Bo Bolɛ 4:9 - NYANMIƐN NDƐ'N 1998

⁹ Yɛ Anannganman usali Kaɛn kɛ: «?Ɔ niaan bian Abɛl o nin?» Kaɛn tɛli i su kɛ: «M'an wun-man kan ɔ ɔli-ɔ. ?I kpa'n min niaan b'ɔ ti'n, be waan min yɛ n ti i su nianfuɛ-ɔ?»

Bo Bolɛ 4:9 ပူးပေါင်းရင်းမြစ်များ

Bo Bolɛ 37:26

Yɛ Zida seli i niaan'm be kɛ: «?Sɛ e kun e niaan bian'n, nan e fɛ i fuɛn'n e fia'n, e ´nyan nun nzu?

Bo Bolɛ 37:32

Kpɛkuun be sunmannin sran kun bé si wun lɔ ɔ nin tralɛ klanman'n kɛ be se i kɛ: «Like bɔ e wunnin i'n yɛ. Nian sɛ ɔ́ wa'n i tralɛ liɛ nin a o.»

Bo Bolɛ 4:10

Yɛ Nyanmiɛn seli i kɛ: «?Ɔ yo sɛ ti yɛ a yoli sɔ-ɔ? Abɛl i mmoja bɔ a guɛli i ase'n ɔ ti kɛ sran yɛ ɔ su kpan flɛ min kɛ n tu i klunngbɔ sa .

Jue Mun 9:12

Amun `to jue be manman Anannganman b'ɔ tran Siɔn'n. Amun `bo sa dandan ng'ɔ yo be'n be jɔ sin nvle-nvle'm be nun.

Jue Mun 9:13

Ɔ nin be bɔ be gua mmoja ase'n be lɛ i, i wla fi-man be nga be kun be'n be kpanlɛ'n.

Nyanndra Mun 28:13

Sran ng'ɔ fia sa tɛtɛ ng'ɔ yo be'n be su'n, ɔ yo-man kpa. Sanngɛ sran ng'ɔ kɛn i sɔ sa liɛ mun'n, b'ɔ yaci be yolɛ'n, Nyanmiɛn'n yaci í wun sa'n cɛ i .

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.