Kolɔsfuɛ Mun 1:23 - NYANMIƐN NDƐ'N 1998

²³ Sɛ an jran kekle bɔ an lafi Krist su kpa'n, bɔ an yaci-man like nga kɛ an tili jasin fɛ'n an fali amún wla guali su'n yɛ amun ´yo sɔ-ɔ. Jasin fɛ sɔ'n yɛ be kan kleli asiɛ'n sufuɛ'm be kwlaa nin-ɔn. I yɛ m Pɔl m'an fa kaci n junman n di nin-ɔn.

Nyanmien nde Ufle

²³ Se an dyran kéklé bo an lafi Christ su kpa, bo an yatyi'a liké nga ke an tii dyasin fe'n an fa amun wla gua su'n, ye amunh yôh soo. Dyasin fe so'n ye bé kan kléé asie'n sufue'n kwlaa, bo m Paul man fa katyi n dyunman n di nion.

Kolɔsfuɛ Mun 1:23 ပူးပေါင်းရင်းမြစ်များ

Jue Mun 125:5

Be nga be fa atin klɛklɛ'm be su'n, be liɛ'n, fuan be man be wɔ be nga be yo-man sa i nuan su'n be sin. Man Izraɛlfuɛ'm bé wun jɔ be fɔuun!

Ngwlɛ Yilɛ 3:66

Man ɔ ya'n ɔ tran be su! Nunnun be man be tu mɛn'n nun.

Ezekiɛl 18:26

Sɛ sran kpa kun yaci sa ng'ɔ ti kpa i yolɛ'n nan ɔ yo sa tɛ'n nan i ti ɔ wu'n, i sa tɛ'm be ti yɛ ɔ wuli-ɔ.

Sofoni 1:6

Be nga be kaci bé sin be si min Anannganman, bɔ be bua-man min ndɛ nun, be usa-man min ngwlɛlɛ afɛ'n, n ´nunnun be.»

Marc 16:15

Yɛ ɔ seli be kɛ: «An `wɔ mɛn wunmuan'n nun, an `kan jasin fɛ'n kle sran'm be kwlaa bɔ Nyanmiɛn yili be'n .

JÉSUS-CHRIST I DYASIN FE'N BO LUC KLELI'N 22:32

Sanngɛ n kan ɔ ndɛ n kleli Nyanmiɛn kɛ n su bɔ a lafi'n, nán man a kpɔnzɔ. Ɔ kusu sɛ a kaci'n, wla ɔ niaan'm be fanngan.»

JÉSUS-CHRIST I DYASIN FE'N BO LUC KLELI'N 6:48

Ɔ ti kɛ sran kun b'ɔ su kplan sua sa. Ɔ kpɛ kunman kploun, kunman sɔ'n ɔ kpɛn yɛbuɛ su, sran sɔ'n ɔ wla sua'n i bo ase yɛbuɛ sɔ'n su. Nzue dan kun yi ba kpuu, ɔ dili sua sɔ'n, sanngɛ ɔ'a yo-mɛn i like fi yɛlɛ kɛ be kplɛnnin i kpa.

Jean 15:6

Sran ng'ɔ nin min a yo kun'n, sɛ ɔ nin min a tran-man sɔ titi'n, ɔ ti kɛ waka sama b'ɔ tɛ-mɛn i bo su'n sa, be ´kpɛ yi. Ɔ wu, be isa guɛ i sin nun, ɔ yra.

Sa nga bé yôli'n 1:17

Zidas ti e nun kun, be fɛli i kɛ ɔ di junman kunngba nga e di yɛ'n wie.

Sa nga bé yôli'n 1:25

man ɔ fa junman nga Zidas yaci ɔli i bɔbɔ i lika'n, yɛ sunmanlɛ nga Jésus fa sunmannin Zidas'n, ɔ ´fa sunmɛn i.»

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 11:23

Ɔ ti sran kpa, Nyanmiɛn Wawɛ'n sie i, yɛ ɔ lafi Nyanmiɛn su kpa. Kɛ ɔ juli lɔ b'ɔ wunnin ye dan nga Nyanmiɛn yoli be'n, i klun jɔli, ɔ tuli be kwlaa be fɔ kɛ be fa bé wla gua e Min'n su yɛ be jran kekle, yɛ sran kpanngban kpa be fa bé wun mannin e Min'n.

Sa nga bé yôli'n 14:22

be wlali asɔnunfuɛ'm be fanngan, be tuli be fɔ kɛ be lafi Nyanmiɛn su kpa, yɛ be seli be ekun kɛ: «San e ´wun nyrɛnnɛn dan kpa nan y'a kwla ju Nyanmiɛn mɛn'n nun.»

Sa nga bé yôli'n 2:5

I nun sɔ nun'n, Zuif'm bɔ be sro Nyanmiɛn'n bɔ be fin mɛnmɛn'n kwlaa bɔ be o asiɛ'n su wa'n be nun'n, be o Zerizalɛm lɛ.

Sa nga bé yôli'n 20:24

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

Sa nga bé yôli'n 26:16

Sanngɛ jao jran, nian sa nga ti bɔ n yi mín wun kle wɔ'n yɛ: M'an fa wɔ a sie kɛ a yo n junman difuɛ, yɛ min waan a kan like nga a wunnin i'n nin min wun bɔ m ma fa kle wɔ ekun'n kle sran mun.

Sa nga bé yôli'n 4:12

I kunngba cɛ yɛ ɔ kwla de sran-an yɛlɛ kɛ Nyanmiɛn a sie-man sran uflɛ fi mɛn'n nun wa bɔ i dunman nun e kwla fite nun-ɔn.»

Rɔmfuɛ Mun 10:18

N se kɛ yoo: ?B'a ti-man? Be tili i kpa, afin be klɛli i kɛ: «Be kannin ndɛ lika'n kwlaa, yɛ be tili be ndɛ'n mɛn wunmuan'n nun .»

Rɔmfuɛ Mun 15:16

b'ɔ sieli min kɛ n di Krist-Jésus i junman be nga be ti-man Zuif'n be afiɛn'n ti yɛ n klɛli i sɔ-ɔ. Kɛ m ´bo Nyanmiɛn i jasin fɛ'n, n yo i nyrun jranfuɛ nan n ´fa be nga be ti-man Zuif'n mɛn i nan i Wawɛ'n man be kaci i liɛ yɛ i klun `jɔ bé wun.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

Rɔmfuɛ Mun 5:5

Yɛ é wla bɔ e fa gua Nyanmiɛn su'n ti é nyin su gua-man ase, afin Nyanmiɛn man i Wawɛ b'ɔ fa mannin ye'n kle ye klolɛ dan nga Nyanmiɛn bɔbɔ fa klo ye'n ye anwlɛn'n nun weiin.

1 Korɛntfuɛ Mun 15:58

I sɔ'n ti'n, n niaan kpa mun, an `jran kekle, nán amún wun usu amun, an `di e Min'n i junman'n kpa wɔ amun nyrun tititi. Man an si kpa kɛ like nga e yo man e Min'n, ɔ su ka-man ngbɛn.

1 Korɛntfuɛ Mun 3:5

?Wan yɛlɛ Apolɔs? ?Wan yɛlɛ m Pɔl kusu? E ti junman difuɛ bɔ e ndɛ bɔ e kannin'n ti yɛ an lafili Jésus su-ɔ.

2 Korɛntfuɛ Mun 10:1

M bɔbɔ m Pɔl m ma srɛ amun like kun. Be se kɛ kɛ n wo amun nyrun lɔ'n, n ti wɛtɛɛ kpe nun, sanngɛ be waan kɛ n nun-man lɔ'n, ndɛ nga n kan kle amun'n, n kɛn i yasua su. Krist b'ɔ ti wɛtɛɛ b'ɔ ti sran kpa'n i dunman nun

2 Korɛntfuɛ Mun 11:23

M ´ma kan ndɛ kɛ m'an jinmin sa: Sɛ be ti Krist junman difuɛ'n, n kusu n ti i junman difuɛ'n wie dan. N di junman trali be, be wlali min bisua trali be, be boli min trali su. Cɛn kwlaa n trannin wie'n i nuan,

2 Korɛntfuɛ Mun 3:6

I kunngba sɔ'n i yɛ man e kwla di aenguɛ uflɛ nga ɔ nin sran'm be trali'n i junman nin-ɔn. Ɔ ti-man mmla bɔ be klɛli-ɔ, sanngɛ ɔ ti Nyanmiɛn Wawɛ'n liɛ. Afin mmla nga be klɛli'n, ɔ man sran wu, sanngɛ Nyanmiɛn Wawɛ'n liɛ'n, ɔ man sran nyan nguan .

2 Korɛntfuɛ Mun 4:1

Nyanmiɛn i aunnvuɛ b'ɔ si ye b'ɔ fa e wlali junman nga nun'n ti'n, é sa sin bubu-man ye.

2 Korɛntfuɛ Mun 6:1

I sɔ'n ti'n, e bɔ e nin Nyanmiɛn e di junman kun'n, e ´srɛ amun, nán man ye nga Nyanmiɛn yoli amun'n ɔ yo ngbɛn,

Galasifuɛ Mun 4:11

Sɛ afɛ nga m'an fɛ i amun ti lelele'n ɔ yo ngbɛn'n, ɔ ´yo n ya.

Galasifuɛ Mun 5:5

E liɛ'n, é wla o Nyanmiɛn su kpa kɛ ɔ ´bu ye sran kpa i su bɔ i Wawɛ'n man e lafi'n ti, e minndɛ kɛ ɔ ´yo e sɔ.

Galasifuɛ Mun 5:7

Laa an boli manndrɛn kpa. ?Wan yɛ man an jrannin b'ɔ man an lafi-man ndɛ nanwlɛ'n su kun-ɔn?

Galasifuɛ Mun 6:9

Nán man é sa sin bubu ye sa kpa yolɛ'n nun, afin sɛ y'a fɛ-man'n, cɛn wie e ´nyɛn i nuan like.

Efɛzfuɛ Mun 1:18

N srɛ i ekun kɛ ɔ `yo nan an wun sa wlɛ weiin kpa nan kɛ ɔ flɛli amun'n, an si like nga i sran'm be nyin o i sin'n. Yɛ n srɛ i kɛ an si kɛ i sran'm be anyanbeun'n ɔ ´yo dan, afin like nga i waan ɔ ´fa man be'n ɔ ti like kpa sakpa.

Efɛzfuɛ Mun 2:21

I yɛ man sua wunmuan sɔ'n ɔ nyin, ɔ yo kpa, yɛ ɔ yo Nyanmiɛn i sua, sran wunmuan bɔ e nin e Min'n e ti'n ti.

Efɛzfuɛ Mun 3:17

n srɛ kɛ Krist su bɔ an lafi'n ti'n, ɔ ´tran amun anwlɛn'n nun. Yɛ n srɛ i kɛ ɔ man an wun klolɛ b'ɔ fa klo amun b'ɔ man an jran kekle'n, i wlɛ weiin,

Efɛzfuɛ Mun 4:16

I yɛ man wunnɛn wunmuan'n kwlaa o lɛ-ɔ, yɛ wunnɛn sɔ'n i lika kun junman liɛ nga be kleli i kɛ ɔ di'n yɛ ɔ di-ɔ, afin be kwlaa be sasa su. Ɔ yo man wunnɛn sɔ'n ɔ nyin, yɛ ɔ yo kpa klolɛ bɔ i lika sɔ'n be klo be wun'n ti.

Mmla'n 2:25

Kɛ ɔ fin ndɛ'n, n wa yo man asiɛ wunmuan'n su nvle'm be nunfuɛ'm be kwlaa be ´sro amun. Kɛ be ti amun ngan'n, be ´usu, be wla'n ´bo.»

Mmla'n 4:19

Amun `nian amún wun su. Sɛ amun man amun nyin su nian nglo lɔ nan amun wun wia'n nin anglo'n, ɔ nin nzraama mun, ɔ nin nyanmiɛn su lɔ ninnge wafa-wafa uflɛ mun'n, nán amun koto bé bo yɛ nán amun su be. Ninnge sɔ'm be ti asiɛ'n su nvle nga'm be kwlaa be liɛ. Anannganman amun Nyanmiɛn'n fa mannin be.

Kolɔsfuɛ Mun 1:25

Nyanmiɛn fa min sieli Asɔnun i junman difuɛ nan n `kɛn i ndɛ'n kwlakwla kle amun.

Kolɔsfuɛ Mun 2:7

ɔ man i ti an jran kekle kɛ sua bɔ be wlɛ i bo ase kpa'n sa. An `lafi i su kpa kɛ be kleli amun'n sa, an `lɛ i ase tititi.

1 Tɛsalonikfuɛ Mun 3:3

nan yalɛ klelɛ sɔ'n nun sran fi sa sin a bubu-mɛn i, afin amun bɔbɔ amun si kɛ Nyanmiɛn sieli i sɔ'n mannin ye.

1 Tɛsalonikfuɛ Mun 3:5

I sɔ'n ti, kɛ m'an kwla minndɛ-man kun'n, n sunmannin Timote kɛ ɔ ko nian sɛ amun tɛ lafi Krist su o, annzɛ sɛ wienun-ɔn Lakafuɛ'n ɔ'a laka amun man e junman'n wa yo ngbɛn o.

1 Tɛsalonikfuɛ Mun 5:8

Sanngɛ e bɔ e o wia nun'n, man e nian e wun su. Man Krist su bɔ e lafi'n nin e sran nin Nyanmiɛn klolɛ'n ɔ yo kɛ like kokloko bɔ e fa kata e wue su'n sa. Man é ti bɔ é wla o su kɛ e ´nyɛn i'n ɔ yo kɛ kpongbo kle sa .

2 Tɛsalonikfuɛ Mun 2:16

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n,

1 Timote 1:12

N ´la e Min Krist-Jésus b'ɔ wlali n fanngan'n i ase, afin m bɔ laa n saci i dunman'n bɔ n kle i yalɛ'n, bɔ n kpɛ i nzowa'n, ɔ buli n sran, yɛ ɔ fa min wlɛli i i junman'n nun. Nyanmiɛn sili min aunnvuɛ, afin sa wlɛ bɔ n wun-mɛn i'n nin i su bɔ n lafi-man'n ti yɛ n yoli sɔ-ɔ.

1 Timote 2:7

Ɔ sieli min kɛ n kan ndɛ sɔ'n, yɛ ɔ sunmannin min kɛ n kan ndɛ nanwlɛ'n nin i sulafilɛ ndɛ'n kle be bɔ be ti-man Zuif'n. Nanwlɛ'n yɛ n di-ɔ, m bua-man ato.

1 Timote 3:16

Nanwlɛ, e kwlaa e si kɛ kɛ ɔ yoli bɔ e yoli Nyanmiɛn liɛ'n, ɔ ti abonuan dan, sran wun-mɛn i wlɛ. Ɔ yoli i wun sran'n, ɔ yili i wun nglo, Nyanmiɛn Wawɛ'n kle kɛ ɔ ti sran kpa, anz'm be wunnin i. Be kɛnnin i ndɛ nvle'm be nun. Be lafili i su mɛn wunmuan'n nun. Be mɛnnin i su ɔli nyanmiɛn su lɔ, ɔ nyannin nyrun dan.

Tite 3:7

nan ye nga ɔ yo ye'n ti'n, ɔ ´bu e sran kpa yɛ ɔ man e ´nyan anannganman nguan nga i waan ɔ ´man ye bɔ é wla o su'n.

Hébreu 10:38

Yɛ min sran ng'ɔ lafi n su, b'ɔ man ɔ kaci sran kpa'n, ɔ ´nyan nguan. Sanngɛ sɛ ɔ cuɛn i wun kɔ siɛn'n, n klun su jɔ-mɛn i wun .»

Hébreu 3:14

Afin sɛ e fa é wla gua Krist su lele guɛ i ti nin i bo kɛ i bo bolɛ nun sa'n, wuun e nin i e ti wiengu.

Hébreu 3:6

Krist kusu, kɛ ɔ ti i Wa'n, ɔ niɛn i bɔbɔ Nyanmiɛn i awlo'n su kpa sɔ. Sɛ e tra ye anwlɛn e jran kekle e lafi like nga é wla o su kɛ e ´nyɛn i'n su kpa'n, e ti i awlo.

Hébreu 4:14

E lɛ Nyanmiɛn nyrun jranfuɛ'm be su kpɛn kpa kun, ɔ ɔli lele juli Nyanmiɛn bɔbɔ nyrun lɔ: yɛlɛ Jésus Nyanmiɛn Wa'n. I sɔ'n ti'n, like nga e lafi su'n, man e lafi su kpa.

Hébreu 6:19

Like nga é wla o su sɔ'n ti kɛ mmeli i blalɛ'n bɔ be fa jrɛn i'n sa, ɔ tra ye ase. Ɔ tra kpa tankaan, e lafi i su. Ɔ wlu lele juli tannin b'ɔ kpɛ nyanmiɛn su lɔ Nyanmiɛn sua dan'n nun'n i sin lɔ .

1 Piɛr 1:3

E Min Jésus-Krist i Si Nyanmiɛn i kwla o! I aunnvuɛ silɛ dan'n ti, ɔ wuli ye ekun, ɔ man é wla o like bɔ e si weiin kpa kɛ ɔ o lɔ'n su Jésus-Krist i cɛnlɛ'n ti.

1 Piɛr 1:5

Nyanmiɛn b'ɔ kwla like'n kwlaa yo'n ɔ sieli i lɔ sieli amun i su bɔ an lafi'n ti, ɔ ´nian amun su lele amun ´nyan amún ti, afin ɔ'a dun mmua sie i kɛ mɛn'n i awieliɛ ɔ ´yi amún ti nyanlɛ sɔ'n i nglo.

1 Jean 2:27

Amun liɛ'n, Krist fɛ i Wawɛ'n mannin amun. Kɛ i Wawɛ sɔ'n nin amun tɛ o lɛ'n, an bo-man wɛ kunndɛ-man sran kɛ ɔ kle amun like. Afin ɔ kle amun like'n kwlaa, like ng'ɔ kle amun'n ti nanwlɛ, ɔ ti-man ato. I sɔ'n ti, amun nin i `tran titi kɛ ɔ kan kleli amun'n sa.

Sa nglô yile 2:10

Nán srɛ kun amun nyrɛnnɛn nga an wa wun i'n ti. An `nian, mmusu'm bé si Satan'n ɔ wa wla amun nun wie'm be bisua, ɔ ´sa amun nian. Amun ´wun nyrɛnnɛn le blu. Sɛ kunlɛ bɔbɔ yɛ be ´kun amun'n, an `tra amun anwlɛn, yɛ like nga n ´fa yo amun mo'n yɛlɛ nguan'n, ɔ ti kɛ famiɛn kle sa .