Bo Bolɛ 48:3 - NYANMIƐN NDƐ'N 1998

³ Kpɛkuun ɔ seli Zozɛf kɛ: «Nyanmiɛn b'ɔ kwla like kwlaa yo'n fiteli min nyrun Liz lɔ, Kanaan mɛn'n nun lɔ, ɔ bo muae klanman mannin min.»

Bo Bolɛ 48:3 ပူးပေါင်းရင်းမြစ်များ

Bo Bolɛ 17:1

Kɛ Abram dili afuɛ ablangwlan-nin-ngwlan'n, Anannganman fiteli i nyrun nan ɔ'a se i kɛ: «Nyanmiɛn b'ɔ kwla like kwlaa yo'n yɛlɛ min. Bo manndrɛn su min titi. Nán fiɛn kaan sa tran ɔ wun.

Bo Bolɛ 17:6

N ´yo man ɔ osu'n ɔ wa trɛ ɔ ´yo trutrɛɛ. Ɔ wa yo nvle-nvle kpanngban. Wɔ anunman wie'm be ´yo famiɛn.

Bo Bolɛ 28:3

Man Nyanmiɛn b'ɔ kwla like kwlaa yo'n ɔ jran ɔ sin, man ɔ man ɔ ba kpanngban, man ɔ osu'n trɛ dan kpa.

Bo Bolɛ 48:2

Kɛ be seli Zakɔb kɛ: «Ɔ wa Zozɛf ɔ'a ba ɔ nianlɛ'n» ɔ miɛnnin i nyin mɛnnin i wun su, yɛ ɔ trannin ase i bɛ'n su-ɔ.

Bo Bolɛ 49:25

ɔ si i Nyanmiɛn b'ɔ suan ɔ́ bo'n, Nyanmiɛn b'ɔ kwla like kwlaa yo'n b'ɔ yo wɔ ye'n, man ɔ man wɔ nyanmiɛn su lɔ nzue ɔ nin asiɛ'n bo lɔ nzue'n wie. Man ɔ yo man ɔ nnɛn'm be wu ba nan wɔ akpasua su bla'm be wu ba.

Ezipt Lɔ Tulɛ'n 6:3

Laa, n yili min wun nglo n kleli Abraam, nin Izaak, nin Zakɔb. Min dunman nga n fa kleli be'n yɛlɛ ‹Nyanmiɛn b'ɔ kwla like kwlaa yo'n,› sanngɛ b'a si-man kɛ be flɛ min ekun kɛ: ‹Anannganman›.

Ndɛ Nga Nyanmiɛn I Nuan Ijɔfuɛ Oze Kannin'n 12:4

Zakɔb i gblɛ'n, ɔ nin i fin i nin klun. Kɛ ɔ ´sɔ i niaan bian jasin nanndi'n, wuun ɔ tɛ o i nin klun . Yɛ kɛ ɔ wa yoli kpɛnngbɛn'n, ɔ nin Nyanmiɛn be tuli,

Sa nglô yile 21:11

Nyanmiɛn wun'n kpaja nyannyan klɔ'n su. Klɔ'n su kpaja kɛ yɛbuɛ kpakpa'n sa. Ɔ fa zasp b'ɔ ti kɛ laglasi bɔ kɛ a nian-an a wun i klun lɔ'n sa.