Bo Bolɛ 41:52 - NYANMIƐN NDƐ'N 1998

⁵² Yɛ ɔ flɛli i sinma'n kɛ Efraim. I waan: «Nyanmiɛn man m'an nyan ba mɛn nga m'an wun nyrɛnnɛn nun yɛ'n i nun.»

Bo Bolɛ 41:52 ပူးပေါင်းရင်းမြစ်များ

Bo Bolɛ 17:6

N ´yo man ɔ osu'n ɔ wa trɛ ɔ ´yo trutrɛɛ. Ɔ wa yo nvle-nvle kpanngban. Wɔ anunman wie'm be ´yo famiɛn.

Bo Bolɛ 28:3

Man Nyanmiɛn b'ɔ kwla like kwlaa yo'n ɔ jran ɔ sin, man ɔ man ɔ ba kpanngban, man ɔ osu'n trɛ dan kpa.

Bo Bolɛ 41:51

Zozɛf tɔnnin kpɛnngbɛn'n i dunman kɛ Manase . Afin ɔ seli kɛ: «Nyanmiɛn man mín wla ɔ'a fi min afɛ'n kwlakwla nin nun tilɛ nga e nin min osufuɛ mun e tili nun'n be su.»

Bo Bolɛ 41:53

Aliɛ blɛ afuɛ nso'n i nuan'n sinnin Ezipt lɔ.

Bo Bolɛ 48:1

I osu b'ɔ ´cɛ kan'n, be wa seli Zozɛf kɛ: «Ɔ si i wunnɛn yo i ya.» Nan ɔ'a fɛ i wa nnyɔn mun, Manase nin Efraim, nan b'a ɔ.

Bo Bolɛ 48:14

Kpɛkuun Zakɔb fɛli i sa fama'n sieli Efraim b'ɔ ti kaan'n i ti'n su, yɛ ɔ fɛli i sa bɛ'n kusu sieli i Manase i ti'n su-ɔ. I nyinfu yɛ ɔ yoli i sɔ-ɔ, afin ɔ si kɛ Manase yɛ ɔ ti kpɛnngbɛn nin-ɔn.

Bo Bolɛ 48:5

Zakɔb kɛnnin i ekun kɛ: «Ba nnyɔn nga a wuli be Ezipt wa ka nan m'an ba ɔ́ wun wa'n, be ti mín wa. Efraim nin Manase be ti min liɛ kɛ Ribɛn nin Simeɔn be ti min liɛ'n sa.

Bo Bolɛ 49:22

Zozɛf ti kɛ waka b'ɔ su mma'n sa. Ɔ ti kɛ waka b'ɔ fifi nzue ti'n nuan sa. I sama'm be fu lele tra talɛ'n su.

Bo Bolɛ 50:23

Zozɛf sili Efraim i anunman sian mun nan ɔ'a wu. Ɔ fali Manase i wa Makir i mma liɛ mun yoli i liɛ.

Amɔs 6:6

Klowa kpakpa'm be nun yɛ amun nɔn nzan nin-ɔn. Nyanngo kpakpa ng'ɔ bɔn fannin'n yɛ an kpakpa-a, sanngɛ nyrɛnnɛn dan ng'ɔ su wa tɔ Zozɛf osu'n nunfuɛ'm be su'n, ɔ kle-man amun kokolɛ.

Kalɛ 26:28

Manase akpasua'n nin Efraim akpasua'n be su yɛ Zozɛf i osu nun mma'm be kwlaa be wo-ɔ.

Sa nga bé yôli'n 7:10

Ɔ deli i afɛ'n kwlaa nun, ɔ man ɔ nyannin nyrun Ezipt famiɛn i nyrun. Famiɛn'n wunnin kɛ ɔ ti ngwlɛlɛfuɛ, nan ɔ'a fɛ i a sie Ezipt mɛn'n ɔ nin i awlo'n i su kpɛn .

Zozie 14:4

yɛlɛ kɛ be liɛ nun-man nun. Zozɛf i mma'm be kpaci akpasua nnyɔn: Manase akpasua'n yɛ Efraim akpasua'n. Levifuɛ'm be liɛ nga be nyɛnnin i'n yɛlɛ klɔ dandan ɔ nin lika ng'ɔ mantan be'n. Lika sɔ'n ti be tranwlɛ, nin be nnɛn'm be didiwlɛ, ɔ nin be ninnge kanngan'm be yowlɛ.

Zozie 16:4

Zozɛf i osu nunfuɛ bɔ be ti Manase nin Efraim akpasua sufuɛ'm be cɛli lika sɔ'n nun be fali.

Zozie 17:1

Manase b'ɔ ti Zozɛf i wa kpɛnngbɛn'n i akpasua liɛ'm be kusu be nyannin be lika liɛ. Makir b'ɔ ti Manase i wa kpɛnngbɛn'n ɔ ti alɛ kunfuɛ dan, i si'n yɛlɛ Galaad, i mma liɛ'm be dun mmua nyannin be lika liɛ, yɛlɛ Galaad nin Bazan lika'n, ɔ o Zurdɛn i wia afiliɛ.

1 Samiɛl 1:20

Afuɛ kunngba'n nun Ani wunnzɛli, ɔ wuli ba yasua. Ɔ tɔnnin i dunman kɛ Samiɛl . Ɔ seli kɛ: «Kɛ bɔ n srɛli i Anannganman sa nun ti, n ´tɔn i dunman kɛ Samiɛl.»