Kolɔsfuɛ Mun 1:19 - NYANMIƐN NDƐ'N 1998

¹⁹ Nyanmiɛn wun kɛ ɔ ti kpa kɛ i wafa kwlaa ng'ɔ ti'n, Krist kusu yo sɔ.

Nyanmien nde Ufle

¹⁹ Nyanmien wun ke o ti kpa ke i wafa kwlaa ng'o ti'n, Christ kusu yô so,

Kolɔsfuɛ Mun 1:19 ပူးပေါင်းရင်းမြစ်များ

JÉSUS-CHRIST I DYASIN FE'N BO LUC KLELI'N 10:21

I osu kunngba'n nun Nyanmiɛn Wawɛ'n man Jésus klun jɔli dan kpa, nan ɔ'a se kɛ: «N Si, wɔ bɔ a sie like'n kwlaa Nyanmiɛn su lɔ nin asiɛ'n su wa'n, kwla o, yɛlɛ kɛ a fa ninnge nga mun fiali ngwlɛlɛfuɛ nin be bɔ be si sa'n bé wun, sanngɛ a yi be nglo kleli be bɔ be ti kɛ ba kanngan mun sa'n. N Si, kwla o, ɔ klun sa nga a yoli'n ti yɛ n la wɔ ase-ɔ.

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Jean 3:34

afin sran nga Nyanmiɛn sunmɛnnin i'n, Nyanmiɛn ndɛ'n yɛ ɔ kan-an i Wawɛ'n b'ɔ fa mɛn i b'ɔ niɛn-mɛn i sin'n ti .

1 Korɛntfuɛ Mun 1:21

Nyanmiɛn wun kɛ ɔ ti kpa kɛ ɔ fa sinnzin ndɛ sɔ'n de be nga be fa su'n, afin Nyanmiɛn b'ɔ si sa kwlaa'n, ɔ wun kɛ sran'm be nin be ngwlɛlɛ bɔ be si i'n, b'a si-mɛn i.

Efɛzfuɛ Mun 1:23

Kristfuɛ'm be kwlaa be ti i wunnɛn, i bɔbɔ yɛ ɔ ti i ti nin-ɔn. I b'ɔ o lika'n kwlaa'n, ɔ wo Asɔnun'n nun.

Efɛzfuɛ Mun 1:3

E Min Jésus-Krist i Si Nyanmiɛn i kwla o! Kɛ e nin Jésus-Krist e kacili sran wunmuan'n, ɔ fali nyanmiɛn su lɔ ninnge kpakpa'n kwlaa b'ɔ kwla yo e wun sa ye'n mannin ye.

Efɛzfuɛ Mun 1:5

Klolɛ b'ɔ klo ye'n ti, ɔ dun mmua buli ye akunndan kɛ sa nga Jésus-Krist yoli'n ti ɔ ´fa e kaci i klun ba. I klun jɔli su kɛ ɔ ´yo i sɔ'n ti yɛ ɔ yoli sɔ

Efɛzfuɛ Mun 4:10

I b'ɔ ɔli asiɛ'n i bo lɔ'n, i kunngba'n ɔ fuli nglo mmua-mmua kpa lɔ ɔ trali nyanmiɛn su lɔ'n su nan ɔ ´tran lika'n kwlaa.

Kolɔsfuɛ Mun 2:3

Ɔ ti kɛ bɛtrɔ sa, i nun yɛ Nyanmiɛn fɛ i ngwlɛlɛ'n nin sa wlɛ wunlɛ'n kwlaa fiali-ɔ.

Kolɔsfuɛ Mun 2:9

Afin kɛ e wun Krist b'ɔ kacili sran'n, e wun wafa nga Nyanmiɛn ti'n i kwlaa.

Kolɔsfuɛ Mun 3:11

I sɔ'n ti'n, ɔ lɛ-man kɛ wie ti Grɛk yɛ wie ti Zuif, ɔ lɛ-man kɛ be wlali wie klɛn yɛ b'a wla-man wie klɛn, ɔ lɛ-man kɛ wie'm bé nyin nian ti-man yɛ wie ti sinnglinfuɛ, yɛ ɔ lɛ-man kɛ wie ti kanga yɛ wie ti diewa, sanngɛ Krist ti be like kwlaa, yɛ ɔ tran be kwlaa be anwlɛn'n nun.