Kolɔsfuɛ Mun 1:13 - NYANMIƐN NDƐ'N 1998

¹³ Ɔ deli ye aosin tuun'n i min'n sa nun, yɛ ɔ yoli man i anwlɛn su Ba'n yɛ ɔ sie ye siɛn nin-ɔn.

Nyanmien nde Ufle

¹³ O déé é aôsin tuun'n i min'n sa nun, ye o fa é oo men nga i awlen su Ba'n sié'n nun.

Kolɔsfuɛ Mun 1:13 ပူးပေါင်းရင်းမြစ်များ

Ezai 42:1

Amun `nian, min sufuɛ bɔ n jrɛn i sin'n yɛ. Ɔ ti min sran, i yɛ n kpɛli i-ɔ, i su yɛ n fa n wla'n kwlaa n gua-a. N fali min Wawɛ'n n sieli i su, ɔ ´kle nvle-nvle'm be nunfuɛ'm be sa kpa yolɛ'n i atin'n .

Ezai 53:12

Ɔ man n fɛ i n wlali sran dandan'm be nun. Ɔ nin be bɔ be kwla'n be yɛ be ´cɛ alɛ ninnge'n nun-ɔn, yɛlɛ kɛ i bɔbɔ kplinnin su kɛ ɔ ´wu, ɔ man be fɛli i wlali sa tɛ yofuɛ'm be nun, ɔ jrannin sran kpanngban bé sa tɛ'n i nuan, yɛ ɔ kpatali sa tɛ yofuɛ'm be ti .

Ezai 60:2

Afin aosin'n ɔ kata asiɛ'n su, lika tuun ɔ dun sran'm be su, sanngɛ ɔ liɛ'n, Anannganman kpaja ɔ su, i nyrun nyannyan'n ɔ fite nglo ɔ́ su .

Zakari 9:9

Siɔnfuɛ mun, man amun wun blibli amun, amun `tu kpɛn! Zerizalɛmfuɛ mun, amun `bo sro. Amun `nian, amun famiɛn'n su ba amun wun. Ɔ ti sran kpa, ɔ kwla, ɔ ti wɛtɛfuɛ. Ɔ'a fu aflunmun bɔ ɔ'a kpɛ cro kun su. Aflunmun sɔ'n ɔ ti aflunmun bla kun wa .

Matthieu 17:5

Kɛ i nuan tɛ o ndɛ'n su'n, nyanmiɛn ufue fuaii kun wa katali be su yɛ be tili sran kun nɛn nyanmiɛn ufue sɔ'n nun, sran sɔ'n ɔ seli kɛ: «Min anwlɛn su ba yɛ, i su yɛ ń wla'n kwlaa wo-ɔ, an `tie ndɛ ng'ɔ kan'n .»

Matthieu 25:34

Yɛ m bɔ n ti famiɛn'n n ´se be nga be gua n fama su'm be kɛ: ‹Amun bɔ n Si yoli amun ye'n, an `bla be wa di famiɛn bɔ kɛ be ´bo mɛn'n i bo'n be sie mannin amun'n.

Matthieu 3:17

Kpɛkuun be tili sran kun nɛn nyanmiɛn su lɔ, ɔ seli kɛ: «Min anwlɛn su ba'n yɛ, i su yɛ m'an fa ń wla'n kwlaa m'an gua-a .»

JÉSUS-CHRIST I DYASIN FE'N BO LUC KLELI'N 13:24

«An `mian amún nyin an `sin anuan fii'n nun. Afin an `nian, sran kpanngban be klo kɛ be ´sin nun, sanngɛ be su kwla sin-man.

JÉSUS-CHRIST I DYASIN FE'N BO LUC KLELI'N 22:53

Cɛn kwlaa min nin amun yɛ e o Nyanmiɛn i sua nun-ɔn, amu'an tra-man min, siɛn'n amun nin aosin'n amun blɛ liɛ'n yɛ ɔ'a ju-ɔ.»

Jean 17:24

Min Si, lika nga n wo lɔ'n, n klo kɛ be nga a fa be mannin min'n, be `tran lɔ wie nan be wun nyrun nga wɔ man n lɛ i'n, afin i sin nan w'a yi mɛn'n yɛ a sɔtɔ n klolɛ-ɔ.

Jean 3:35

E Si Nyanmiɛn klo i Wa'n, yɛ ɔ fali like'n kwlaa wlɛli i sa nun .

Jean 5:24

Nanwlɛ, sran ng'ɔ tie min ndɛ'n nan ɔ lafi sran ng'ɔ sunmannin min'n su'n, ɔ lɛ Anannganman nguan, be su fɛ i kɔ-man jɔlɛ difuɛ'n i ja su. Ɔ'a nyɛn i ti wie'n sa nun, yɛ ɔ'a nyan nguan.

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

Rɔmfuɛ Mun 14:17

Nán kɛ like bɔ sran di'n nin nzan bɔ be nɔn'n yɛ ɔ kle kɛ Nyanmiɛn sie be-ɔ, sanngɛ i Wawɛ'n b'ɔ man sran kaci sran kpa'n, b'ɔ man be di alaje'n, b'ɔ man be klun jɔ'n, yɛ ɔ kle kɛ ɔ sie be-ɔ.

2 Korɛntfuɛ Mun 11:14

Ɔ ti-man abonuan, afin Satan bɔbɔ kaci i wun kɛ anz b'ɔ kpaja'n sa.

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

Efɛzfuɛ Mun 1:6

nan y'a bo i dunman ye dan b'ɔ fɛli i anwlɛn su Ba'n yoli ye'n ti.

Efɛzfuɛ Mun 4:18

yɛ be kwla wun-man sa wlɛ. Nguan nga Nyanmiɛn fa man sran'n, be dunman tɛ-man nun wie, afin b'a kete, ɔ man be si-man sa fi.

Efɛzfuɛ Mun 5:5

Afin nanwlɛ, sran nga be ti bla nin bian kunndɛfuɛ'n, nin sa tɛtɛ yofuɛ'n, nin be nga bé nyin yi-man like'n, bɔ be ti kɛ amuɛn sɔfuɛ sa'n, be su tran-man be nga Krist nin Nyanmiɛn be ´sie be'n be nun wie.

Efɛzfuɛ Mun 5:8

Laa'n, an wo aosin nun, sanngɛ sran wunmuan bɔ amun nin e Min'n amu'an kaci'n ti, amu'an fite weiin nun siɛn'n. I sɔ'n ti'n, an `yo sa ng'ɔ kle kɛ an wo wia klengle kpa'n nun'n.

Efɛzfuɛ Mun 6:12

Afin nán e nin klɔ sran yɛ e kun-ɔn, sanngɛ e nin mmusu mun, nin aosin tuun nga e o nun yɛ'n i min'n i kpɛnngbɛn mun, yɛ mmusu tɛtɛ bɔ be o nglo lɔ'n yɛ e kun-ɔn.

1 Tɛsalonikfuɛ Mun 2:12

afin e mannin amun afɔtuɛ, e wlali amun fanngan, yɛ e kan kleli amun kɛ an yo sa ng'ɔ ti Nyanmiɛn b'ɔ flɛli amun kɛ an di i famiɛn'n wie nan an nyan nyrun kɛ i liɛ'n sa'n, i klun sa.

Hébreu 2:14

Kɛ bɔ ba sɔ'm be ti klɔ sran'n ti'n, Jésus kusu kacili i wun klɔ sran kɛ be sa. Ɔ yoli i sɔ nan sɛ ɔ wu'n ɔ ´kwla mmusu'm bé si Satan'n b'ɔ man wie'n kwla sran mun'n.

1 Piɛr 2:9

Sanngɛ amun liɛ'n, an ti sran bɔ Nyanmiɛn fali amun, an ti Famiɛn Nyanmiɛn'n i nyrun jranfuɛ mun, an ti Nyanmiɛn i nvle'n nun sran mun, yɛ an ti i liɛ mlɔnmlɔn. Ɔ fali amun kɛ an yi i b'ɔ flɛli amun kɛ an jao aosin nun, an bla lika ng'ɔ kpaja kpa nun'n i ayɛ .

2 Piɛr 1:11

I sɔ'n nun yɛ e Min Jésus-Krist b'ɔ ti e Defuɛ'n, ɔ ´sɔ amun nun kpa, yɛ ɔ ´fa amun wlɛ i sran ng'ɔ sie be titi'n be nun-ɔn.

1 Jean 2:8

Sanngɛ ɔ nin i sɔ'n ngba'n, ɔ ti kɛ mmla uflɛ yɛ n su fa man amun sa, yɛ kɛ be wun Krist bɔ be wun amun'n, be wun kɛ mmla sɔ'n ti nanwlɛ. Afin aliɛ'n su cɛn, ɔ'a cɛn weiin bɔbɔ.

1 Jean 3:14

E si kɛ y'a nyan é ti wie'n sa nun, yɛ y'a nyan nguan, yɛlɛ kɛ e klo e niaan mun. Sran ng'ɔ klo-man sran'n, wuun ɔ tɛ o wie'n sa nun.

1 Jean 3:8

Sran ng'ɔ yo sa tɛ'n, ɔ ti mmusu'm bé si Satan'n i liɛ, afin kɛ ɔ fin i bo bolɛ nun'n, mmusu'm bé si Satan'n ti sa tɛ yofuɛ. Nyanmiɛn Wa'n bali sa nga mmusu'm bé si Satan yo'n i nuan nnya bulɛ.