Bo Bolɛ 47:9 - NYANMIƐN NDƐ'N 1998

⁹ Zakɔb tɛli i su kɛ: «M'an tu m'an tran mɛnmɛn wie'm be nun lele afuɛ ya afuɛ ablasan. Sa yalɛ sunman nyannin min, i ti m'an yo oke ndɛ. N su cɛ-man kɛ mín si'm be sa, kusu be yoli wlan-wlan sinfuɛ wie kɛ min sa.»

Bo Bolɛ 47:9 ပူးပေါင်းရင်းမြစ်များ

Jue Mun 39:12

Sɛ sran yo sa tɛ'n, a mɛn i i nuan like a fa tu i fɔ. A saci ninnge ng'ɔ klo i'n kwlakwla kɛ kakaa'n ɔ saci waka mma'n sa. Sran'n ti kɛ aunngban sa.

Bo Bolɛ 35:28

Izaak dili afuɛ ya afuɛ ablaɔcuɛ

Jue Mun 39:5

«Anannganman, kle min blɛ nga min nguan'n ɔ ´wie'n. Kle min kɛ min nguan'n i nyanman'n ɔ ti tɛnndɛn ju'n. Man n si kɛ kannzu n sɔ-man.

Zɔb I Nyrɛnnɛn Wunlɛ 14:1

Klɔ sran'n bɔ bla yɛ ɔ wuli i'n i nguan'n ɔ ti tika. Kusu i nguan sɔ'n, ɔ ti afɛ ngunmin.

Zozie 24:29

Kɛ ɔ yoli sɔ'n, nan Nɛn i wa Zozie b'ɔ ti Anannganman i sufuɛ'n ɔ'a wu i afuɛ ya afuɛ blu'n su.

Mmla'n 34:7

Moiz dili afuɛ ya afuɛ ablaɔn yɛ ɔ wuli-ɔ. Kɛ ɔ ´wu sɔ'n, wuun ɔ tɛ wun ase kpa. I wunmiɛn ɔ'a kpɛ-man su le.

Ezipt Lɔ Tulɛ'n 7:7

Kɛ be ´ko kan ndɛ'n kle Ezipt famiɛn'n, wuun Moiz lɛ afuɛ ablaɔcuɛ yɛ Aarɔn lɛ afuɛ ablaɔcuɛ-nin-nsan.

Ezipt Lɔ Tulɛ'n 6:4

E nin be e trali aenguɛ. N tali be nda kɛ Kanaan mɛn nga be trannin nun laa kɛ aofuɛ mun sa'n, n ´fa man be.

Bo Bolɛ 50:26

Zozɛf dili afuɛ ya afuɛ blu yɛ ɔ wuli-ɔ. Be fali ayre be kpɛkpɛli i saka'n wun nan ɔ'a saci-man. Be sieli i yɛbuɛ alaka kun nun Ezipt lɔ.

1 Piɛr 2:11

N sran kpa mun, an ti aofuɛ nin wlan-wlanfuɛ asiɛ'n su, ɔ man n ´srɛ amun kɛ an `wla amun konvi b'ɔ man amún nyin blo ninnge'm be su'n i ase, afin konvi sɔ'n kwla kun ye.

Jacques 4:14

An si-man like ng'ɔ ´yo amun ainman'n. An ti kɛ bɔlɛ'n b'ɔ gua kaan, sanngɛ kɛ ɔ ´yo kan'n, wuun ɔ'a titi'n sa .

Jue Mun 119:54

Kɛ bɔ n ti kɛ aofuɛ sa ti'n, sa nga a kle be mun'n yɛ be ti min jue yɛ n to-ɔ.

Jue Mun 119:19

N ti aofuɛ asiɛ'n su, nán fa ɔ mmla'n fia mín wun .

Bo Bolɛ 47:28

Zakɔb dili afuɛ blu-nin-nso Ezipt lɔ. I afuɛ'n kwlakwla yoli afuɛ ya afuɛ ablanan-nin-nso.

Bo Bolɛ 11:11

Kɛ Sɛm wuli Arpaksad'n, ɔ dili afuɛ ya nnun ekun. I blɛ sɔ nun'n, ɔ wuli ba yasua wie mun nin ba bla wie mun ekun.

Hébreu 13:14

Afin e lɛ-man klɔ kpa wa, e su minndɛ klɔ nga be wa fa man ye'n.

1 Be Nyoliɛ 29:15

E ti kɛ aofuɛ sa ɔ nyrun, e tran wa sanngɛ e ti-man wafuɛ. E ti kɛ é si mun sa. Afuɛ nga e di i asiɛ'n su wa'n sin ndɛndɛ kɛ fɔnvɔ sa. E lɛ-man é wla ase guawlɛ.

Bo Bolɛ 5:27

Mɛtisela dili afuɛ ya ngwlan afuɛ ablesiɛn-nin-ngwlan yɛ ɔ wuli-ɔ.

2 Korɛntfuɛ Mun 5:6

I sɔ'n ti'n, é wla'n gua ase tititi. E si kɛ kɛ e tɛ o wa bɔ e wunnɛn'n tɛ yo kɛ ye awlo bɔ e tran nun sa'n, e nin e Min'n i awlo'n wali.

Bo Bolɛ 47:8

Ezipt famiɛn'n usali Zakɔb kɛ: «?W'a di afuɛ nnyɛ?»

Jue Mun 39:13

Anannganman, tie min srɛwa'n! N kpan n flɛ wɔ, sie ɔ su! N su sun, nán bu ɔ su nun waka, tie min sunlɛ'n! N ti kɛ aofuɛ sa, n wa sikeli wɔ. N ti kpe-nun-sinfuɛ kɛ min nannan mun sa.