Bo Bolɛ 9:6 - NYANMIƐN NDƐ'N 1998

⁶ Sran ng'ɔ guɛ i wiengu mmoja ase'n, sran uflɛ ´guɛ i mmoja liɛ'n i ase yɛlɛ kɛ Nyanmiɛn yili sran kɛ i bɔbɔ sa.

Bo Bolɛ 9:6 ပူးပေါင်းရင်းမြစ်များ

Saun Yolɛ 24:17

Sɛ sran kun ɔ kun i wiengu sran'n, ɔ fata kɛ be kun i wie.

Matthieu 26:52

Yɛ Jésus seli i kɛ: «Fa ɔ tokofi'n wlɛ i bua'n nun, sran kwlaa ng'ɔ tra tokofi nun'n, tokofi'n i nuan yɛ ɔ ´kɔ-ɔ .

Sa nglô yile 13:10

Sran nga be sieli kɛ be `wlɛ bisua'n, san be ´wlɛ, yɛ sran ng'ɔ fa tokofi kun sran'n, san be ´fa tokofi kun i wie. I kwlaa sɔ'n nun'n, man be wun kɛ Nyanmiɛn i sran'm be lɛ anwlɛn yɛ be lafi i su .

Kalɛ 35:33

Nán amun yo mɛn nga amun tran nun'n i fiɛn. Sran kunlɛ'n kusu saci mɛn. Sɛ be kun sran kun'n, wuun mɛn'n ɔ'a saci. A ´wun kɛ mɛn sɔ'n ɔ ´kpɛn su ekun'n, wuun b'a kun sran ng'ɔ kunnin sran'n wie.

Jacques 3:9

E nuan sɔ'n yɛ e fa manman e Min'n b'ɔ ti e Si nin-ɔn. E nuan kunngba'n, yɛ e fa wua sran bɔ Nyanmiɛn yili be'n bɔ be ti kɛ i sa'n, be amuɛn nin-ɔn .

Bo Bolɛ 5:1

Adam i mma mun, nin i anunman mun, ɔ nin i anunmannunman mun be dunman mun yɛ. Blɛ nga Nyanmiɛn ´yi sran mun'n ɔ yili be kɛ i bɔbɔ sa.

Rɔmfuɛ Mun 13:4

afin Nyanmiɛn man be nian ɔ su yɛ man a yo kpa-a. Sanngɛ sa a yo sa tɛ'n, man ɔ klun titi wɔ. Afin Nyanmiɛn a sie-man be lɛ ngbɛn, ɔ sieli be lɛ kɛ be tu i klunngbɔ, yɛ be tu sran ng'ɔ yo sa tɛ'n i fɔ.

Bo Bolɛ 4:14

A fuan min asiɛ kpa'n su, n ´ko fia ɔ nyrun mmua, n ´yo finfinfuɛ, n ´wlan-wlan asiɛ'n su ngbɛn. Sran kwlaa ng'ɔ nin min yia nun'n, ɔ ´kun min.»

Jue Mun 51:4

Wunnzin min weiin kpa, man fɔnlɛ bɔ n fɔnnin'n ɔ wie. Yo min saun kpa man min wun sa'n kwlaa wie weiin.

Kalɛ 35:25

Man be fa sran ng'ɔ kunnin sran'n be ko fia klɔ nga ɔ ko fiali su lɔ'n su kɛ ɔ ´yo nan klunngbɔ tufuɛ'n ɔ'a kun-mɛn i'n ti. Sran ng'ɔ kunnin sran'n, ɔ ´ka fiawlɛ klɔ'n su lɔ lele san min nyrun jranfuɛ'm be su kpɛn'n bɔ be fali ngo ng'ɔ ti min liɛ klonglo'n be guɛli i ti su'n ɔ'a wu.

Saun Yolɛ 17:4

man ɔ dun mmua fa nnɛn'n ɔ bla tannin sua'n nga n yi min wun nglo nun'n i anuan'n nun lɛ, ɔ `fa man min kɛ min nnɛn-ɔn. Sɛ ɔ'a yo-mɛn i sɔ'n, wuun ɔ'a yo sa tɛ, afin b'a mɛn-mɛn i atin kɛ like ng'ɔ de wunmiɛn asiɛ'n su'n, ɔ gua wie mmoja ase. Kɛ bɔ ɔ'a guɛ i ase'n ti'n, be ´fuɛn i Izraɛl nvle nun.

1 Korɛntfuɛ Mun 11:7

Sanngɛ yasua b'ɔ man be wun wafa nga Nyanmiɛn ti'n nin i nyrunnyan'n, sɛ ɔ kɛtɛ i ti'n, ɔ ti-mɛn i su . Yɛ bla kusu ba yasua i nyrunnyan,

Bo Bolɛ 42:22

Yɛ Ribɛn waan: «?Kɛ n seli amun kɛ nán an yo ba sɔ'n i tɛ'n, an fali amún su tieli? Siɛn'n yɛ e su wa tannin i wie'n i kalɛ yɛ.»

Ezipt Lɔ Tulɛ'n 20:13

Nán kun sran .

Mmla'n 5:17

Nán kun sran.

Jɔlɛ Difuɛ Mun 9:56

Abɔlɛ nga Abimelɛk yoli i si'n, i niaan ableso b'ɔ kunnin be'n, i sɔ klunwi liɛ'n, Nyanmiɛn fa tɛkɛli i ti su.

1 Samiɛl 15:33

Yɛ Samiɛl seli i kɛ: «Kɛ a kunnin sran mun bɔ be fili bé nin'm be sa'n, i kunngba nin-ɔn, a wa fi ɔ nin liɛ'n i sa kusu.» Yɛ Samiɛl jɔjɔli i nun Nyanmiɛn sua ng'ɔ o Gilgal lɛ'n nun-ɔn.

2 Famiɛn Mun 11:16

Yɛ be trɛli i be fɛ i ɔli famiɛn'n i sua'n wun lɔ-ɔ. Kɛ be juli Nnɛn Kpanngɔ'm be anuan'n nun lɛ'n yɛ be kunnin i-ɔ.

Nyanndra Mun 28:17

Sran ng'ɔ kun sran b'ɔ lɛ i wun-ɔn, ɔ lafi-man b'ɔ kunndɛ kɛ ɔ ´kun i wun wie ndɛndɛ'n, sɛ ɔ ´kɔ i wun kunlɛ'n, be `yaci i nun, nán be trɛ i.

Akunndanfuɛ'n 3:3

Ɔ lɛ blɛ kun bɔ be fa kun sran-an, yɛ ɔ lɛ blɛ kun bɔ be fa sran be sie bɔ be kun-mɛn i-ɔ. Ɔ lɛ blɛ kun bɔ be fa kplan like-ɔ, yɛ ɔ lɛ blɛ kun bɔ be fa bubu like sɔ nin-ɔn.

Kalɛ 35:16

Sɛ sran kun fa blalɛ like wie fin sran nan ɔ wu'n, ɔ ti sran kunfuɛ, man be kun i wie.

Mmla'n 19:11

Sanngɛ sran ng'ɔ bu i wiengu kun wun akunndan tɛ sie'n, b'ɔ bu sa i nyrun nan ɔ yo i like wie nan ɔ wu'n, sɛ i sɔ sran'n ɔ wanndi ko fia klɔ sɔ'm be nun kun su'n,

2 Samiɛl 4:11

?Yɛ a ´se kɛ sran tɛfuɛ'n bɔ b'a ko wlu sran kpa kun i sua'n nun b'a kun i i bɛ'n su'n, yɛ n su man-man be sran kunlɛ'n i nuan like-ɔ? N ´yo man amun su tran-man mɛn'n nun kun.»

1 Famiɛn Mun 2:9

I sɔ'n ti, ngwlɛlɛfuɛ yɛlɛ wɔ, nán yaci i lɛ kɛ sran bɔ ɔ'a yo-man sa tɛ sa. A si sa ng'ɔ fata kɛ a fa yo i'n. Nán yaci i nun man ɔ wu i kpɛnngbɛn wie. Kun i man ɔ la kondo i mmoja'n nun.»

2 Famiɛn Mun 11:1

Kɛ Atali b'ɔ ti Akazia i nin'n wunnin kɛ i wa'n ɔ'a wu'n, ɔ nunnunnin famiɛn'n i mma'm be ngba.

2 Famiɛn Mun 11:20

Sran'm be kwlaa be klun jɔli. Kɛ be kunnin Atali famiɛn sua'n nun lɔ'n, klɔ'n tɔli fɔuun.

2 Be Nyoliɛ 33:24

I sonja su kpɛn'm be cicili i wun ndɛ, nan b'a kun i i bɔbɔ i sua'n nun lɔ.