Bo Bolɛ 4:1 - NYANMIƐN NDƐ'N 1998

¹ Adam nin i yi Ɛv be sili sua nan Ɛv ɔ'a wunnzɛ, ɔ wuli Kaɛn, ɔ seli kɛ: «Anannganman ukali min man m'an nyan sran kun.»

Bo Bolɛ 4:1 ပူးပေါင်းရင်းမြစ်များ

Bo Bolɛ 3:15

N ´fa kpɔlɛ n wla a nin bla'n be afiɛn, n ´fa wla ɔ osu'n nin bla'n i osu liɛ'n be afiɛn. Bla'n i osufuɛ'm be kpɔtɔ ɔ́ ti'n, yɛ ɔ kusu a ´ka bé ja sin .»

Bo Bolɛ 3:24

Kɛ Nyanmiɛn fuannin sran'n, ɔ fali anz nga be niɛn i ninnge'm be su mun fa sieli i Edɛni fie'n i wia afiliɛ lɔ. Kue sunman sin taaman o bé sa nun yɛ be fa sasa nguan waka nin-ɔn.

Bo Bolɛ 4:2

I sin ɔ wa wuli Kaɛn i sinma yasua Abɛl. Abɛl yoli nnɛn tafuɛ. Kaɛn yoli fie difuɛ.

Bo Bolɛ 4:25

Adam nin i yi Ɛv be sili sua nan b'a wu ba yasua kun ekun. Ɛv flɛli i kɛ Sɛt. Ɔ seli kɛ: «Nyanmiɛn ɔ'a man min ba yasua kun ekun kɛ n fa sie Abɛl bɔ Kaɛn kunnin i'n i osu.»

Bo Bolɛ 5:29

Ɔ flɛli i kɛ Noe, yɛ ɔ seli kɛ: «Ba nga yɛ ɔ ´yo man e wa de wunmiɛn kan junman dilɛ nun-ɔn. Afin kɛ Anannganman boli asiɛ'n i sannzan'n, junman dilɛ'n ɔ'a yo ya, ɔ ti afɛ.»

Jue Mun 127:3

Aja nga Anannganman fa man awlo kun'n, like ng'ɔ fa cɛ i'n, i ti nin i bo'n yɛlɛ be klun ba .

Kalɛ 31:17

I sɔ'n ti, amun `kun yasua kanngan'm be kwlaa nin bla nga b'a si bian mun.

1 Jean 3:12

Nán man e yo kɛ Kaɛn bɔ kɛ ɔ ti Klunwifuɛ'n i liɛ'n ti ɔ kunnin i niaan bian'n sa. ?Nzu ti yɛ ɔ kunnin i-ɔ? Yɛlɛ kɛ sa nga i bɔbɔ yo be'n be kɔ-man atin su, sanngɛ i niaan bian liɛ'n kɔ atin su .