Kolɔsfuɛ Mun 1:18 - NYANMIƐN NDƐ'N 1998

¹⁸ Ɔ ti Asɔnun b'ɔ ti i wunnɛn'n i ti, afin i ti yɛ Asɔnun sɔ'n wo lɛ-ɔ. Ɔ ti Nyanmiɛn i Wa Kpɛn bɔ i yɛ ɔ yili cɛnlɛ nin-ɔn, ɔ man ɔ ti like'm be kwlaa bé ti.

Nyanmien nde Ufle

¹⁸ O ti Asonun b'o ti i wunnen'n i ti, afin i ti ye o ô leo. O ti Nyanmien i Wa Kpen bo i ye o yii tyenle nion o man o ti liké'n kwlaa bé ti.

Kolɔsfuɛ Mun 1:18 ပူးပေါင်းရင်းမြစ်များ

Jue Mun 89:27

Ɔ ´kpan flɛ min ´se kɛ: ‹Min si yɛlɛ wɔ, a ti min Nyanmiɛn, a ti kɛ yɛbuɛ sa, wɔ yɛ n talo wɔ yɛ n nyan n ti-ɔ.›

Ngɔjue Fɛfɛ Kpa'n 5:10

Min adeba'n ɔ ti sa ɔkwlɛ biaii. Sɛ ɔ o sran akpi blu (10.000) be afiɛn bɔbɔ'n, i wlɛ wunlɛ yo-man ya.

Ezai 52:13

Anannganman waan: «Amun `nian, min sufuɛ'n i sa nun ninnge'm be ´yo ye. Ɔ ´yo dan, i dunman'n ´fu, ɔ ´nyan nyrun kpa.

Matthieu 23:8

Sanngɛ amun liɛ'n, nán an yo amún wun kɛ be `flɛ amun Nannan, afin amún su kpɛn b'ɔ ti amun like klefuɛ'n ti kunngba cɛ, yɛ amun kwlaa an ti niaan.

Matthieu 28:18

Jésus wunngeli bé wun lɛ nan ɔ'a se be kɛ: «Nyanmiɛn mannin min atin kɛ n sie nyanmiɛn su lɔ nin asiɛ'n su ninnge'n kwlaa.

Jean 1:1

Ndɛ'n wo lɛ lalaa i sin nan Nyanmiɛn a bo ninnge'm be yilɛ bo, Ndɛ'n nin Nyanmiɛn be o lɛ, Ndɛ sɔ'n ti Nyanmiɛn.

Jean 1:16

E kwlaa e nyɛnnin i like kpakpa'n wie, ɔ yoli e ye nan ɔ'a yo e ye ekun.

Jean 1:27

ɔ o siɛn ɔ su ba. Min nin i ngbabua nyanman'n i nyannjilɛ fata-man.»

Sa nga bé yôli'n 26:23

Ndɛ sɔ'n yɛlɛ kɛ Krist wa wun nyrɛnnɛn, yɛ kɛ ɔ dun mmua ko cɛn be bɔ be wuli'n be nyrun'n, ɔ ´kan kle Zuif mun nin be bɔ be ti-man Zuif'n kɛ lika'n ɔ'a cɛn .»

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

1 Korɛntfuɛ Mun 11:3

Sanngɛ kusu n klo kɛ an wun i wlɛ kpa kɛ Krist yɛ ɔ sie yasua-a, yasua kusu yɛ ɔ sie bla-a, yɛ Nyanmiɛn kusu sie Krist.

1 Korɛntfuɛ Mun 12:27

Amun kwlaa an ti Krist i wunnɛn, sran kun ti i lika'n kun.

1 Korɛntfuɛ Mun 15:25

Afin ɔ ´sie lele san Nyanmiɛn man ɔ ´tiɛ i kpɔfuɛ'm be kwlaa be su ,

Efɛzfuɛ Mun 1:10

Sa sɔ'n bɔ i waan ɔ ´yo'n, sɛ i cɛn'n ju'n, ɔ ´yo. Sa sɔ'n yɛlɛ kɛ ɔ ´kan sran'm be kwlaa nin asiɛ'n su like'n kwlaa nin nyanmiɛn su lɔ liɛ'n kwlaa bo nun, yɛ ɔ ´fa Krist sie bé su.

Efɛzfuɛ Mun 5:23

afin yasua yɛ ɔ ti bla i su kpɛn kɛ Krist kusu ti Asɔnun i su kpɛn'n sa . I yɛ ɔ ti Asɔnun'n b'ɔ ti i wunnɛn'n i Defuɛ-ɔ.

Kolɔsfuɛ Mun 1:24

Nyrɛnnɛn nga amún ti n ´wun i yɛ'n, n klun jɔ su. Kɛ n fɛ ń kplo nun'n, nyrɛnnɛn nga Krist wunnin i Asɔnun b'ɔ ti i wunnɛn'n ti'n, n su guɛguɛ i bo.

Kolɔsfuɛ Mun 2:19

Ɔ fɛ-mɛn i wun mantan-man Krist b'ɔ ti bé ti'n i kpa kun. Krist yɛ man be akpɔlɛ akpɔlɛ nin be ndin'm be sasa su-ɔ, i yɛ man be wunnɛn wunmuan'n yo kpa yɛ ɔ nyin kɛ Nyanmiɛn klo kɛ ɔ nyin'n sa-a.

1 Jean 1:1

Nguan Ndɛ b'ɔ o lɛ anannganman'n i ndɛ yɛ e ´klɛ blɛ amun yɛ nin-ɔn. E tili, e bɔbɔ e wunnin i nin e nyinma, e niɛnnin i, e kɛnnin i.

Sa nglô yile 1:18

N ti anannganman, n wuli, sanngɛ n cɛnnin, siɛn'n, mín nyin o su, yɛ n ´ka lɛ tititi. Min yɛ n sie Wie nin-ɔn, yɛ blɔlɔ lɔ lakle'n wo ń sa nun.

Sa nglô yile 1:8

Anannganman Nyanmiɛn b'ɔ kwla like kwlaa yo'n, b'ɔ o lɛ, b'ɔ o lɛ lalaa'n, b'ɔ ´ka lɛ'n, i waan: «N ti Alfa nin Omega .»

Sa nglô yile 11:15

Kɛ anz i nso su'n boli i awɛ liɛ'n, sran wie'm be kpannin kekle kpa nyanmiɛn su lɔ, be seli kɛ: «E Min Nyanmiɛn'n nin i Krist'n be yɛ be sie mɛn'n siɛn nin-ɔn. Ɔ ´ka bé sa nun tititi !»

Sa nglô yile 21:6

Yɛ ɔ seli min kɛ: «Ɔ'a wie! N ti Alfa nin Omega, n ti sa'n kwlaa i bo bofuɛ, nin i bo guafuɛ. Sran nga nzue we kun i'n, n ´fa nzue ti bɔ i nun nzue'n man nguan'n i nun nzue'n mɛn i, ɔ su yi-man nun dein .

Sa nglô yile 22:13

N ti Alfa nin Omega, n ti like'n kwlaa i klikli nin i awieliɛ, yɛ n ti sa'n kwlaa i bo bofuɛ nin i bo guafuɛ .

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :