Bo Bolɛ 8:1 - NYANMIƐN NDƐ'N 1998

¹ Nyanmiɛn buli Noe nin nnɛn nga be wo i sin lɔ'n be kwlaa be akunndan. Ɔ man ɔ fitali aunngban kun asiɛ'n su kpɛkuun nzue'n su kan ase.

Bo Bolɛ 8:1 ပူးပေါင်းရင်းမြစ်များ

Bo Bolɛ 19:29

Kɛ Nyanmiɛn ´nunnun lika sɔ'm be nun klɔ mun'n, i nyin ɔ'a tra-man Abraam su. Ɔ yili Lɔt klɔ sɔ bɔ i waan ɔ ´nunnun be'n be nun fiteli.

Bo Bolɛ 30:22

Kpɛkuun Nyanmiɛn buli Rasɛl i akunndan, ɔ tili i srɛwa'n nan ɔ'a tike i klun'n.

Bo Bolɛ 9:10

nin nnɛn kwlaa nga be o amun wun yɛ'm be kwlaa, i anunman o, i klɔ nnɛn o, i blo nnɛn o, be kwlaa, be nga be fin mmeli'n nun fiteli'n, ɔ nin asiɛ'n su nnɛn nga be wa ba kasiɛn'n be ngba.

Neemi 13:14

«Min Nyanmiɛn, man ɔ́ wla kpɛn sa kpa nga n yoli'n su. Nán ɔ́ wla fi sa nga n yoli i ɔ sua'n i ti'n i su le. Nán ɔ wla fi ɔ sulɛ wafa nga n siesieli'n su. Ɔ klolɛ'n ti yɛ n yoli i sɔ-ɔ.»

Neemi 13:22

Yɛ n seli Levifuɛ'm be kɛ be yo bé wun saun nan be nian anuan'm be su wunmiɛn-delɛ-cɛn'n nun. I liɛ'n, sran'm be su yo-man wunmiɛn delɛ cɛn'n i finfin kun. «Min Nyanmiɛn! Man ɔ́ wla kpɛn min su sa nga n yoli i lɛ'n ti. Wɔ bɔ wɔ aunnvuɛ silɛ'n lɛ-man sin'n, nian min lika.»

Neemi 13:29

«Min Nyanmiɛn, nán ɔ́ wla fi su kɛ be yoli ɔ sɔlɛ junman'n i finfin. Nán ɔ́ wla fi su kɛ aenguɛ nga a nin ɔ nyrun jranfuɛ nin Levifuɛ'm be trali'n be yoli i finfin ekun.»

Neemi 13:31

Yie nga be siesieli i kɛ i blɛ ju-ɔ, be ´man'n, ɔ nin fie su aliɛ klikli ng'ɔ fite'n i manlɛ'n, n siesieli be i osu'n nun. «Min Nyanmiɛn, man ɔ́ wla kpɛn min su, nan yo min ye.»

Zɔb I Nyrɛnnɛn Wunlɛ 12:15

Sɛ ɔ jran nzue'n, lika'n ɔ wu kee, sɛ ɔ tike nzue'n kusu'n, nzue sɔ'n ɔ fa lika wunmuan'n.

Zɔb I Nyrɛnnɛn Wunlɛ 14:13

Ee! Min Nyanmiɛn, sɛ ɔ ti kɛ a fa min fia blɔlɔ lɔ-ɔ yo ye'n, wuun n ´fia lɔ cɛ, wuun n ´fia lɔ lele san ɔ ya'n ɔ ´sin. I sin, a ´kle cɛn, sɛ ɔ ju'n, kpɛkuun ɔ́ wla ´kpɛn min su.

Jue Mun 105:42

Afin nda ng'ɔ tali Abraam b'ɔ ti i sufuɛ'n, i wla o su.

Jue Mun 106:4

Anannganman, kɛ a ´yo ɔ sran'm be ye'n, man ɔ́ nyin kpɛn min su. Wɔ bɔ a ti defuɛ'n, de min.

Jue Mun 115:12

Anannganman i wla fi-man e su. Ɔ ´yo Izraɛlfuɛ'm bé wun sa ye. Ɔ ´yo Aarɔn osu'n nunfuɛ'm bé wun sa ye.

Jue Mun 132:1

Zerizalɛm kɔlɛ'n i su jue. Anannganman, man ɔ wla kpɛn David su. Man ɔ wla kpɛn i afɛ ng'ɔ fɛli'n su.

Jue Mun 136:23

I nun bɔ be guali e nyin ase'n, i yɛ i wla kpɛnnin e su-ɔ, afin i klun-ufue'n wo lɛ tititi.

Jue Mun 137:7

Anannganman, nán ɔ́ wla fi Edɔmfuɛ'm be su. Kɛ nyrɛnnɛn'n ɔ tɔli Zerizalɛm su'n, be yɛ be seli kɛ: «An `kpu klɔ'n su treketreke, an `kpu su lele to i bo ase wlawlɛ'n.»

Jue Mun 29:10

Kɛ anannganman su nzue dan'n ´tɔ'n, Nyanmiɛn yɛ ɔ mɛnnin i atin-ɔn. Ɔ ti famiɛn tititi.

Jue Mun 36:6

Anannganman, ɔ klun-ufue'n ti dan lele kpe nun. I kunngba'n, a ti nanwlɛfuɛ dan.

Ezipt Lɔ Tulɛ'n 14:21

Moiz tinngɛli i sa'n jenvie'n su. Anannganman yoli man aunngban dan kun b'ɔ fin wia afiliɛ lɔ'n fitali kɔnguɛ wunmuan'n nun. Ɔ suli nzue'n ɔli wa, ɔ suli ɔli wa, nan nzue'n i nun ɔ'a kpɛ, kpɛkuun i osu'n yoli wisiwisi.

Ezipt Lɔ Tulɛ'n 15:10

Sanngɛ wɔ Anannganman a fitali wɔ aunngban'n, kpɛkuun jenvie'n katali bé su kplu. Be mlɔnnin kɛ sunmun sa nzue sroesroe sɔ'n nun.

Ezipt Lɔ Tulɛ'n 2:24

Nyanmiɛn kusu tili be sun flɛlɛ nga be sun flɛli i'n. Kɛ ɔ tili i sɔ'n, ɔ man i wla kpɛnnin aenguɛ ng'ɔ nin Abraam, nin Izaak, nin Zakɔb be trali'n su.

Nyanndra Mun 25:23

Aunngban fɛfɛ'n, yɛ ɔ fa nzue'n ba-a. I kunngba'n, ijɔlɛ ngboko'n kusu ɔ kun sran wie ya.

Ezai 44:27

N se jenvie dan'n kɛ: «Wu kee, man ɔ nzue'n wie nun.»

Zeremi 50:38

Babilɔni nzue ba mun, man be wu kee. Afin mɛn sɔ'n ti amuɛn mɛn. I sɔ amuɛn'n ti bé ti sran'm bé ti ɔ'a saci bé ti su mlɔnmlɔn.

Amɔs 8:7

Mɛn nga Zakɔb i anunman Izraɛlfuɛ'm be fa nyinman-nyinman bé wun'n ti, Anannganman wan yoo: «Izraɛlfuɛ'm be aeliɛ'n, mín wla su fi-mɛn i le.

Zonas 4:11

Yɛ Niniv b'ɔ ti klɔ dan, bɔ sran akpi-akpi ya sran akpi-akpi ablaɔn (120.000) bɔ be wun-man sa wlɛ'n, be o su'n, ɔ nin nnɛn beblebe'n, yɛ min yɛ n ko si-man be aunnvuɛ-ɔ?»

Naɔm 1:4

Kɛ ɔ kpan jenvie'n su'n, kpɛkuun jenvie'n ɔ'a wie nun. Ɔ yo man nzue ba dandan'm be wie nun, kpɛkuun Bazan nin Karmɛl lɔ nnya nin ijre'm be glɔ, yɛ Liban lɔ waka nnyrɛ'm be glɔ wie.

Abakik 3:2

Anannganman, ɔ sa dandan nga a yoli be'n, be kannin bé wun ndɛ n tili. Ɔ man n sro wɔ. Blɛ'n kwlakwla, yo i sɔ sa mun ekun kle ye. Kannzɛ bɔ a fa ya'n, sanngɛ ɔli yi ɔ klun-ufue'n i nglo kle ye ekun.

Zakari 10:11

Be ´kpɛ jenvie'n b'ɔ ti awlaboɛ like'n. Jenvie'n i bolɛ ng'ɔ bo'n, n ´jrɛn i. Nil nzue ba'n ´wie nun sekeseke, Asiri bɔ i nunfuɛ'm be yo bé wun dandan'n, ɔ ´tɔ. Eziptfuɛ'm be kusu be su kwla-man kun.

Kalɛ 10:9

Blɛ bɔ amun o amun mɛn'n nun bɔ amun kpɔfuɛ'm be ´fa alɛ wla amun sin'n bɔ amun nin be ´ko kun'n, amun `bo sro yɛ amun `bo awɛ'n, i liɛ'n min bɔ n ti Anannganman amun Nyanmiɛn'n, mín wla ´kpɛn amún su, kpɛkuun n ´de amun amun kpɔfuɛ'm bé sa nun.

Kalɛ 22:32

Anz'n usɛli i kɛ: «?Nguɛ ti yɛ w'a bo wɔ aflunmun'n lele kpɛ nsan sɔ nin-ɔn? Nian m buli ɔ nyrun, yɛlɛ kɛ atin nga a fa su yɛ'n ɔ ´fa wɔ kɔ mlinlɛ nun.

Sa nglô yile 16:19

Klɔ dan'n bubuli nun nsan. Yɛ mɛnmɛn'm be kwlaa be nun klɔ'm be sacili. Nyanmiɛn wla a fi-man Babilɔni klɔ dan'n su, ɔ man ɔ nɔnnin nzan b'ɔ o i klowa'n nun'n kɛ sran sa. Nzan sɔ'n yɛlɛ i ya dan'n.

Sa nglô yile 18:5

Afin i sa tɛ yolɛ dunman'n ɔ'a ɔ lele ɔ'a ju nyanmiɛn su lɔ, yɛ Nyanmiɛn a bu i nyoliɛ tɛ'n i akunndan .

1 Samiɛl 1:19

Kɛ i aliɛ cɛnnin'n, nglɛmun ndɛ kpa'n, Ɛlkana nin i awlofuɛ'm be ko kotoli Anannganman i bo nan b'a sa bé sin b'a ɔ be klɔ Rama lɔ. Ɛlkana nin i yi Ani be sili sua nan Anannganman ɔ'a mɛn i srɛwa'n i nuan like.