i srɛlɛ sua'm be nun, ɔ kan kɛ Jésus ti Nyanmiɛn Wa.

Rɔmfuɛ Mun 16:25

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su.

1 Korɛntfuɛ Mun 1:23

Sanngɛ e liɛ'n, Krist bɔ be boboli i waka'n su i wun ndɛ'n yɛ e kan-an. Ndɛ sɔ'n ti Zuif'm be ngasi like yɛ ɔ ti be bɔ be ti-man Zuif'n be nyrun sinnzin ndɛ.

1 Korɛntfuɛ Mun 1:30

Afin i yɛ man amun nin Krist-Jésus amu'an kaci sran wunmuan-an, yɛ Krist ti e kacili ngwlɛlɛfuɛ, ɔ buli ye sran kpa, e kacili i liɛ mlɔnmlɔn, yɛ ɔ kpɔli é ti.

1 Korɛntfuɛ Mun 12:8

Afin Nyanmiɛn Wawɛ'n man sran'n wie ngwlɛlɛ ɔ fa si ijɔ, yɛ i Wawɛ kunngba'n man sran'n wie kusu wun sa wlɛ ɔ kan kle sran wie mun.

1 Korɛntfuɛ Mun 15:12

?Sɛ e kan kle amun kɛ Nyanmiɛn cɛnnin Krist'n, ɔ yo sɛ ti yɛ amun nun wie'm be se kɛ sɛ sran wu-ɔ ɔ cɛn-man nin-ɔn?

1 Korɛntfuɛ Mun 2:15

Sran nga Nyanmiɛn Wawɛ sie i'n, i liɛ'n, ɔ si sa ngbɛsungbɛsu'n kwlaa, sanngɛ sran fi wun-mɛn i bɔbɔ'n i wafa'n i wlɛ.

1 Korɛntfuɛ Mun 2:6

Sanngɛ ngwlɛlɛ ndɛ yɛ e kan kle sran bɔ bé nyin a ti mun-ɔn. Ngwlɛlɛ sɔ'n fin-man e blɛ su, yɛ ɔ fin-man e wlengbi mun bɔ be blɛ liɛ'n ɔ wa wie'n.

1 Korɛntfuɛ Mun 4:14

Nán kɛ amún nyin ase gualɛ ti yɛ n klɛ ndɛ sɔ nin-ɔn, sanngɛ amun bɔ an ti n sran kpa'n, amun afɔtuɛ manlɛ ti-ɔ.

2 Korɛntfuɛ Mun 10:14

Kɛ e fa Krist i jasin fɛ'n ɔli amun wun lɔ'n, i sɔ'n kle-man kɛ e tra e junman'n i juwlɛ'n su, afin an wo nun wie.

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

2 Korɛntfuɛ Mun 4:5

E kan-man e bɔbɔ é wun ndɛ, Krist-Jésus b'ɔ ti e Min'n i ndɛ yɛ e kan-an, i ti e ti amun akua.

Efɛzfuɛ Mun 3:8

Nyanmiɛn yoli m bɔ n ti i sran'm be kwlaa be nun kaan'n n ye, ɔ man n kan kleli be nga be ti-man Zuif'm be kɛ Krist i anyanbeun'n cɛnnin, be kwla kɛn-mɛn i bé nuan nun.

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Mmla'n 4:5

Amun si kɛ mmla fanunfanun nga Anannganman min Nyanmiɛn'n fa mannin min'n yɛ n kusu n fa kleli amun-ɔn. Sɛ amun ju mɛn nga amun ´kɔ i falɛ yɛ'n nun lɔ'n, amun `nian be su `fa nanti.

Kolɔsfuɛ Mun 1:22

siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

Kolɔsfuɛ Mun 2:10

Ɔ man sran wunmuan bɔ amun nin Krist b'ɔ o mmusu mun nin kpɛnngbɛn'm be kwlaa bé ti su'n amun ti'n ti, like'n kwlaa ti a sin a yia amun.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

Kolɔsfuɛ Mun 3:16

Man Krist ndɛ b'ɔ ti amun like kpa'n tran amun klun. An `kan kle amun wiengu, ngwlɛlɛ nga an si i'n, an `fɛ i kwlaa'n tu amun wun fɔ. An `tu amun klun to jue ng'ɔ o Nyanmiɛn Jue fluwa nun, nin Nyanmiɛn manmanlɛ jue mɛnmɛn i, yɛ an `lɛ i ase.

Kolɔsfuɛ Mun 4:12

Epafras b'ɔ ti amun nun kun'n, i waan ɔ ´yo amun like. Krist-Jésus i junman difuɛ sɔ'n ɔ miɛn i nyin srɛ Nyanmiɛn kɛ an yo sran, ɔ srɛ kɛ an wun sa ng'ɔ ti Nyanmiɛn i klun sa'n i wlɛ kpa nan an jran kekle.

1 Tɛsalonikfuɛ Mun 4:6

Sa kunngba nga su'n, nán an bu amun niaan lufle, nán an tiɛ i bɛ su, afin e kan kleli amun, yɛ e wlali amún su nun kpa kɛ sran ng'ɔ yo i sɔ sa'n, e Min'n ´tu i fɔ.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

1 Timote 3:2

Sanngɛ i sɔ sran liɛ'n, man ɔ yo sran bɔ be kwla saci-mɛn i wun kaan sa, bɔ i yi ti kun, b'ɔ niɛn i wun su kpa, b'ɔ si ngwlɛlɛ, b'ɔ yo sa i nuan su, b'ɔ ti aklunyefuɛ, b'ɔ si like kle.

Hébreu 10:14

Afin kɛ ɔ sɔli Nyanmiɛn kpalɛ kunngba sɔ'n, ɔ man be kwlaa nga ɔ fɛ i wun yili bé ti tɛ'n, be yoli sran kpa mlɔnmlɔnmlɔn.

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

2 Piɛr 3:15

An `nian e Min'n i anwlɛn b'ɔ trɛ amun wun'n, amún ti nyanlɛ ti-ɔ. E niaan Pɔl b'ɔ ti e sran kpa'n, bɔ Nyanmiɛn mɛnnin i ngwlɛlɛ'n, kɛ ɔ klɛ i sɔ blɛli amun-ɔn.