Kolɔsfuɛ Mun 1:16 - NYANMIƐN NDƐ'N 1998

¹⁶ Afin i yɛ Nyanmiɛn man ɔ yili ninnge'n bɔ be o nyanmiɛn su lɔ nin asiɛ'n su wa be kwlaa-a. Like nga be wun be'n nin nga be wun-man be'n, be nga be o bia su o, be nga be sie sran mun o, mmusu mun o, kpɛnngbɛn mun o. I yɛ Nyanmiɛn man ɔ yili ninnge'n kwlaa, i bɔbɔ ti yɛ ɔ man ɔ yili be-ɔ.

Nyanmien nde Ufle

¹⁶ Afin i ye Nyanmien man o yii ninngé'n kwlaa bo bé ô nyanmien su lo nin asie'n su wa muon, liké nga bé wun bé'n nin nga bé wu'an bé'n, bé nga bé ô bia su ô, bé nga bé sié swran mun ô, mmusu mun ô, kpenngben mun ô. Nyanmien man o yii ninngé'n kwlaa, i bobo ti ye o man o yii béo.

Kolɔsfuɛ Mun 1:16 ပူးပေါင်းရင်းမြစ်များ

1 Be Nyoliɛ 29:11

Anannganman, a ti dan , a kwla, a yo nyɛnmɛn, a o lɛ tititi, ɔ nyrun'n ti nyannyannyan. Nglo lɔ nin asiɛ'n su wa ninnge'n kwlaa be ti ɔ liɛ. Anannganman wɔ yɛ a ti famiɛn nin-ɔn. A o ninnge'n kwlaa ti su.

Neemi 9:6

Ɔ kunngba yɛ a ti Anannganman nin-ɔn. Wɔ yɛ a yili nyanmiɛn ng'ɔ o nglo yɛ nin-ɔn, ɔ nin ng'ɔ o i sin lɔ nglo mmua kpa lɔ nin-ɔn, ɔ nin i su nzraama mun-ɔn. Wɔ yɛ a yili asiɛ'n nin i su ninnge'n kwlaa-a. Wɔ yɛ a yili jenvie'n nin ninnge kwlaa nga be o nun nin-ɔn, wɔ yɛ a man ninnge'm be kwlaa be nguan-an. Nglo lɔ tinminfuɛ'm be koto ɔ bo.

Nyanndra Mun 16:4

Kɛ Anannganman ´yo like kun sa'n ɔ lɛ bo. Klunwifuɛ mun bɔbɔ, jɔlɛ dilɛ cɛn'n nun b'ɔ ´kle be nun'n, ɔ bu i akunndan sie.

Ezai 43:21

Min nvle nunfuɛ bɔ n yili be'n, be ´manman min.»

Ezai 44:24

Anannganman b'ɔ kpɔli amun ti'n, b'ɔ boli amun falɛ nan b'a wu amun'n, i waan: «Min Anannganman, min yɛ n yili ninnge'n kwlaa-a. Nyanmiɛn ng'ɔ la nglo lɔ plaii'n, sɛ ɔ ti bɛ'n, wuun n ´se kɛ min yɛ n tinngɛli nun-ɔn. Sɛ asiɛ'n ti tannin'n, wuun n ´se kɛ min yɛ n trɛli nun-ɔn.

Jean 1:10

Ɔ o mɛn'n nun lalaa, i yɛ Nyanmiɛn man ɔ yili mɛn nin-ɔn, sanngɛ mɛnfuɛ'm b'a si-mɛn i.

Jean 1:3

I yɛ Nyanmiɛn man ɔ yili ninnge'n kwlaa-a, like fi nun-man lɛ bɔ nɛ́n i yɛ ɔ yili-ɔ.

Rɔmfuɛ Mun 11:36

Ninnge nga be o lɛ'n, be kwlaa be fin i, i yɛ man be o lɛ-ɔ, yɛ i dunman nun yɛ be o lɛ-ɔ. Man e yi i ayɛ tititi. Man ɔ yo sɔ!

Rɔmfuɛ Mun 8:38

Afin n si kpa kɛ klolɛ nga Nyanmiɛn fa klo e b'ɔ man Jésus-Krist yi i nglo kle ye'n, like fi man i nyin kwla tu-man e su. Sɛ wie o, sɛ nguan o, sɛ anz mun o, sɛ mmusu mun o, sɛ bae o, sɛ blɛ nga nun ninnge mun o, sɛ cɛn wie ninnge mun o, sɛ nglo lɔ nin asiɛ'n su wa ninnge mun o, like fi nun-man lɛ b'ɔ man i nyin kwla tu e su-ɔ.

Rɔmfuɛ Mun 9:5

Be ti e nannan'm be anunman, Krist kusu kɛ ɔ kacili sran'n, osu sɔ'n nun yɛ ɔ bali-ɔ. I yɛ ɔ ti Nyanmiɛn b'ɔ sie like'n kwlaa-a, man manmanlɛ'n ɔ yo i liɛ tititi. Man ɔ yo sɔ!

1 Korɛntfuɛ Mun 8:6

sanngɛ e liɛ'n, e Si Nyanmiɛn ti kunngba cɛ. I yɛ ɔ yili like'n kwlaa-a, i ti yɛ e o lɛ-ɔ. Yɛ e Min'n ti kunngba, yɛlɛ Jésus-Krist, i yɛ Nyanmiɛn man ɔ yili like'n kwlaa-a, i dunman nun yɛ man e o lɛ-ɔ .

Efɛzfuɛ Mun 1:10

Sa sɔ'n bɔ i waan ɔ ´yo'n, sɛ i cɛn'n ju'n, ɔ ´yo. Sa sɔ'n yɛlɛ kɛ ɔ ´kan sran'm be kwlaa nin asiɛ'n su like'n kwlaa nin nyanmiɛn su lɔ liɛ'n kwlaa bo nun, yɛ ɔ ´fa Krist sie bé su.

Efɛzfuɛ Mun 6:12

Afin nán e nin klɔ sran yɛ e kun-ɔn, sanngɛ e nin mmusu mun, nin aosin tuun nga e o nun yɛ'n i min'n i kpɛnngbɛn mun, yɛ mmusu tɛtɛ bɔ be o nglo lɔ'n yɛ e kun-ɔn.

Mmla'n 4:39

I sɔ'n ti, man amun wun i wlɛ ndɛkɛn, yɛ man ɔ tran amun akunndan nun titi kɛ Anannganman kunngba yɛ ɔ ti Nyanmiɛn nin-ɔn, man amun wun i wlɛ kɛ nyanmiɛn su lɔ o, asiɛ'n su wa o, like fi nin i sɛ-man.

Filipfuɛ Mun 2:10

nan kɛ like nga be o nyanmiɛn su lɔ'n, nin asiɛ'n su wa'n, nin asiɛ'n i bo lɔ'n, be kwlaa be ti i dunman Jésus'n, be `koto i bo,

Kolɔsfuɛ Mun 1:15

Ɔ fa Nyanmiɛn bɔ be wun-mɛn i'n, ɔ ti i Wa Kpɛn bɔ i kpa'n tra like ng'ɔ yili be'n be kwlaa.

Kolɔsfuɛ Mun 1:20

Yɛ ɔ siesieli i nun sran mun nin ninnge'm be kwlaa be afiɛn Jésus nun. Kɛ Jésus wuli waka'n su'n, Nyanmiɛn siesieli sa ng'ɔ o i nin like nga be o asiɛ'n su wa nin nyanmiɛn su lɔ'n be kwlaa be afiɛn, ɔ man sa fi nun-man lɛ kun.

Kolɔsfuɛ Mun 2:10

Ɔ man sran wunmuan bɔ amun nin Krist b'ɔ o mmusu mun nin kpɛnngbɛn'm be kwlaa bé ti su'n amun ti'n ti, like'n kwlaa ti a sin a yia amun.

Kolɔsfuɛ Mun 2:15

Krist i waka sɔ'n ti, Nyanmiɛn buli mmusu mun nin kpɛnngbɛn'm be kwlalɛ'n i bue, kɛ ɔ fa be yili i kwlalɛ'n nglo'n, ɔ man be wun be wafa nga be ti'n.

Hébreu 1:2

Sanngɛ e bɔ e su kɔ mɛn'n i bue nuan'n, ɔ man i Wa'n yɛ ɔ kan ndɛ kleli ye-ɔ. I yɛ ɔ man ɔ yili mɛn'n nin ninnge'n kwlaa-a, yɛ ɔ seli kɛ ɔ ´fa like'n kwlaa mɛn i.

Hébreu 2:10

Nanwlɛ, Nyanmiɛn b'ɔ yili like'n kwlaa bɔ i ti yɛ i kwlaa o lɛ'n, ɔ yoli sa ng'ɔ yo-ɔ ɔ nin i fata'n. Afin kɛ ɔ ´yo nan i mma kpanngban kpa b'a nyan i anyrunnyan'n wie ti, ɔ yoli man Jésus b'ɔ kpɛ atin man be nyan bé ti'n, ɔ yo sran bɔ nyrɛnnɛn b'ɔ wunnin i'n ti ɔ si atin sɔ'n kpɛ kpa.

1 Piɛr 3:22

Ɔ ɔli nyanmiɛn su lɔ, ɔ o Nyanmiɛn i sa fama su, ɔ sie anz mun, nin lɔ kpɛnngbɛn mun, ɔ nin be ngblewa-ngblewa mun.