Kolɔsfuɛ Mun 1:24 - NYANMIƐN NDƐ'N 1998

²⁴ Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Nyanmien nde Ufle

²⁴ Nyrennen nga amun ti n wuin ye'n, n klun dyo su. Ke n fe n kplô'n nun'n, n su guagua nyrennen nga Christ wunniin Asonun b'o ti i wunnen'n ti'n bô.

Kolɔsfuɛ Mun 1:24 ပူးပေါင်းရင်းမြစ်များ

Marc 10:39

Be seli kɛ: «Ɛɛn, e kwlɛ i yo.» Yɛ ɔ seli be kɛ: «Ɔ ti nanwlɛ kɛ klowa nga m wa nɔn nun'n, amun ´nɔn nun wie, yɛ batɛm nga be wa yo min'n, be ´yo amun wie,

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 5:3

Nɛ́n i sɔ ngunmin ti yɛ é wun blibli ye-ɔ, sanngɛ sa ng'ɔ tɔ e su'n kusu ɔ man e klun jɔ ekun, afin e si kɛ nyrɛnnɛn wunlɛ'n man e kaci sran bɔ e tra e anwlɛn,

Rɔmfuɛ Mun 8:17

E ti i wa, ɔ man like ng'ɔ se kɛ ɔ ´fa mɛn i sran mun'n, e ´nyan wie, yɛ kusu like ng'ɔ se kɛ ɔ ´fa man Krist'n, be ´bo e dunman nun wie, sanngɛ san nyrɛnnɛn kunngba ng'ɔ wunnin i'n, e ´wun wie nan e nin i y'a nyan nyrun.

1 Korɛntfuɛ Mun 12:27

Amun kwlaa an ti Krist i wunnɛn, sran kun ti i lika'n kun.

2 Korɛntfuɛ Mun 12:15

N liɛ'n, sɛ n saci ń sa nun ninnge'n kwlaa yɛ n fa m bɔbɔ nannan su amun ti'n, ɔ yo n fɛ. ?Kɛ n klo amun dan kɛ nga sa bɔ an klo-man min kpa'n, ɔ ti kpa?

2 Korɛntfuɛ Mun 6:10

Be bo é wla, sanngɛ e klun jɔ titi, be bu e yalɛfuɛ, sanngɛ e yo man sran kpanngban be nyan bé wun, yɛ be bu e kɛ e lɛ-man like fi, sanngɛ ninnge'n kwlaa ti sin yia ye.

2 Korɛntfuɛ Mun 7:4

N wla wo amun su kpa, n fa amun di min nuan kpa. Sa ng'ɔ tɔ e su'n, i kwlaa nun Nyanmiɛn cici n wla, n klun jɔ dan.

Efɛzfuɛ Mun 1:23

Kristfuɛ'm be kwlaa be ti i wunnɛn, i bɔbɔ yɛ ɔ ti i ti nin-ɔn. I b'ɔ o lika'n kwlaa'n, ɔ wo Asɔnun'n nun.

Efɛzfuɛ Mun 3:1

I sɔ'n ti'n, m Pɔl n ti Krist-Jésus i bisuafuɛ amun bɔ an ti-man Zuif'n amun ti.

Efɛzfuɛ Mun 3:13

Ɔ man n ´srɛ amun kɛ, nán amún sa sin bubu amun nyrɛnnɛn nga n wun i amun ti'n ti, afin ɔ ti amun anyrunnyan like.

Filipfuɛ Mun 3:10

Min akunndan kpa'n yɛlɛ kɛ man n si Krist nin i kwlalɛ b'ɔ man ɔ cɛnnin'n, nan nyrɛnnɛn ng'ɔ wunnin i'n n `wun wie lele sɛ n wu'n man n yo kɛ i sa,

Kolɔsfuɛ Mun 1:18

Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

2 Timote 1:8

I sɔ'n ti, nán man nyannzuɛn kun wɔ e Min'n i ndɛ kanlɛ nin min bɔ i dunman nun yɛ be wlali m bisua'n e ti. Sanngɛ Nyanmiɛn fanngan nun'n, nyrɛnnɛn nga e wun i jasin fɛ'n ti'n, man ɔ sɔn ɔ nun.

Jacques 1:2

N niaan mun, sa fanunfanun ng'ɔ tɔ amun su'n, an `bu i amun cenjele like,