Kolɔsfuɛ Mun 1:22 - NYANMIƐN NDƐ'N 1998

²² siɛn'n bɔ i Wa'n ɔ kacili sran b'ɔ wuli'n ti, ɔ'a siesie i nin amun afiɛn, nan kɛ amun ´ba i wun lɛ'n, ɔ `wun kɛ an ti i liɛ mlɔnmlɔn nan sa tɛ fi nun-man amun wun yɛ be kwla kan-man amún wun ndɛ tɛ fi.

Nyanmien nde Ufle

²² sien'n bo i Wa'n katyi swran b'o wuli'n ti, wa siésié i nin amun afien, nan ke amunh beh i wun le'n, oh wunh ke an ti i lie mlonmlon, sa te fi nu'an amun wun, ye bé kwla ka'an amun wun nde te fi.

Kolɔsfuɛ Mun 1:22 ပူးပေါင်းရင်းမြစ်များ

2 Samiɛl 22:24

Ɔ nyan-man min wun ndɛ fi kan-man, n nian mín wun su kɛ ɔ yo nan m'an yo-man sa tɛ'n ti.

Zɔb I Nyrɛnnɛn Wunlɛ 15:15

Anz mun bɔbɔ Nyanmiɛn lafi-man be su, nyanmiɛn su lɔ lika'n ɔ ti-man saun i nyrun,

Zɔb I Nyrɛnnɛn Wunlɛ 25:5

I nyrun'n, anglo'n bɔbɔ kpa'n ɔ kpaja-man. Nzraama'm be ti-man fitafita i nyrun.

Jue Mun 51:7

Nian, sa tɛ nun yɛ be wuli min-ɔn, afin sa tɛ nun yɛ min nin wunnzɛli min-ɔn .

Rɔmfuɛ Mun 7:4

Min niaan mun, amun kusu, sran wunmuan bɔ amun nin Krist amu'an kaci'n ti, amu'an wu, ɔ man amun nin mmla'n amu'an bu, yɛ amu'an yo sran uflɛ bɔ Nyanmiɛn cɛnnin i'n i liɛ. Sa sɔ'n yo sɔ nan e `yo sakpa man Nyanmiɛn.

2 Korɛntfuɛ Mun 11:2

Amun ti n jran Nyanmiɛn nuan n si kwla, yɛlɛ kɛ an ti kɛ talua kun b'ɔ nian si-man bian sa, n trali amun ase man yasua kun bɔ yɛlɛ Krist .

2 Korɛntfuɛ Mun 4:14

E si kɛ Nyanmiɛn b'ɔ cɛnnin e Min Jésus'n ɔ wa cɛn e wie kɛ ɔ cɛnnin Jésus'n sa, yɛ ɔ ´fa e nin amun e ´ko yiɛ i nyrun lɔ.

2 Korɛntfuɛ Mun 5:18

I kwlaa sɔ'n fin Nyanmiɛn b'ɔ fa Krist siesieli e nin i ye afiɛn'n, b'ɔ fa sran nin i be afiɛn siesielɛ junman'n mannin ye'n.

Efɛzfuɛ Mun 1:4

I sin nan ɔ'a bo mɛn'n i bo'n, ɔ dun mmua kpali e fali ye kɛ e nin Krist e `kaci sran wunmuan, nan e `yo i bɔbɔ i liɛ, ɔ dun mmua fali ye kɛ nán man ɔ wun sa kaan sa é wun.

Efɛzfuɛ Mun 5:27

Ɔ yo i sɔ nan kɛ Asɔnun'n ´bɛ i wun lɛ'n, ɔ `wun kɛ ɔ ti klanman, ɔ ti yɛiin, lɛ fi nun-mɛn i wun, i wun tralɛ'n ti-man nyɔnnyɔnwa, yɛ ɔ ti Nyanmiɛn liɛ mlɔnmlɔn.

Kolɔsfuɛ Mun 1:28

Krist sɔ'n i ndɛ yɛ e kan kle sran'm be kwlaa nin-ɔn, e tu be kwlakwla be fɔ, yɛ e fa ngwlɛlɛ nga e si i'n i kwlaa e kle be like. E yo sɔ nan sran'm be kwlaa be `yo sran Nyanmiɛn nyrun sran wunmuan bɔ be nin Krist ti'n ti.

1 Tɛsalonikfuɛ Mun 4:7

Afin Nyanmiɛn a flɛ-man e kɛ e yo sa tɛtɛ, sanngɛ ɔ flɛli e kɛ e yo i liɛ mlɔnmlɔn.

Tite 2:14

E ti Jésus ɔ fɛli i wun mannin nan ɔ ´yi ye sa tɛtɛ'n kwlaa nun nan e `kaci i sa ti sran bɔ é wun sa tɛtɛ'n kwlaa ɔ'a wie, bɔ e tu e klun yo sran ye .

Hébreu 10:10

Kɛ Jésus-Krist yoli Nyanmiɛn klun sa'n, b'ɔ fɛ i wun mɛnnin i kpɛ kunngba b'ɔ su yo-mɛn i kun'n, é ti tɛ yɛ ɔ fɛ i wun yili-ɔ.

Hébreu 10:20

Afin Jésus kpɛli atin mannin e koko nun wa, ɔ tannin-man mlɔnmlɔn. Ɔ tili tannin'n b'ɔ kpɛ Nyanmiɛn i sua'n nun'n nun, ɔ ɔli i sin lɔ, tannin sɔ'n yɛlɛ i wunnɛn'n.

Hébreu 13:21

ɔ man amun fanngan sa'n kwlaa nun nan an yo i klun sa. Jésus-Krist ti, man ɔ fa e yo like ng'ɔ klo'n. Man e la Krist ase tititi! Man ɔ yo sɔ!

1 Piɛr 3:18

Amún ti tɛ yɛ Krist fɛ i wun yili-ɔ. Ɔ yoli i kpɛ kunngba. Ɔ su yo-mɛn i kun. I b'ɔ ti sran kpa'n, sa tɛ yofuɛ'm be ti ɔ wuli nan ɔ ´fa amun man Nyanmiɛn. Be kunnin i, sanngɛ Nyanmiɛn Wawɛ'n cɛnnin i.

2 Piɛr 3:14

N sran kpa mun, i sɔ'n ti, kɛ e ´minndɛ cɛn sɔ'n, an `yo like kwlaa nga an kwla yo'n nan ɔ'a wun kɛ an ti sran kpa bɔ sa kaan sa nun-man amun wun nan amun nin i amún nuan a sɛ.

Jude 1:24

Nyanmiɛn b'ɔ kwla nian amun su b'ɔ man an fɔn-man'n, bɔ kɛ ɔ man amun ´kɔ i wun lɔ'n sa kaan sa bɔn-man amún wun'n, yɛ amun klun jɔ'n,