Kolɔsfuɛ Mun 1:11 - NYANMIƐN NDƐ'N 1998

¹¹ E srɛ i kɛ ɔ man amun fanngan i kwlalɛ dan b'ɔ lɛ-man wunsu'n ti, e srɛ i kɛ sa'n kwlaa nun amun klun jɔ nan an kwla tra amun anwlɛn blu sa'm be su.

Nyanmien nde Ufle

¹¹ É sre i ke o man amun fanngan i kwlale dan b'o le'a wunsu'n ti, nan sa'n kwlaa nun amun klun dyo, an kwla tra amun awlen blu sa'm bé su.

Kolɔsfuɛ Mun 1:11 ပူးပေါင်းရင်းမြစ်များ

Jue Mun 63:2

Ee Nyanmiɛn, a ti min Nyanmiɛn, n kunndɛ kɛ m ´mantan wɔ. Mín wla lo wɔ. N ti kɛ asiɛ bɔ nzue tɔ-man su, bɔ ɔ'a wu kee, bɔ ɔ'a tɛtɛ ɔ su srɛ nzue'n sa.

Ezipt Lɔ Tulɛ'n 15:6

Anannganman, ɔ́ sa fama'n lɛ wunmiɛn o! A bubuli ɔ kpɔfuɛ'm be nun sa kpokpokpo.

Nyanndra Mun 24:10

Sɛ sa kekle wie tɔ wɔ su nan ɔ́ sa sin bubu wɔ'n, wuun a lɛ-man anwlɛn.

Ezai 45:24

Be ´se kɛ: «Anannganman kunngba cɛ yɛ ɔ di nanwlɛ-ɔ, i kunngba cɛ yɛ ɔ lɛ wunmiɛn-ɔn.» Be kwlaa nga be jasoli i wun'n, be ´bɛ i sin, yɛ be ´wun nyannzuɛn .

Sa nga bé yôli'n 1:8

Sanngɛ kɛ Nyanmiɛn Wawɛ'n ko ba amun wun'n, ɔ ´tin amun, an wa kan min ndɛ Zerizalɛm wa, nin Zide mɛn wunmuan'n nun, ɔ nin Samari lɔ lele fa ju asiɛ'n i awieliɛ .»

Sa nga bé yôli'n 5:41

Kɛ be ´jao jɔlɛ difuɛ'm be nyrun lɛ'n, be klun ti jɔwa yɛlɛ kɛ be si kɛ bé nyin bɔ be guɛli i ase Jésus dunman nun'n ɔ ti kpa, afin Nyanmiɛn yɛ ɔ sieli i sɔ-ɔ.

Rɔmfuɛ Mun 2:7

Be nga be tra be anwlɛn be yo sa kpa'n, bɔ be kunndɛ kɛ be nyan nyrun nan be bu be sran'n, bɔ be kunndɛ nguan'n, ɔ ´man be anannganman nguan.

1 Korɛntfuɛ Mun 16:13

An `nian amún wun kpa, an `lafi Krist su, an `jran kekle, an `yo man be wun kɛ an ti yasua bɔ amun anwlɛn sɔ .

2 Korɛntfuɛ Mun 4:7

E bɔ e lɛ Nyanmiɛn ninnge kpakpa sɔ mun'n, e ti kɛ sɛ sa, ɔ man be wun i wlɛ kɛ e kwla yo-man like fi, sanngɛ Nyanmiɛn b'ɔ kwla like kwlaa yo'n yɛ ɔ yo sa-a.

Efɛzfuɛ Mun 3:16

Kɛ anyrunnyan ninnge'm be sɔnnin i sa nun'n dan'n ti'n, n srɛ i kɛ i Wawɛ'n wla amun fanngan nan an tra amun anwlɛn yɛ an jran kekle

Efɛzfuɛ Mun 4:2

Nán an tu amún wun mlɔnmlɔn, an `yo wɛtɛɛfuɛ, an `blu sa'm be su, sa nga amun wiengu yo bɔ an wun i'n, man ɔ sɔn amun nun i klolɛ bɔ an klo i'n ti.

Efɛzfuɛ Mun 6:10

Min ndɛ'n i atabo'n yɛ: Man e Min'n tin amun sran wunmuan bɔ amun nin i amu'an kaci nin i kwlalɛ b'ɔ lɛ-man wunsu'n ti.

Filipfuɛ Mun 4:13

Krist b'ɔ wla n fanngan'n ti'n, n kwla like kwlaa yo.

2 Piɛr 1:6

Kɛ an wun sa'm be wlɛ'n, an `nian amun wun su. Kɛ an nian amún wun su'n, an `tra amun anwlɛn. Kɛ an tra amun anwlɛn'n, an `fa amún wun mantan Nyanmiɛn.

Jude 1:25

e Nyanmiɛn kunngba b'ɔ ti e Defuɛ'n, e Min Jésus-Krist ti, man be yi i ayɛ, be mɛnmɛn i yɛlɛ kɛ ɔ ti famiɛn, ɔ ti kpli, yɛ ɔ kwla sa'n kwlaa yo. Kɛ ɔ fin lalaa'n, be mɛnmɛn i sɔ, kɛ ɔ fin ndɛ'n man be mɛnmɛn i tititi. Man ɔ yo sɔ!

Sa nglô yile 14:12

Nyanmiɛn i sran bɔ be tra be anwlɛn be fɛ i mmla'n su'n, bɔ be lafi Jésus su kpa'n, wa yɛ be ´wun be-ɔ.