Bo Bolɛ 40:8 - NYANMIƐN NDƐ'N 1998

⁸ Yɛ be waan: «E cɛnnin laliɛ e nyan-man sran nan ɔ'a tu i bo ɔ'a man ye.» Yɛ Zozɛf waan: «?Nán Nyanmiɛn sa nun yɛ ninnge kwlaa be bo tulɛ'n fin-ɔn? An `kan kle min man n nian e.»

Bo Bolɛ 40:8 ပူးပေါင်းရင်းမြစ်များ

Bo Bolɛ 40:9

Yɛ nzan sufuɛ'm be su kpɛnngbɛn'n kɛnnin i laliɛ'n kleli Zozɛf-ɔ. I waan: «Laliɛ nun n ´nian-an, vinyi waka kun yɛ ɔ o yɛ.

Bo Bolɛ 41:25

Yɛ Zozɛf seli famiɛn'n kɛ: «Nannan, ɔ laliɛ'n ti-man nnyɔn, ɔ ti kunngba. Nyanmiɛn waan ɔ ´yi sa ng'ɔ wa yo'n i nglo kle wɔ.

Zɔb I Nyrɛnnɛn Wunlɛ 33:23

Sɛ anz kpanngban nga be nanti Nyanmiɛn nin sran be afiɛn'n be nun kun nin i o nun'n, ɔ kle i atin ng'ɔ ti b'ɔ `fa su'n.

Jue Mun 25:14

Anannganman kan i klun ndɛ kle be bɔ bé nyin yi i'n, afin be ti i janvuɛ. Yɛ aenguɛ ng'ɔ nin be tra'n ti, ɔ kle be ngwlɛlɛ be si i.

Ezai 8:19

Sran wie'm be se kɛ: «Be nga be nin wunmiɛn mun ijɔ'n, bɔ be tu be aswre'n, bɔ be ijɔ blɛblɛblɛ be kan sa nga be wa ju'n, amun `wɔ bé sin.» Be se ekun kɛ: «Sɛ sran'm be usa be amuɛn'm be sa-a ɔ ti-man tɛ. Yɛ sɛ sran kun usa wunmiɛn'm be sa sran wie'm be dunman nun'n, ɔ ti-man sa.» Sɛ be se amun sɔ'n,

Daniɛl 2:11

Nannan, sa nga a usali kɛ e yo i yɛ'n, ɔ ti kekle. Sran fi kwla tɛ-man su, san Nyanmiɛn Kpli yɛ ɔ kwla yo i sɔ sa liɛ nin-ɔn, yɛ kusu ɔ tran-man sran'm be afiɛn.»

Daniɛl 2:27

Daniɛl tɛli i su kɛ: «Nannan, wunnzue yifuɛ fanunfanun'm be wie fi kwla yi-man nvialiɛ nun sa sɔ nga a kɛn i ndɛ lɛ'n i nglo kle-man wɔ.

Daniɛl 2:28

Sanngɛ nglo lɔ, Nyanmiɛn kun wo lɔ i yɛ ɔ tike nvialiɛ nun sa'm be su-ɔ. Nannan Nɛbikadnɛzar, Nyanmiɛn sɔ'n yɛ ɔ su fa sa ng'ɔ wa ju blɛ ng'ɔ ´ba lɔ nun'n kle wɔ-ɔ. Kɛ a ´lafi'n, laliɛ nga a cɛnnin'n yɛ.

Daniɛl 2:3

Ɔ seli be kɛ: «N cɛnnin laliɛ kun, ɔ'a bo mín wla dan kpa, i sɔ ti n klo kɛ amun kanngan laliɛ sɔ'n be kle min.»

Daniɛl 2:47

I sin ɔ seli Daniɛl kɛ: «Nanwlɛ o, amun Nyanmiɛn'n yɛ ɔ o nglo lɔ nin-ɔn. I yɛ ɔ ti famiɛn'm be Min nin-ɔn. I yɛ ɔ tike sa nga be ti fiawa'n be su-ɔ, afin a kwla tikeli nvialiɛ nun sa nga'm be su kleli min .»

Daniɛl 4:8

Waka sɔ'n yoli fleiin kpa, yɛ ɔ trɛli kpa. I sama'm be ti tɛnndɛn kpa, be to nyanmiɛn b'ɔ la nglo lɔ plaii'n lɔ. Asiɛ'n i lika kwlaa nga be jran lɛ'n, bé nyin ta waka sɔ'n.

Daniɛl 5:16

N tili i kɛ ɔ liɛ'n, a kwla tutu nyanndra nun sa'm be bo, yɛ a kwla yiyi nvialiɛ nun sa'm be nun. Sɛ a kwla kanngan fluwa nga be klɛli i yɛ'n nan a tu i bo kle min'n, be ´kla ɔ wun famiɛn kondro ɔkwlɛ kankankan, be ´wla ɔ kɔmin sika ɔkwlɛ njuaba, kpɛkuun a wa yo min mantanfuɛ'm be nsan su.»

Amɔs 3:7

Nanwlɛ, sa kwlaa nga Anannganman waan ɔ ´yo'n, san ɔ ´dun mmua kan kle i sufuɛ nga be ijɔ i nuan'n .