Bo Bolɛ 6:9 - NYANMIƐN NDƐ'N 1998

^9-10 Noe i wun ndɛ'n yɛ. Noe wuli ba yasua nsan: Be yɛlɛ Sɛm, nin Kam yɛ Zafɛt. Noe ti sran kpa, ɔ tu i klun su Nyanmiɛn. Ɔ nin Nyanmiɛn bé nuan sɛ.

Bo Bolɛ 6:9 ပူးပေါင်းရင်းမြစ်များ

Bo Bolɛ 10:1

Kɛ nzue dan'n tɔli sinnin'n, Noe i wa Sɛm nin Kam, nin Zafɛt be wuli ba mun. Be mma sɔ'm be osu mun yɛ:

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 2:4

Nglo nin asiɛ'n be yilɛ'n i wun ndɛ yɛ ɔ o lɛ-ɔ. Kɛ Anannganman Nyanmiɛn ´yi nglo nin asiɛ'n,

Bo Bolɛ 48:15

Yɛ ɔ yrɛli i nuan klanman mannin Zozɛf-ɔ, ɔ seli kɛ: «Man Nyanmiɛn bɔ min nannan Abraam nin mín si Izaak be suli i'n, Nyanmiɛn b'ɔ niannin min su kɛ bua kankanfuɛ fa niɛn i bua'm be su sa lele yɛ ɔ'a fa ´ju yɛ'n,

Bo Bolɛ 5:1

Adam i mma mun, nin i anunman mun, ɔ nin i anunmannunman mun be dunman mun yɛ. Blɛ nga Nyanmiɛn ´yi sran mun'n ɔ yili be kɛ i bɔbɔ sa.

Bo Bolɛ 5:22

Kɛ Enɔk wuli Mɛtisela'n, ɔ dili afuɛ ya nsan ekun. Ɔ nin Nyanmiɛn be nantili klanman. I blɛ sɔ nun'n, ɔ wuli ba yasua wie mun nin ba bla wie mun ekun.

Bo Bolɛ 5:24

Enɔk nin Nyanmiɛn be nantili klanman kpɛkuun b'a wun-mɛn i kun, afin Nyanmiɛn fɛli i .

Bo Bolɛ 7:1

Anannganman seli Noe kɛ: «A nin wɔ awlofuɛ mun an `wlu mmeli'n nun afin ɔ blɛ sufuɛ'm be kwlakwla be nun'n, wɔ kunngba yɛ n wun kɛ a nin min mantan-an.

2 Samiɛl 22:24

Ɔ nyan-man min wun ndɛ fi kan-man, n nian mín wun su kɛ ɔ yo nan m'an yo-man sa tɛ'n ti.

1 Famiɛn Mun 3:6

Salomɔn waan: «Kɛ a ko yo mín si David b'ɔ ti ɔ sufuɛ'n i kpa'n yɛ a yoli-ɔ. Yɛ i kusu ɔ yoli sran nanwlɛfuɛ, i nantilɛ'n yoli sɛsɛ, ɔ'a fɔn-man wɔ atin'n su. Ɔ man a kpɔci-mɛn i, a mɛnnin i ba yasua kun b'ɔ su di i aja kɛ e ´se yɛ'n.

2 Be Nyoliɛ 15:17

Kannzɛ Aza kloli Anannganman dan'n, sanngɛ sraka yiwlɛ lika nga be o kpɔlɛ'm be su'n, ɔ'a saci-man be.

2 Be Nyoliɛ 25:2

Ɔ yoli sa ng'ɔ yo Anannganman fɛ'n, sanngɛ i anwlɛn'n yoli nnyɔn-nnyɔn.

Zɔb I Nyrɛnnɛn Wunlɛ 1:1

Laa Iz mɛn'n nun lɔ bian kun o lɔ be flɛ i kɛ Zɔb. Bian sɔ'n, be kwla saci-mɛn i wun bɔ kaan sa, ɔ yo sa i nuan su. I nyin yi Nyanmiɛn, ɔ klo-man kɛ ɔ `yo sa tɛ.

Zɔb I Nyrɛnnɛn Wunlɛ 1:8

Anannganman seli Satan kɛ: «?A wunnin min sufuɛ Zɔb i wafa ng'ɔ fa ti'n? Asiɛ'n su lɔ sran fi nin i sɛ-man. Ɔ ti sran bɔ be kwla saci-mɛn i wun bɔ kaan sa. Ɔ yo sa i nuan su. I nyin yi min. Ɔ klo-man kɛ ɔ `yo sa tɛ.»

Zɔb I Nyrɛnnɛn Wunlɛ 12:4

Kɛ n ´srɛ Nyanmiɛn'n, n lafi su kɛ ɔ ´tɛ min su. Kpɛkuun min yɛ min janvuɛ'm be su yo min finfin yɛ. Sran kpa bɔ be kwla saci-mɛn i wun kaan sa'n, yɛ be su yo i finfin yɛ.

Jue Mun 37:37

Nian sran ng'ɔ nanti sein'n i kpa nian. Nian sran ng'ɔ ti sɛsɛ'n i kpa nian. I sɔfuɛ'n, i nzuɛn'n ti flɔlɔlɔ, ɔ man i ti, san ɔ ´di ye le.

Jue Mun 37:39

Anannganman yɛ man sran kpa'm be nyan bé ti-ɔ. Kɛ nyrɛnnɛn tɔ be su'n, i yɛ be talo i-ɔ.

Nyanndra Mun 4:18

Kɛ wia'n tu i bo b'ɔ ´kɔ'n, wuun i kpajalɛ'n ´uka su lele wia fa jran, sran kpa'n kusu kɛ i nzuɛn'n ti weiin sɔ-ɔ .

Akunndanfuɛ'n 7:20

Sran kun b'ɔ yo sa kpa lele guɛ i ti nin i bo'n, b'ɔ yo-man sa tɛ kaan sa le'n, i sɔ nun-man nyanmiɛn'n bo wa .

Ezekiɛl 14:14

Kannzɛ bɔ sran nsan nga mun: Noe, nin Daniɛl, ɔ nin Zɔb be o mɛn sɔ'n i nun tranfuɛ'm be afiɛn'n bɔbɔ'n, sɛ be yo sa kpa'n, be ngunmin yɛ be ´nyan bé ti-ɔ.» Anannganman Nyanmiɛn'n yɛ ɔ kan sɔ-ɔ.

Ezekiɛl 14:20

kannzɛ bɔ Noe, nin Daniɛl, ɔ nin Zɔb be o mɛn sɔ'n nun sran'm be nun'n, san be nsan sɔ'm be ngunmin cɛ yɛ be ´fite nun be sa kpa'n bɔ be yo'n ti-ɔ. Be su kwla de-man be mma yasua mun nin be mma bla mun bɔ kaan sa.» Anannganman Nyanmiɛn kpli b'ɔ lafi-man'n yɛ ɔ kan sɔ-ɔ.

Abakik 2:4

Klɛ i kɛ: Nian, wun tufuɛ'n, i klun akunndan'n ti-man kpa. Sanngɛ sran ng'ɔ lafi n su b'ɔ man ɔ kaci sran kpa'n, ɔ ´nyan nguan .

JÉSUS-CHRIST I DYASIN FE'N BO LUC KLELI'N 1:6

Be nnyɔn'n be yo e Min Nyanmiɛn klun sa, be fɛ i ndɛ'n nin i mmla'n kwlaa su kpa.

JÉSUS-CHRIST I DYASIN FE'N BO LUC KLELI'N 2:25

Kɛ ɔ ´yo sɔ'n, wuun bian kun o Zerizalɛm, be flɛ i kɛ Simeɔn. Bian sɔ'n ti sran nanwlɛfuɛ, ɔ sro Nyanmiɛn kpa. Ɔ minndɛ Izraɛl i wla cicilɛ'n, yɛ Nyanmiɛn Wawɛ'n yɛ ɔ sie i-ɔ.

JÉSUS-CHRIST I DYASIN FE'N BO LUC KLELI'N 23:50

Bian kun o lɛ, be flɛ i kɛ Zozɛf. Ɔ ti sran kpa, ɔ ti nanwlɛfuɛ, ɔ minndɛ cɛn nga Nyanmiɛn ´fɛ i mɛn'n. Ɔ fin Zuif'm be klɔ kun bɔ be flɛ i Arimate'n su. Ɔ ti jɔlɛ difuɛ'm be nun kun, sanngɛ ndɛ nga be nga'm be kannin'n ɔ nin sa nga be yoli'n, ɔ'a jɔ-mɛn i klun.

Sa nga bé yôli'n 10:22

Be seli i kɛ: «Nyanmiɛn i anz kun seli Kɔrnɛyi b'ɔ ti sonja ya su kpɛn'n b'ɔ o Sezare lɔ'n kɛ ɔ flɛ wɔ nan a bla, a wa kan ndɛ wie kle i. Ɔ ti sran nanwlɛfuɛ b'ɔ sro Nyanmiɛn, Zuif nvle'n kwlaa nun be bo i dunman kpa.»

Rɔmfuɛ Mun 1:17

Jasin fɛ sɔ'n yɛ ɔ kle ye wafa nga Nyanmiɛn fa bu sran i sran kpa nin-ɔn, i sɔ'n fin sran i Nyanmiɛn su b'ɔ lafi'n, yɛ kusu ɔ man sran lafi Nyanmiɛn su kpa, afin be klɛli i kɛ: «Sran ng'ɔ lafi Nyanmiɛn su b'ɔ man ɔ kaci sran kpa'n, ɔ ´nyan nguan .»

Galasifuɛ Mun 3:11

E si weiin kɛ mmla'n ti Nyanmiɛn su bu-man sran fi sran kpa, afin e kɛnngɛn i kɛ: «Sran ng'ɔ lafi Nyanmiɛn su bɔ man ɔ kaci sran kpa'n, ɔ ´nyan nguan .»

Mmla'n 18:13

Amun liɛ'n, amun `nanti Anannganman amun Nyanmiɛn'n i atin'n su seiin.

Hébreu 11:7

Nyanmiɛn su bɔ Noe lafi'n ti, kɛ ɔ boli like nga be nian wun-mɛn i le'n su kleli i'n, ɔ boboli mmeli kun ɔ fa deli i osufuɛ mun srolɛ b'ɔ sro i'n ti. Kɛ ɔ yoli sɔ'n, ɔ buli mɛnfuɛ'm be fɔ, yɛ ɔ yoli sran kpa i su b'ɔ lafi'n ti .

1 Piɛr 2:5

Amun kusu an ti kɛ yɛbuɛ b'ɔ o lɛ tititi'n sa, man be fa amun wla Nyanmiɛn sua bɔ i Wawɛ'n kplan'n nun wie, yɛ amun ´kaci Nyanmiɛn nyrun jranfuɛ mun bɔ i Wawɛ'n man amun ´sɔ i wafa uflɛ su. Jésus-Krist ti, i sɔlɛ sɔ'n ɔ ´jɔ i klun.

2 Piɛr 2:5

Laa mɛn liɛ'n, Nyanmiɛn a yaci-mɛn i lɛ, ɔ man nzue'n tɔli ɔ yili dan kpa nan ɔ'a kun sran tɛtɛ nga be o mɛn nun'n be kwlaa. Sanngɛ ɔ deli Noe b'ɔ bo sa nga be yo-ɔ ɔ ti su'n i ndolo'n, yɛ ɔ deli sran nso ekun .