Bo Bolɛ 4:2 - NYANMIƐN NDƐ'N 1998

² I sin ɔ wa wuli Kaɛn i sinma yasua Abɛl. Abɛl yoli nnɛn tafuɛ. Kaɛn yoli fie difuɛ.

Bo Bolɛ 4:2 ပူးပေါင်းရင်းမြစ်များ

Bo Bolɛ 3:23

Nan Anannganman Nyanmiɛn ɔ'a fuan sran'n Edɛni fie'n nun kɛ ɔ `ko di asiɛ bɔ i nun yɛ ɔ fin'n i su junman.

Bo Bolɛ 37:13

Yɛ be si Izraɛl seli Zozɛf kɛ: «Ɔ niaan'm be ɔli nnɛn'm be kankanlɛ Sisɛm, n wa sunman wɔ bé sin.» Zozɛf waan: «Yoo, n tili!»

Bo Bolɛ 4:1

Adam nin i yi Ɛv be sili sua nan Ɛv ɔ'a wunnzɛ, ɔ wuli Kaɛn, ɔ seli kɛ: «Anannganman ukali min man m'an nyan sran kun.»

Bo Bolɛ 4:3

Kɛ ɔ cɛli lɔuun kan'n, Kaɛn fɛli i fie'n su ninnge'n wie ko mannin Anannganman.

Bo Bolɛ 47:3

Yɛ Ezipt famiɛn'n usali be kɛ: «?Nguɛ junman yɛ an di-ɔ?» Be tɛli i su kɛ: «E ti nnɛn tafuɛ kɛ é si'm be sa.»

Bo Bolɛ 9:20

Noe dili fie. I yɛ ɔ kpɛli vinyi talɛ'n i ba-a,

Jue Mun 127:3

Aja nga Anannganman fa man awlo kun'n, like ng'ɔ fa cɛ i'n, i ti nin i bo'n yɛlɛ be klun ba .

Ezipt Lɔ Tulɛ'n 3:1

Moiz kɛnkɛn i sia Zetro b'ɔ ti Madian lɔ sraka yifuɛ'n i bua mun nin i boli mun. Cɛn kun ɔ kankannin nnɛn mun ɔli aawlɛ flɛnnɛn'n i sin lɔ, kpɛkuun ɔ ɔli Nyanmiɛn i oka nga be flɛ i Orɛb'n su lɔ.

Amɔs 7:15

Anannganman'n yɛ ɔ ko fali min nnɛn'm bé sin lɔ yɛ ɔ seli min kɛ n wa kan i nuan su ndɛ kle Izraɛlfuɛ mun-ɔn.

JÉSUS-CHRIST I DYASIN FE'N BO LUC KLELI'N 11:50

Ɔ man Nyanmiɛn nuan ijɔfuɛ bɔ kɛ ɔ fin mɛn'n i bobolɛ nun'n be kunnin be'n, be kwlaa be wie ndɛ'n ´ka ajulisufuɛ nga'm be su.

JÉSUS-CHRIST I DYASIN FE'N BO LUC KLELI'N 11:51

Kɛ ɔ fin Abɛl liɛ'n su lele fa ju Zakari bɔ be kunnin i Nyanmiɛn sɔwlɛ'n nin i sua'n be afiɛn i liɛ'n su'n, nanwlɛ, be wie ndɛ'n, ajulisufuɛ nga'm be su yɛ ɔ ´ka-a .

Jean 8:44

Amún si'n yɛlɛ mmusu'm bé si Satan'n, yɛ an klo kɛ amun ´yo amún si sɔ'n i klun sa. Kɛ ɔ fin i bo bolɛ nun'n, ɔ ti sran kunfuɛ, ɔ di-man nanwlɛ mlɔnmlɔn, afin ɔ si-man nanwlɛ'n. Ɔ bua ato, afin ato'n ti i nzuɛn, ato'n ti i junman, i yɛ ɔ ti ato buafuɛ'm be si nin-ɔn.

1 Jean 3:10

I sɔ'n nun yɛ be fa si be nga be ti Nyanmiɛn wa, nin be nga be ti mmusu'm bé si Satan'n i wa nin-ɔn, afin sran kwlaa ng'ɔ yo sa ng'ɔ ti-man kpa'n, b'ɔ kpɔ i niaan'n, ɔ ti-man Nyanmiɛn wa.

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .

1 Jean 3:15

Sran kwlaa ng'ɔ kpɔ i niaan'n, wuun ɔ ti sran kunfuɛ, yɛ an si kɛ sran kunfuɛ'n ɔ lɛ-man anannganman nguan.