Bo Bolɛ 4:10 - NYANMIƐN NDƐ'N 1998

¹⁰ Yɛ Nyanmiɛn seli i kɛ: «?Ɔ yo sɛ ti yɛ a yoli sɔ-ɔ? Abɛl i mmoja bɔ a guɛli i ase'n ɔ ti kɛ sran yɛ ɔ su kpan flɛ min kɛ n tu i klunngbɔ sa .

Bo Bolɛ 4:10 ပူးပေါင်းရင်းမြစ်များ

Bo Bolɛ 18:20

Yɛ ɔ seli Abraam kɛ: «Sa nga n ti i kɛ Sodɔmfuɛ mun nin Gomɔrfuɛ'm be yo'n, ɔ yo sro. Bé sa tɛ'n yo nɔnnin.

Bo Bolɛ 3:13

Yɛ Anannganman Nyanmiɛn usali bla'n kɛ: «?Ɔ yo sɛ ti yɛ a yoli sɔ-ɔ?» Bla'n waan: «Wuo yɛ ɔ lakali min yɛ man n dili-ɔ .»

Bo Bolɛ 9:5

Amun kusu amun mmoja i nun yɛ amun nguan'n wo-ɔ, i ti nán an gua mmoja ase. Sɛ nnɛn yɛ ɔ kun sran o, sɛ sran kusu yɛ ɔ kun i wiengu sran o, be `kun i wie.

2 Famiɛn Mun 9:26

Cɛn sɔ'n nun'n, Anannganman seli i kɛ: ‹Anunman'n, kɛ a ´kun Nabɔt nin i mma mun'n, n wunnin nun. I ti'n, n ´yi sa kunngba sɔ'n m ´man wɔ cɛn wie fie kunngba nga nun. Min Anannganman min yɛ n kan sɔ-ɔ.› I sɔ'n ti'n, to i yi i fie'n nun kɛ Anannganman fa kannin'n sa .»

2 Be Nyoliɛ 28:9

Samari lɔ Nyanmiɛn nuan ijɔfuɛ kun wo lɔ, be flɛ i kɛ Obɛd. Ɔ ko kpali Izraɛl sonja'm bɔ be su sa bé sin be ba Samari'n be atin. Yɛ ɔ seli be kɛ: «Anannganman amun nannan'm be Nyanmiɛn'n fali ya Zidafuɛ'm bé wun. I sɔ'n ti yɛ ɔ yili be mannin amun nin-ɔn, kpɛkuun amun kusu amun kunnin be nyrɛnnɛn kunlɛ. Be kunlɛ sɔ'n i nganniɛn'n fuli lele juli nyanmiɛn su lɔ.

Zɔb I Nyrɛnnɛn Wunlɛ 16:18

Asiɛ, n ´srɛ wɔ, nán kata min mmoja'n su, man be ti min kpanlɛ bɔ n kpan'n .

Zɔb I Nyrɛnnɛn Wunlɛ 24:12

Sran'm be klun jɔ-man, be ijɔ klɔ'n nun be sin. Be nga be yoli be sa'n be kpan. Sanngɛ Nyanmiɛn bua-man sa tɛtɛ sɔ'm be nun.

Jue Mun 50:21

Sa nga a yoli'n yɛ ɔ o lɛ-ɔ, sanngɛ m'an kan-man ndɛ. A bu i kɛ wuun n ti kɛ wɔ sa. N wa ijɔ wɔ yɛ sa nga a yoli'n b'ɔ ti-man kpa'n, n wa tutu nun weiin-weiin n kle wɔ.

Jue Mun 72:14

Ɔ ´de be mianmianlɛ nin yalɛ klelɛ nun, afin sɛ be wu'n ɔ yo i ya.

Jue Mun 9:12

Amun `to jue be manman Anannganman b'ɔ tran Siɔn'n. Amun `bo sa dandan ng'ɔ yo be'n be jɔ sin nvle-nvle'm be nun.

Jue Mun 9:13

Ɔ nin be bɔ be gua mmoja ase'n be lɛ i, i wla fi-man be nga be kun be'n be kpanlɛ'n.

Ezipt Lɔ Tulɛ'n 3:7

Anannganman seli i ekun kɛ: «N wunnin min sran nga be o Ezipt lɔ'n be nyrɛnnɛn nga be fa kle be'n. Kɛ be kle be nyrɛnnɛn'n, kpanlɛ nga be kpannin'n, n tili. N si afɛ ng'ɔ o be su'n.

Ezai 5:7

Anannganman b'ɔ sie mɛn wunmuan'n, i vinyi fie'n yɛlɛ Izraɛl osu'n. Yɛ waka b'ɔ tali b'ɔ klo be kpa'n yɛlɛ Zidafuɛ mun. Anannganman bu kɛ be wa yo sa mun i nuan su, sanngɛ sa tɛtɛ mun yɛ be yo be-ɔ. Ɔ bu i kɛ be wa fa mmla'n su, sanngɛ nyrɛnnɛnfuɛ'm be kpanlɛ'n yɛ be ti i lika'n kwlakwla-a.

Kalɛ 35:33

Nán amun yo mɛn nga amun tran nun'n i fiɛn. Sran kunlɛ'n kusu saci mɛn. Sɛ be kun sran kun'n, wuun mɛn'n ɔ'a saci. A ´wun kɛ mɛn sɔ'n ɔ ´kpɛn su ekun'n, wuun b'a kun sran ng'ɔ kunnin sran'n wie.

Sa nga bé yôli'n 5:3

Piɛr usɛli i kɛ: «?Ananias, nguɛ ti yɛ a fa ɔ wun mannin Satan b'ɔ man a bua ato kle Nyanmiɛn Wawɛ'n, bɔ a fa asiɛ'n i sika'n i bue sieli-ɔ?

Sa nga bé yôli'n 5:9

Yɛ Piɛr seli i kɛ: «?Nguɛ ti yɛ amún bo yoli kun bɔ an kan e Min'n i Wawɛ'n nian-an? Nian anuan nun lɛ, be nga be sieli ɔ́ wun'n be yɛ be su wlu wa lɛ-ɔ, be wa fa wɔ kusu kɔ wie.»

Mmla'n 21:1

Sɛ amun wo mɛn nga Anannganman amun Nyanmiɛn'n ɔ'a fa man amun kɛ amun fa'n i nun'n, nan amun ´nian-an, fuɛn yɛ ɔ la asiɛ wun yɛ'n, bɔ wienun-ɔn be si-man sran ng'ɔ kunnin i'n,

Hébreu 11:4

Nyanmiɛn su bɔ Abɛl lafi'n ti yɛ i like nga ɔ fa sɔli i'n i kpa trali Kaɛn liɛ nin-ɔn. I su b'ɔ lafi'n ti'n, Nyanmiɛn bɔbɔ seli kɛ ɔ ti sran kpa, afin ɔ sɔli like nga ɔ fa mɛnnin i'n nun. Ɔ wuli, sanngɛ Nyanmiɛn su b'ɔ lafi'n ti'n, ɔ tɛ ijɔ .

Hébreu 12:24

nin Jésus b'ɔ ti aenguɛ uflɛ nga Nyanmiɛn waan ɔ nin sran'm be ´tra'n i nun jranfuɛ'n be wun. Jésus mmoja b'ɔ fa kpɛntɛn-kpɛntɛn'n, sɛ ɔ kwla ijɔ'n, wuun ɔ ´kan ndɛ fɛ tra Abɛl liɛ'n .

Jacques 5:4

Be nga be di amun fie'm bé su junman'n, bɔ amu'an tua-man be kalɛ'n, an `tie be kpanlɛ'n. Be nga be kpɛ amun awie'n be kpan lele be nɛn'n to e Min Nyanmiɛn b'ɔ sie mɛn wunmuan'n lɔ .

Zozie 7:19

Zozie seli Akan kɛ: «N wa, manman Anannganman b'ɔ ti Izraɛl Nyanmiɛn'n. Nian nanwlɛ di, kan sa nga a yoli'n, nán fia wie fi su.»

1 Samiɛl 13:11

Yɛ Samiɛl usɛli i kɛ: «?Nguɛ yɛlɛ nga a yoli i lɛ'n?» Sail waan: «N ´nian-an, sran'm be su bo sanndi mín wun. Ɔ kusu cɛn nga a kleli'n juli, n wun-man wɔ, kusu Filistifuɛ'm b'a yia Mikmas lɔ.