Bo Bolɛ 6:3 - NYANMIƐN NDƐ'N 1998

³ Yɛ Anannganman seli kɛ: «Ɔ fata-man kɛ nguan nga n fa mannin sran mun'n ɔ cɛ be nun ngboko, afin kannzɛ ɔ yo sɛ be ´wu. Siɛn'n sɛ be waan b'a cɛ o yɛlɛ afuɛ ya ablaɔn.»

Bo Bolɛ 6:3 ပူးပေါင်းရင်းမြစ်များ

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

Neemi 9:30

A dili bé wun amlin afuɛ kpanngban. Ɔ Wawɛ'n suli ɔ́ nuan ijɔfuɛ'm be bo kɛ be `kpɛn bé wla, sanngɛ b'a sie-man bé su be nuan bo. A fali be wlali aofuɛ'm bé sa nun.

Jue Mun 78:39

Be si kɛ be ti klɔ sran nan kɛ be nguan'n ko wie'n, wuun ɔ'a wie.

Jue Mun 90:10

Sɛ be waan y'a cɛ o, wuun y'a di afuɛ ableso. Be nga be lɛ wunmiɛn kpa'n be kwla di afuɛ ablaɔcuɛ. Sanngɛ afɛ nin nyrɛnnɛn ngunmin yɛ e wun i-ɔ. E nguan'n sin ndɛndɛ, wie'n fa e ndɛndɛ.

Ezai 5:4

?Like onin cɛ yɛ ɔ fata kɛ n yo i min vinyi fie sɔ'n su bɔ m'an yo-man-an? ?Yɛ ɔ yo sɛ ti yɛ n lafili su tankaan kɛ ɔ wa su mma kpa bɔ mma tɛ yɛ ɔ suli nin-ɔn?

Ezai 57:16

N su ka-man fɔ bulɛ'n su sa tititi, n su ka-man ya falɛ'n su sa tititi. Sɛ ɔ yo sɔ-ɔ, be nga n yili be'n, be su nyan-man nguan.

Ezai 63:10

Sanngɛ be yoli nyin kekle, be boli Nyanmiɛn i Wawɛ'n i wla. Nyanmiɛn ɔ'a klo-man be sa kun, kpɛkuun i bɔbɔ yɛ ɔ nin be kunnin siɛn nin-ɔn.

Zeremi 11:11

I sɔ'n ti Anannganman'n wan yoo: «Nyrɛnnɛn nga n wa fa yi be su'n, be su kwla fin-man nun fite-man. Sɛ be kpan flɛ min-ɔn, m ´bu min sukpɔ nun waka.

Zeremi 11:7

Kɛ ɔ fin cɛn bɔ n fali amun nannan mun Ezipt mɛn'n nun m bali'n yɛ m boli ndɛ nga mun be kan klelɛ'n bo-ɔ. Lele ndɛ n tɛ kan n tɛ kle be. N se be kɛ: An `tie min aniɛn'n,

Kalɛ 11:17

N wa jra nan e nin wɔ e wa koko yalɛ lɛ. N ´fa wawɛ ng'ɔ o ɔ́ su'n wie n ´fa wla be nun. Kpɛkuun be ´uka wɔ nvle'n b'ɔ ti kɛ trɔ sa'n i sualɛ nun nan ɔ ngunmin w'a sua-man trɔ sɔ'n kun.

Jean 3:6

Sran nga klɔ sran wu i'n, ɔ ti klɔ sran, yɛ nga Nyanmiɛn Wawɛ'n wu i'n, ɔ ti i liɛ.

Sa nga bé yôli'n 7:51

Nyin keklefuɛ mun bɔ amun anwlɛn'n nin amún su'm be ti kɛ be bɔ be ti-man Zuif'm be liɛ'n sa, an kpalo Nyanmiɛn Wawɛ'n i ndɛ titi kɛ amun nannan'm be yoli'n sa .

1 Tɛsalonikfuɛ Mun 5:19

Nyanmiɛn Wawɛ'n ti kɛ sin sa, nán amun nuɛn i.