Bo Bolɛ 4:5 - NYANMIƐN NDƐ'N 1998

⁵ Sanngɛ ɔ'a nian-man Kaɛn nyrun, ɔ'a sɔ-mɛn i like liɛ'n ng'ɔ fa mɛnnin i'n nun. I sɔ'n ti Kaɛn fali ya dan kpa. Ɔ mlɛnnin i nyrun tritritri.

Bo Bolɛ 4:5 ပူးပေါင်းရင်းမြစ်များ

Bo Bolɛ 31:2

Kusu kɛ Zakɔb nian Laban i nyrun'n, ɔ wun kɛ ɔ nin i be yo-man kɛ laa'n sa.

Bo Bolɛ 31:5

nan ɔ'a se be kɛ: «Kɛ n nian amún si'n, n wun kɛ ɔ nin min yo-man kɛ laa'n sa, sanngɛ mín si i Nyanmiɛn'n ɔ'a yi-man min ase.

Bo Bolɛ 39:19

Kɛ bla'n kannin ndɛ'n, b'ɔ seli kɛ: «Sa bɔ ɔ kanga'n yoli min'n yɛ» bɔ i wun'n tili'n, bian'n fali ya kekle kpa.

Zɔb I Nyrɛnnɛn Wunlɛ 15:13

?Nyanmiɛn wun yɛ a fa ya dan nga-a? ?Bɔ i ti yɛ a ijɔ beblebe kɛ nga sa-a?

Zɔb I Nyrɛnnɛn Wunlɛ 5:2

Klunngbɔ'n ɔ kun sinnglinfuɛ'n. Sran b'ɔ si-man sa'n, ɔ fa ya lele ɔ ka nun wu.

Jue Mun 20:3

Kɛ ɔ wo i sua'n nun lɔ'n, man ɔ fin lɔ bla ɔ wa uka wɔ. Man ɔ fin Siɔn lɔ ɔ wa suan ɔ bo.

Nyanndra Mun 19:3

Kɛ sran kun ko di sinnzin ko yo sa tɛ wie'n, kpɛkuun Anannganman su yɛ ɔ fɛ i ya'n gua-a.

Nyanndra Mun 29:10

Sran kunfuɛ'm bé nyin ci nanwlɛ difuɛ'n, sanngɛ sran kpa'm be sɛsɛ i.

Akunndanfuɛ'n 4:4

N wunnin ekun kɛ sran'm bé klo kɛ be ´yo kɛ be wiengu'm bé sa, i ti yɛlɛ bé wun ase nga be wla be di junman lɛ'n. Sa sɔ'n tra sran i akunndan'n su, yɛ i kwlaa ti afɛ ngbɛn. Ɔ ti kɛ sran kun waan ɔ ´fuan aunngban'n nan ɔ ´ko trɛ i sa.

Ezai 3:9

Be wafa nga be ti'n, ɔ saci bé wun. Be yo be sa tɛtɛ mun wia klengle kpa'n nun kɛ Sodɔm lɔ fuɛ'm be sa, be fia-man bɔ kaan sa. Be yako! Afin be liɛ'n, be bɔbɔ be nyrɛnnɛn trɔ'n yɛ be su wlɛwlɛ i lɛ-ɔ.

Kalɛ 16:15

Wafa nga be fa tɛli Moiz su'n ti, ɔ fali ya dan kpa. Yɛ ɔ seli Anannganman kɛ: «Nán sɔ be cɛlɛ like'n nun. N nian de-man be like fi le, nnɛn kpanngɔ kun bɔ sa n nian de-man be le, n nian yo-man be nun kun sa i tɛ le.»

Matthieu 20:15

?N lɛ-man atin kɛ n ´fa like ng'ɔ ti n liɛ'n n ´yo like nga n klo'n? ?Nguɛ ti yɛ n klun-ufue bɔ n yo'n, ɔ yo wɔ ya-a?› » Yɛ Jésus seli kɛ:

Sa nga bé yôli'n 13:45

Kɛ Zuif'm be wunnin sran sɔ mun'n, be fa bé nyin cili Pɔl nin Barnabas, be nin Pɔl si akplowa, be kpalo i ndɛ'n, be kpɛ i nzowa.

Hébreu 11:4

Nyanmiɛn su bɔ Abɛl lafi'n ti yɛ i like nga ɔ fa sɔli i'n i kpa trali Kaɛn liɛ nin-ɔn. I su b'ɔ lafi'n ti'n, Nyanmiɛn bɔbɔ seli kɛ ɔ ti sran kpa, afin ɔ sɔli like nga ɔ fa mɛnnin i'n nun. Ɔ wuli, sanngɛ Nyanmiɛn su b'ɔ lafi'n ti'n, ɔ tɛ ijɔ .

Jude 1:11

I sɔfuɛ'm be yako! Afin atin kunngba nga Kaɛn fali su'n, be fa su wie. Kɛ ɔ ´yo nan b'a nyan sika'n, be fa bé wun wlali sa tɛtɛ yolɛ'n nun kɛ Balaam liɛ'n sa. Be mlinnin, afin be yoli nyin kekle kɛ Kɔre liɛ'n sa .

1 Samiɛl 16:7

Sanngɛ Anannganman seli Samiɛl kɛ: «Nán niɛn i nyrun waka'n ti, ɔ nin i tɛnndɛn b'ɔ ti'n ti, nɛ́n i yɛ n kɛn i ndɛ nin-ɔn. Min akunndan nin sran'm be liɛ'n ti-man kun, afin sran'm be nian nga be nyinma wun i'n, sanngɛ min liɛ'n, n nian lele ju anwlɛn'n i bo lɔ.»