Kolɔsfuɛ Mun 1:15 - NYANMIƐN NDƐ'N 1998

¹⁵ Ɔ fa Nyanmiɛn bɔ be wun-mɛn i'n, ɔ ti i Wa Kpɛn bɔ i kpa'n tra like ng'ɔ yili be'n be kwlaa.

Nyanmien nde Ufle

¹⁵ O fa Nyanmien bo bé wunmen'n i wafa kwlaa ng'o ti'n, o ti i Wa Kpen bo i kpa'n tra liké'n kwlaa ng'o yili bé'n.

Kolɔsfuɛ Mun 1:15 ပူးပေါင်းရင်းမြစ်များ

Jue Mun 89:27

Ɔ ´kpan flɛ min ´se kɛ: ‹Min si yɛlɛ wɔ, a ti min Nyanmiɛn, a ti kɛ yɛbuɛ sa, wɔ yɛ n talo wɔ yɛ n nyan n ti-ɔ.›

Ezipt Lɔ Tulɛ'n 24:10

Be wunnin Izraɛl Nyanmiɛn'n, i ja'm bé siesie like su. Like sɔ'n ti kɛ like wie yɛ be fali yɛbuɛ kpakpa nga be flɛ i Safir b'ɔ ti nglannglan'n be yoli sa. Ɔ ti ble klanman kɛ nyanmiɛn ble'n sa.

Kalɛ 12:8

N kan min ndɛ mun weiin n kle i. N yi mín wun nglo weiin n kle i, n yo-mɛn i nyanndra nun, ɔ wun wafa nga n fa ti'n. ?Yɛ ɔ yo sɛ ti yɛ an kan min sufuɛ sɔ'n i wun ndɛ tɛtɛ bɔ srɛ kaan sa kun-man amun nin-ɔn?»

Jean 1:1

Ndɛ'n wo lɛ lalaa i sin nan Nyanmiɛn a bo ninnge'm be yilɛ bo, Ndɛ'n nin Nyanmiɛn be o lɛ, Ndɛ sɔ'n ti Nyanmiɛn.

Jean 1:14

Ndɛ sɔ'n kacili i wun sran, ɔ nin ye wa trannin, ɔ ti aklunyefuɛ nin nanwlɛfuɛ . E niɛnnin i anyrunnyan'n, ɔ ti anyrunnyan bɔ sɛ Ba b'ɔ ti kunngba'n i Si mɛn i-ɔ ɔ ti su .

Jean 1:18

Sran fi nian wun-man Nyanmiɛn le san i Wa kunngba'n b'ɔ nin i ti kun b'ɔ ti i anwlɛn su ba'n i yɛ man e sili i-ɔ .

Jean 14:9

Jésus seli i kɛ : «?Filip, lalaa bɔ min nin amun o wa'n, a nian si-man min? Sran ng'ɔ wun min'n, wuun ɔ'a wun e Si'n. ?Ɔ yo sɛ yɛ a se n kɛ n kle amun e Si nin-ɔn?

Jean 15:24

Sɛ m'an yo-man like nga sran fi nian yo-mɛn i le be nyrun b'a wun-mɛn i'n, wuun be su bu-man bé sa tɛ yofuɛ. Sanngɛ kɛ n wa yoli bɔ be wunnin i'n ti'n, be kpɔ min nin n Si.

Jean 3:16

Afin Nyanmiɛn kloli mɛn'n lele ɔ fɛ i Wa kunngba cɛ'n mannin nan sran kwlaa ng'ɔ lafi i su'n ɔ'a mlin-man, sanngɛ ɔ `nyan Anannganman nguan.

Rɔmfuɛ Mun 8:29

Afin e bɔ Nyanmiɛn dun mmua fali ye'n, ɔ sieli e kɛ e kaci kɛ i Wa'n ti'n sa, nan i Wa'n nyan niaan kpanngban, nan ɔ yo be nyrun kpɛn.

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

2 Korɛntfuɛ Mun 4:6

Nyanmiɛn b'ɔ seli kɛ: «Man lika'n kpaja'n,» i kunngba'n yɛ man e wun sa wlɛ weiin-ɔn. Ɔ man kɛ e nian Krist'n, e wun wafa nga Nyanmiɛn ti'n i kwlaa, afin i yɛ man e sili i-ɔ .

Filipfuɛ Mun 2:6

I b'ɔ nin Nyanmiɛn be ti kun'n, ɔ'a kunndɛ-man kɛ ɔ ´fɛ i wun sunnzun i.

Kolɔsfuɛ Mun 1:13

Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

1 Timote 1:17

Famiɛn b'ɔ ti anannganman'n, b'ɔ wu-man, bɔ be wun-mɛn i'n, b'ɔ ti Nyanmiɛn bɔ like fi nun-mɛn i sin'n, man be mɛnmɛn i, yɛ be yi i ayɛ tititi, nán be yaci i le! Man ɔ yo sɔ!

1 Timote 6:16

I kunngba cɛ yɛ ɔ wu-man-an, ɔ tran lika b'ɔ kpaja nyannyannyan bɔ sran fi kwla mɛntɛn-mɛn i'n nun. Sran fi nian wun-mɛn i le, yɛ be kwla wun-mɛn i. Man be mɛnmɛn i yɛ be si kɛ ɔ ti kwlafuɛ tititi. Man ɔ yo sɔ.

Hébreu 1:3

I yɛ ɔ man e wun Nyanmiɛn b'ɔ yi i wun nglo nyannyannyan nin-ɔn, ɔ fa Nyanmiɛn i wafa kwlaa ng'ɔ ti'n, i nuan nun ndɛ'n yɛ man ninnge'n kwlaa be o lɛ-ɔ. Kɛ ɔ yoli bɔ sran'm bé wun sa'n wieli'n, ɔ ko trannin Nyanmiɛn b'ɔ ti Wlengbi'n i fama su nyanmiɛn su lɔ.

Hébreu 1:6

Kɛ ɔ ´fɛ i Wa kpɛn'n ba mɛn nun'n, ɔ kɛnnin i ekun kɛ: «Man min anz'm be kwlaa be koto i bo be mɛnmɛn i.»

Hébreu 11:27

Nyanmiɛn su b'ɔ lafi'n ti, kɛ ɔ jao Ezipt famiɛn wlɛfuɛ'n wun lɔ'n, srɛ a kun-mɛn i, afin ɔ trɛ i anwlɛn, ɔ ti kɛ ɔ'a wun Nyanmiɛn bɔ be wun-mɛn i'n sa .

Sa nglô yile 3:14

«Nian ndɛ nga n klo kɛ a klɛ ko man Laodise lɔ asɔnun'n i anz'n yɛ: ‹M bɔ be flɛ min Man-ɔ-yo-sɔ'n, bɔ n kan ndɛ nanwlɛ'n, bɔ be kwla fa bé wla gua n su'n, bɔ min yɛ Nyanmiɛn man n yili like'n kwlaa'n, n se kɛ yoo :