Bo Bolɛ 41:8 - NYANMIƐN NDƐ'N 1998

⁸ Kɛ aliɛ'n cɛnnin'n, Ezipt famiɛn'n i akunndan'n sanngannin nan ɔ'a flɛ Ezipt lɔ atrɛ yifuɛ nin sa sifuɛ'm be kwlakwla, nan ɔ'a kɛn i laliɛ'n ɔ'a kle be. Sanngɛ be wie fi ɔ'a kwla tu-mɛn i bo ɔ'a kle-mɛn i .

Bo Bolɛ 41:8 ပူးပေါင်းရင်းမြစ်များ

Bo Bolɛ 40:6

Nglɛmun Zozɛf wa nian be-ɔ, be nyrun'n ti sukusuku.

Bo Bolɛ 40:8

Yɛ be waan: «E cɛnnin laliɛ e nyan-man sran nan ɔ'a tu i bo ɔ'a man ye.» Yɛ Zozɛf waan: «?Nán Nyanmiɛn sa nun yɛ ninnge kwlaa be bo tulɛ'n fin-ɔn? An `kan kle min man n nian e.»

Bo Bolɛ 41:15

Famiɛn'n seli Zozɛf kɛ: «N cɛnnin laliɛ kun, sran fi kwla tu-mɛn i bo kle-man min. N tili i kɛ sɛ be kan laliɛ be kle wɔ'n, a tu i bo.»

Bo Bolɛ 41:24

Kpɛkuun kanngan tɛtɛ sɔ'm be mɛnnin nglanman mun. N kannin laliɛ sɔ'n n kleli atrɛ yifuɛ mun, be wie fi ɔ'a kwla tu-mɛn i bo ɔ'a kle-man min.»

Bo Bolɛ 41:7

Kpɛkuun ble mma kainkain sɔ'm b'a mɛn dandan bɔ ba o be nun'n. Yɛ kpli, yɛ Ezipt famiɛn'n tinngeli-ɔ! Kannzu laliɛ yɛ ɔ'a cɛn-ɔn.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Ezipt Lɔ Tulɛ'n 7:11

Famiɛn'n flɛli Ezipt mɛn'n nun akunndanfuɛ mun nin tinwafuɛ mun. Yɛ be kusu, be fali be tinmin'n be yili atrɛ kunngba sɔ'n wie-ɔ.

Ezipt Lɔ Tulɛ'n 7:22

Ezipt lɔ atrɛ yifuɛ'm be fali be tinmin liɛ'n be yili atrɛ kunngba sɔ'n wie. Famiɛn'n i anwlɛn'n keteli, i sɔ'n ti, atin nga Moiz nin Aarɔn be srɛli'n, i waan ɔ man-man be. Kɛ Nyanmiɛn dun mmua kɛnnin i sɔ-ɔ.

Ezipt Lɔ Tulɛ'n 8:7

Klɛ'm be wa jaso ɔ́ wun lɛ, be ´jaso ɔ́ sua'm be nun, be ´jaso ɔ mantanfuɛ mun nin ɔ nvlefuɛ'm be wun lɛ be kɔ. San Nil nzue'n nun lɔ liɛ'm be yɛ be ´ka lɛ-ɔ.»

Ezipt Lɔ Tulɛ'n 9:11

Ezipt lɔ atrɛ yifuɛ'm b'a kwla fite-man Moiz nyrun yra sɔ'n dunman nun ti. Afin yra'n yoli be wie.

Ezai 19:3

Eziptfuɛ'm be yakpa'n ɔ ´wie, n ´sanngan bé sa nga be siesie'n nun. Be ´kɔ amuɛn'm bé sin, be ´kɔ wunnzue yifuɛ fanunfanun'n bé sin.

Ezai 29:14

I sɔ'n ti, n wa yo man bé nuan'n ´bo bé wun. N wa yi atrɛ mun yɛ n ´yo abonuan sa mun. Akunndanfuɛ'm be akunndan'n ɔ ´mlin, yɛ ngwlɛlɛfuɛ'm be ngwlɛlɛ'n ɔ ´fia .»

Ezai 8:19

Sran wie'm be se kɛ: «Be nga be nin wunmiɛn mun ijɔ'n, bɔ be tu be aswre'n, bɔ be ijɔ blɛblɛblɛ be kan sa nga be wa ju'n, amun `wɔ bé sin.» Be se ekun kɛ: «Sɛ sran'm be usa be amuɛn'm be sa-a ɔ ti-man tɛ. Yɛ sɛ sran kun usa wunmiɛn'm be sa sran wie'm be dunman nun'n, ɔ ti-man sa.» Sɛ be se amun sɔ'n,

Daniɛl 1:20

Ndɛ kwlaa wie ala bɔ famiɛn'n usa be'n, b'ɔ fata kɛ akunndan nin ngwlɛlɛ yɛ be fa tɛ su'n, ɔ wunnin kɛ be tɛ su kpa trɛ i mɛn'n nun wunnzue yifuɛ fanunfanun'm be kwlaa lele kpɛ blu.

Daniɛl 4:18

Waka sɔ'n i nnya'm be ti klanman, yɛ i su mma'm be sɔnnin. I yɛ ɔ ta ninnge nga be de wunmiɛn'n be kwlaa-a. I bo yɛ blo nnɛn'm be fia-a. I sama'm be nun yɛ anunman'm be la-a.

Daniɛl 4:19

Nannan, wɔ yɛ a ti waka sɔ nin-ɔn. W'a yo dan, yɛ w'a nyan wunmiɛn. Ɔ dan'n, sɛ e ´kwla se'n, ɔ'a nyin lele i ti'n ɔ'a to nyanmiɛn b'ɔ la nglo lɔ plaii'n, yɛ ɔ sielɛ'n kusu kɔ lele ju asiɛ'n i awieliɛ.

Daniɛl 4:5

Kɛ ɔ cɛli kan'n, Daniɛl wa toli min. Daniɛl sɔ'n be flɛ i kɛ Bɛltsazar, be fali min amuɛn'n i dunman yɛ be tɔnnin i-ɔ. Nyanmiɛn Kpli'n i wawɛ'n wo i nun. N kannin min laliɛ'n n kleli i.

Daniɛl 4:6

N seli i kɛ: ‹Bɛltsazar, a ti sa sifuɛ'm bé su kpɛn, n si kɛ Nyanmiɛn Kpli'n i wawɛ'n wo ɔ nun. I sɔ'n ti, nvialiɛ nun sa'm be wunlɛ ti-man kekle ɔ́ sa nun. Tutu laliɛ nga n cɛnnin'n i bo kle min.

Daniɛl 4:7

Kɛ n lali kɔnguɛ'n, like nga n wunnin i'n yɛ. N wunnin waka kun b'ɔ jin asiɛ'n i afiɛn sa kpandangblauun.

Daniɛl 5:11

Mɛn nga a sie yɛ'n i nun wa'n, sran kun wo lɛ bɔ Nyanmiɛn i wawɛ'n wo i nun. Ɔ si i nyin su'n, be wunnin kɛ ɔ si sa'm be bo, be wunnin kɛ ɔ si ngwlɛlɛ dan, yɛ ɔ wun sa'm be wlɛ weiin-weiin kɛ sran nga Nyanmiɛn man be ngwlɛlɛ'n sa. I sɔ'n ti famiɛn Nɛbikadnɛzar, ɔ bɔbɔ ɔ́ si liɛ'n, ɔ fɛli i sieli wunnzue yifuɛ fanunfanun'm bé su kpɛn.

Daniɛl 7:28

Ndɛ nga i awieliɛ'n yɛ ɔ o lɛ-ɔ. M bɔbɔ min Daniɛl, srɛ dan kpa kunnin min, n kpali sa fuaii. Yɛ i sɔ sa'm be kali min klun tititi.»

Daniɛl 8:27

Kɛ ɔ yoli sɔ'n, min Daniɛl, min wunnɛn'n lololi min sa kplɛkɛɛ, yɛ n tɔli tukpacɛ, n dili cɛn kaka. I sin n jasoli nan m'an di famiɛn i junman mun. Srɛ dan kpa kunnin min like nga n wunnin be bɔ n si-man bé bo'n ti.»

Saun Yolɛ 19:31

Sran nga be nin wunmiɛn be ijɔ'n, ɔ nin wunnzue yifuɛ mun'n, nán amun nin be di mɛn. Sɛ ɔ ti-mɛn i ti-ɔ, fiɛn ɔ ´kan amun . Min yɛ n ti Anannganman amun Nyanmiɛn nin-ɔn.

Saun Yolɛ 20:6

Sran nga ɔ nin wunmiɛn'n ijɔ annzɛ ɔ yi wunnzue'n, i sɔfuɛ ɔ ti amuɛn sɔfuɛ, i sɔfuɛ'n, e nin i e lɛ i. N ´kɛn i bo Izraɛl nvle'n nun.

Abakik 3:16

Kɛ n tili nganniɛn'n, nanwlɛ, i liɛ'n n wieli je mlɔnmlɔn. N gua sa yɔyɔyɔ kokolɛ'n dunman nun. Kpɛkuun srɛ b'ɔ kun min'n ti, mín wun glɔli min. Mín ja'm be lololi mín bo kplokoo. I ti n wa tran lɛ bɔ koun m ´minndɛ be nga be kle e yalɛ'n be awlaboɛ cɛn'n nan e nin be e ´ko kun.

Matthieu 2:1

Be wuli Jésus Bɛtleɛm, Zide mɛn'n nun. Blɛ sɔ'n nun, famiɛn Erɔd yɛ ɔ sie nvle sɔ nin-ɔn. Mɛn nun sa sifuɛ wie'm be fin wia afiliɛ be bali Zerizalɛm lɛ,

Sa nga bé yôli'n 17:18

Fluwa sifuɛ dandan wie'm bɔ be flɛ be epikirfuɛ nin stɔikfuɛ'n be nin Pɔl kannin ndɛ. Be wie'm be se kɛ: «?Fiaifuɛ nga i wan nzɛ?» Yɛ wie'm be se kɛ: «Ɔ su kan nvle wie'm be amuɛn ndɛ.» Sa ti bɔ be kɛn i sɔ'n yɛlɛ kɛ ɔ kan Jésus ndɛ nin sran'm be cɛnlɛ ndɛ.

Sa nga bé yôli'n 7:22

Eziptfuɛ'm be kleli Moiz be ngwlɛlɛ'n kwlaa, ɔ si ijɔ kpa, yɛ ɔ yoli sran waka-waka.

1 Korɛntfuɛ Mun 1:19

Yɛ be klɛli ndɛ wie kɛ: «N yo man ngwlɛlɛfuɛ'm be ´kaci sinnglinfuɛ, yɛ n yo man be bɔ be wun sa wlɛ'n be su wun-man sa wlɛ kun .»

1 Samiɛl 6:2

Filistifuɛ'm be flɛli be amuɛn nyrun tranfuɛ ɔ nin be kɔmiɛn difuɛ mun nan b'a usa be kɛ: «?E ´yo Anannganman i alaka'n sɛ? ?E ´yo i sɛ nan y'a fa sɛ i sin i osu lɔ?»