Bo Bolɛ 9:4 - NYANMIƐN NDƐ'N 1998

⁴ Sanngɛ nán an di nnɛn nin i mmoja'n afin i nun yɛ i nguan'n wo-ɔ .

Bo Bolɛ 9:4 ပူးပေါင်းရင်းမြစ်များ

Ezekiɛl 33:25

Yoo, kan ndɛ nga min Anannganman Nyanmiɛn n ´kɛn i yɛ'n kle be. Se be kɛ: ‹Amun di nnɛn ɔ nin i mmoja'n, amun sɔ amuɛn mun, amun kun sran mun. ?Ɔ yo sɛ ti yɛ amun kwla kan kɛ mɛn ɔ ti amun liɛ nin-ɔn ?

Saun Yolɛ 19:26

Kan bɔ amun kunnin nnɛn lɛ bɔ i mmoja'n ɔ guali lɛ'n, nán amun di i lika kunngba sɔ'n nun lɛ. Nán amun yo bae dilɛ ninnge mun, nán amun yi wunnzue.

Saun Yolɛ 3:17

I sɔ'n ti'n, ɔ fin ndɛ, kan kwlaa bɔ amun wo'n, mmla nga n wa ´klekle amun yɛ'n, amun nin amun osu nunfuɛ mun amun `fa su: nán amun di nnɛn lui nin nnɛn mmoja. Nán amun di be le nan kɛ ɔ ´yo-ɔ ɔ'a yo-ɔ.»

Saun Yolɛ 7:26

Kan kwlaa bɔ amun tran'n, ɔ fata-man kɛ amun di anunman kun sa i mmoja, ɔ fata-man kɛ amun di nnɛn kun sa i mmoja .

Sa nga bé yôli'n 15:20

Sanngɛ man e klɛ be fluwa kɛ nán man be di amuɛn su, nán man be kunndɛ bla b'ɔ ti-man bé yi annzɛ bian b'ɔ ti-man bé wun'n, yɛ nán man be di nnɛn b'ɔ wu i sa su'n, ɔ nin nnɛn mmoja .

Sa nga bé yôli'n 15:25

I sɔ'n ti, e buli i akunndan, yɛ e nɛn sɛli su kɛ e ´kunndɛ sran uka Barnabas nin Pɔl bɔ é wla o bé su kpa'n e ´sunman be amun wun lɔ.

Sa nga bé yôli'n 15:29

yɛlɛ kɛ nán an di amuɛn su, nán amun di nnɛn mmoja nin nnɛn ng'ɔ wu i sa su'n, yɛ nán an kunndɛ bla b'ɔ ti-man amún yi annzɛ bian b'ɔ ti-man amún wun'n. Sɛ an nian amún wun sa sɔ'm be lika'n, ɔ ti kpa. Man Nyanmiɛn nian amun su.»

Mmla'n 12:16

Mmoja fuɛ'n yɛ nán amun di-ɔ. Amun `guɛ i ase kɛ nzue sa.

Mmla'n 12:23

Sanngɛ mmoja fuɛ'n, nán amun di i mlɔnmlɔn. Afin mmoja nun yɛ nguan'n wo-ɔ. Nán amun di nnɛn i ba'n nin nnɛn i nguan'n.

Mmla'n 14:21

Nán amun di nnɛn fuɛn. Amun `fa man aofuɛ nga be tran amun afiɛn mun man be di, annzɛ kusu amun `yo i atɛ aofuɛ wie'm bé sa nun. Amun liɛ'n, amun ti Anannganman amun Nyanmiɛn'n i nvle nun sran mun, amun ti i liɛ klonglo. Nán amun tɔn boli ba i nin i nyɔnflɛn nzue'n nun.

Mmla'n 15:23

Sanngɛ nán amun di i mmoja fuɛ'n. Amun `guɛ i ase kɛ nzue sa.

1 Timote 4:4

Like nga Nyanmiɛn yili be'n, be kwlaa be ti kpa, nán man be yi wie fi ase, sanngɛ man be sɔ nun be lɛ i ase,

1 Samiɛl 14:32

I ti be fɛnnin be kpɔfuɛ'm be bo ninnge mun. Be trali bua, nin nannin dandan mun, ɔ nin nga b'a kpɛ cro mun. Be kpɛli be kɔmin asiɛ wun lɛ, be jrannin mmoja'n nun lɛ be dili like.