Bo Bolɛ 6:4 - NYANMIƐN NDƐ'N 1998

⁴ I blɛ sɔ nun'n, wuun sran jajraajra'm be o mɛn'n nun. Be cɛli lɛ kpa bɔ nan b'a wie. Nyanmiɛn i mma yasua mun nin sran'm bé wa bla bɔ be jali'n be mma mun-ɔn. Be yɛ be dunman fuli lalafuɛ nun nin-ɔn.

Bo Bolɛ 6:4 ပူးပေါင်းရင်းမြစ်များ

Bo Bolɛ 11:4

Be seli kɛ: «An man e kplan klɔ kun nin sua mlomlo kun. Man i sɔ sua liɛ'n i ti'n to nyanmiɛn'n lɔ. E `yo sɔ nan e dunman'n fu nan kusu y'a bo y'a sanndi-man asiɛ wunmuan'n su.»

Kalɛ 13:33

Afin sran nga e wunnin be lɔ'n be kwlaa be ti sran jajraajra ngunmin. Be ti Anak i osu nunfuɛ mun. Kɛ e nin be e jran sa'n, be tra é su fatifati, e ti bé bo kɛ ijrewa mun sa. Be nyrun kusu kɛ e ti sɔ-ɔ .»

Kalɛ 16:2

Izraɛlfuɛ'm be nun sran ya nnyɔn sran ablenun bɔ be ti sran kaklaakla nin awlobo kpɛnngbɛn, bɔ be flɛ be be anyia'm bé bo'n, be jrannin bé sin.

Mmla'n 2:11

Sran wie'm be bu i kɛ be ti Rɛfafuɛ mun kɛ Anakfuɛ mun sa. Sanngɛ Moabfuɛ'm be flɛ be kɛ Emfuɛ.

Mmla'n 3:11

Ɔg b'ɔ ti Bazan famiɛn'n yɛ ɔ ti Rɛfafuɛ'm be kasiɛn b'ɔ kali-ɔ. I li bɔ be sieli i su'n ɔ ti blalɛ. Kɛ e se yɛ'n, ɔ o Raba b'ɔ ti Amɔnfuɛ'm be famiɛn klɔ'n su lɔ. I tɛnndɛn nun'n ti mɛtri nnan, yɛ i tɛtrɛ nun'n ti mɛtri nnyɔn.

1 Samiɛl 17:4

Yɛ sonja'n kun fin Filistifuɛ'm be afiɛn fiteli-ɔ, ɔ ko sin jrannin sonja akpasua nnyɔn'm be afiɛn'n nun. Be flɛ i kɛ Goliat, ɔ fin klɔ nga be flɛ i kɛ Gat'n su. I tɛnndɛn'n fuanfuan mɛtri nsan.