Bo Bolɛ 7:23 - NYANMIƐN NDƐ'N 1998

²³ Anannganman nunnunnin asiɛ'n su ninnge'm be ngba. I sran o, i nnɛn dandan o, i nnɛn kanngan o, i anunman o, be kwlaa sɔ'm be nunnunnin. San Noe nin be nga be nin i wo mmeli'n nun'n be ngunmin cɛ yɛ be fiteli nun-ɔn .

Bo Bolɛ 7:23 ပူးပေါင်းရင်းမြစ်များ

Bo Bolɛ 6:17

Afin n wa tɔ anannganman su nzue kun asiɛ'n su, n ´fa nunnun ninnge nga be wo asiɛ'n su'n be kwlaa. N ´kun asiɛ'n su ninnge'm be kwlaa.

Bo Bolɛ 8:18

Yɛ Noe nin i yi, nin i mma yasua mun nin bé yi mun be fin mmeli'n nun be fiteli-ɔ.

Zɔb I Nyrɛnnɛn Wunlɛ 5:19

Sɛ sa tɔ wɔ su kpɛ nsiɛn bɔbɔ'n, ɔ ´de wɔ, yɛ ɔ man sa ´to fuan wɔ kpɛ nso bɔbɔ.

Jue Mun 91:1

Sran ng'ɔ ko fia Nyanmiɛn bɔ like fi nun-mɛn i sin'n i sin'n, wuun ɔ'a tran Nyanmiɛn b'ɔ kwla like kwlaa yo'n i fɔnvɔ'n nun.

Jue Mun 91:7

Kannzɛ sran akpi be ´tɔ ɔ́ wun koko lɛ'n, kannzɛ sran akpi blu (10.000) be ´tɔ ɔ́ sa fama su lɛ'n, like fi su nyan-man wɔ.

Nyanndra Mun 11:4

Jɔlɛ dilɛ cɛn nun'n, anyanbeun'n yo-man like fi ye. Sanngɛ nanwlɛ dilɛ'n ɔ de be wie'n i nuan nun .

Matthieu 25:46

Sran sɔ'm be liɛ'n, be ´kɔ lika bɔ lɔ nyrɛnnɛn'n wie-man'n nun'n, sanngɛ nanwlɛfuɛ'm be ´nyan anannganman nguan .»

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

1 Piɛr 3:20

Be nga laa kɛ Noe ´bobo mmeli'n be yoli nyin kekle Nyanmiɛn su'n, b'ɔ trɛli i anwlɛn bé wun'n, be wawɛ mun-ɔn. Sran mɔcuɛ cɛ yɛ be fuli mmeli sɔ'n nun be trannin nzue'n i nyin su lele be nyannin be ti-ɔ .

2 Piɛr 2:5

Laa mɛn liɛ'n, Nyanmiɛn a yaci-mɛn i lɛ, ɔ man nzue'n tɔli ɔ yili dan kpa nan ɔ'a kun sran tɛtɛ nga be o mɛn nun'n be kwlaa. Sanngɛ ɔ deli Noe b'ɔ bo sa nga be yo-ɔ ɔ ti su'n i ndolo'n, yɛ ɔ deli sran nso ekun .

2 Piɛr 2:9

Ɔ man e si kɛ e Min'n kwla de be nga be sro i bɔ sa tɔ bé su'n. Yɛ ɔ si be nga be yo sa tɛ'n be siewlɛ nan jɔlɛ dilɛ cɛn'n nun ɔ'a bu be fɔ.

2 Piɛr 3:6

Yɛ nzue kunngba'n kusu, kɛ ɔ yi katali asiɛ'n su'n, ɔ nunnunnin laa mɛn liɛ'n .