Kolɔsfuɛ Mun 1:27 - NYANMIƐN NDƐ'N 1998

²⁷ Afin Nyanmiɛn klo kɛ i sran'm be si nvle-nvle'm be kwlaa bé wun akunndan kpa ng'ɔ buli b'ɔ fiɛli i sran'm bé wun'n. Akunndan kpa sɔ'n yɛlɛ kɛ Krist `tran amun anwlɛn'n nun yɛ ɔ `yo man amún wla tran su kɛ Nyanmiɛn man amun ´nyan nyrun.

Nyanmien nde Ufle

²⁷ Afin Nyanmien klô ke i swran'm bé si nvlénvlé'n kwlaa bé wun akunndan kpa ng'o buli b'o fie swran'm bé wun'n. Akunndan kpa so'n yele ke, Christ tran amun awlen'n nun, o man amun wla ô su ke Nyanmien man amunh nyanh nyrun.

Kolɔsfuɛ Mun 1:27 ပူးပေါင်းရင်းမြစ်များ

Matthieu 13:11

Jésus seli be kɛ: «Amun yɛ be yi Nyanmiɛn sielɛ'n i wun akunndan bɔ sran wun-mɛn i wlɛ'n i nglo kleli amun-ɔn, sanngɛ be nga'm be liɛ'n, b'a sie-mɛn i sɔ.

JÉSUS-CHRIST I DYASIN FE'N BO LUC KLELI'N 17:21

Be su se-man kɛ: ‹An `nian, ɔ o wa annzɛ ɔ o le sa, afin sran nga Nyanmiɛn sie be'n, be o amun nun wa.› »

Jean 14:20

I cɛn sɔ'n nun'n, amun ´wun i wlɛ kɛ min nin n Si e ti sran wunmuan, yɛ amun wun i wlɛ kɛ min nin amun kusu y'a kaci sran wunmuan.

Jean 14:23

Jésus tɛli i su kɛ: «Sran ng'ɔ klo min'n, ɔ ´fa min ndɛ'n su, yɛ n Si wa klo i, e ´bɛ i wun, e nin i e ´tran.

Jean 17:26

N yoli man be sili wɔ, yɛ n yoli man be wa si wɔ ekun nan klolɛ nga a fa kloli min'n, be `si kɛ a klo be sɔ wie, yɛ be `si kɛ min nin be y'a yo sran wunmuan.»

Jean 6:56

Sran ng'ɔ di min nnɛn'n b'ɔ nɔn min mmoja'n, wuun min nin i y'a kaci sran wunmuan, e su ti-man nun.

Rɔmfuɛ Mun 11:33

Eee, Nyanmiɛn ti anyanbeunfuɛ o! Ɔ si ngwlɛlɛ o! Ɔ si sa'n kwlakwla kpan! ?Wan yɛ ɔ si i klun lɔ akunndan nin-ɔn? ?Wan yɛ ɔ wun sa ng'ɔ yo be'n be wlɛ-ɔ?

Rɔmfuɛ Mun 2:4

Nyanmiɛn ti aklunyefuɛ dan kpa, ɔ kpli-man sa wun, ɔ blu sa su. ?Ɔ nin i sɔ'n ngba'n, an bu-man i sɔ b'ɔ ti'n i like fi? ?An si-man kɛ Nyanmiɛn yo sa kpa nan an kaci amun nzuɛn'n?

Rɔmfuɛ Mun 5:2

I yɛ man e sili kɛ Nyanmiɛn yo e ye-ɔ, i su bɔ e lafi'n ti siɛn'n e su di ye sɔ'n. Anyrunnyan bɔ Nyanmiɛn waan ɔ ´man e bɔ é nyin wo i sin'n ti, é wun blibli ye.

Rɔmfuɛ Mun 8:10

Sɛ an ti Krist i awlo'n, wuun e wun i bue kun kɛ sa tɛ'n ti amu'an wu, i bue kun kusu e wun kɛ amun sran kpa b'ɔ kacili amun'n ti'n, i Wawɛ'n ɔ man amu'an nyan nguan.

Rɔmfuɛ Mun 9:23

?Sɛ ɔ yo i sɔ kɛ ɔ fɛ i ye dan b'ɔ yo e i klun-ufue su'n kle ye'n, ɔ kwla yo-mɛn i sɔ? Afin e b'ɔ wunnin e aunnvuɛ'n e ti kɛ sɛ klanman sa. Ɔ dun mmua sieli ye kɛ e nyan nyrun.

1 Korɛntfuɛ Mun 3:16

?An si-man kɛ an ti Nyanmiɛn i sua bɔ i nun yɛ i Wawɛ'n tran-an ?

2 Korɛntfuɛ Mun 2:14

Nyanmiɛn i kwla o! Afin kɛ e nin Krist y'a kaci sran wunmuan'n ti'n, ɔ fa e yi i kwlalɛ'n nglo tititi. Yɛ ɔ fa e kɛ e yo man be si Krist lika'n kwlaa kɛ like b'ɔ bɔn fannin kpa'n sa.

2 Korɛntfuɛ Mun 4:17

Nyrɛnnɛn kaan nga e wun i yɛ'n ɔ man e ´nyan tranwlɛ kpa nyanmiɛn su lɔ, e su jao-man nun le.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

2 Korɛntfuɛ Mun 6:16

?Be kwla fa sua kun yo Nyanmiɛn nin amuɛn'm bé sua? Afin e ti Nyanmiɛn b'ɔ lafi-man'n i sua, afin Nyanmiɛn bɔbɔ waan: «Min nin be e ´tran, e ´san nun, n ´yo be Nyanmiɛn, yɛ be kusu be ´yo n sran .»

Galasifuɛ Mun 2:20

ɔ man olɛ nga n wo yɛ'n nán n ngunmin yɛ n wo-ɔ, min nin Krist yɛ e wo-ɔ, yɛ sulafilɛ bɔ n lafi Nyanmiɛn i Wa b'ɔ kloli min b'ɔ fɛ i wun mannin min ti'n, i ti yɛ n wo lɛ-ɔ.

Galasifuɛ Mun 4:19

Min mma mun, amun ti n su wun nyrɛnnɛn kpa ekun kɛ bla bɔ ɔ'a koto awuliɛ'n sa, n ´wun nyrɛnnɛn sɔ'n lele san be ´wun Krist nzuɛn'n kwlakwlakwla amun nun.

Efɛzfuɛ Mun 1:7

Kɛ Krist wuli bɔ i mmoja'n guali'n ti, Nyanmiɛn deli é, ɔ yacili sa nga e yoli i'n cɛli ye. I sɔ'n nun e wun ye dan nga ɔ yoli ye

Efɛzfuɛ Mun 2:22

Amun kusu, sran wunmuan bɔ amun nin i amu'an kaci'n ti'n, Nyanmiɛn Wawɛ'n i fanngan nun an ti sua bɔ Nyanmiɛn tran nun'n i yɛbuɛ'n wie.

Filipfuɛ Mun 4:19

Like kwlaa ng'ɔ mian amun'n, kɛ min Nyanmiɛn i anyanbeun b'ɔ o Krist-Jésus sa nun'n dan'n ti'n, ɔ ´fɛ i sɔ man amun.

Kolɔsfuɛ Mun 1:5

Jasin fɛ'n b'ɔ ti nanwlɛ'n, kɛ an ´ti i klikli'n, be kannin like nga be sieli i nyanmiɛn su lɔ sieli amun'n i ndɛ kleli amun. Amún wla b'ɔ o su'n ti yɛ an lafi su yɛ an klo Nyanmiɛn sran mun-ɔn.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.

1 Timote 1:1

M Pɔl bɔ e Defuɛ Nyanmiɛn man Krist-Jésus bɔ e fa é wla guɛ i su'n ɔ sunmannin min'n,

Hébreu 6:19

Like nga é wla o su sɔ'n ti kɛ mmeli i blalɛ'n bɔ be fa jrɛn i'n sa, ɔ tra ye ase. Ɔ tra kpa tankaan, e lafi i su. Ɔ wlu lele juli tannin b'ɔ kpɛ nyanmiɛn su lɔ Nyanmiɛn sua dan'n nun'n i sin lɔ .

1 Jean 4:4

M mma mun, amun liɛ'n, an ti Nyanmiɛn liɛ, ɔ man an kwlali be, afin Nyanmiɛn Wawɛ ng'ɔ o amun nun'n ɔ lɛ kwlalɛ tra Krist i kpɔfuɛ'n b'ɔ o mɛn'n nunfuɛ'm bé sin'n.

Sa nglô yile 3:20

An `nian, n jin anuan sin, m bobo. Sran ng'ɔ ti min nɛn'n nan ɔ tike'n, n ´wlu i lika lɔ, yɛ min nin i e ´di like.