Bo Bolɛ 39:3 - NYANMIƐN NDƐ'N 1998

³ Potifar wunnin kɛ Anannganman nin Zozɛf be o nun. Ɔ wunnin kɛ Zozɛf ti i sa nun ninnge'm be kwlaa be yo kpa kpan.

Bo Bolɛ 39:3 ပူးပေါင်းရင်းမြစ်များ

Bo Bolɛ 21:20

Nyanmiɛn man ba'n nyinnin. Ba'n trannin Paran aawlɛ flɛnnɛn'n nun lɔ. Ɔ yoli ta tofuɛ.

Bo Bolɛ 21:22

I blɛ sɔ nun'n, Abimelɛk nin i sonja'm be su kpɛnngbɛn Pikɔl be bali Abraam i wun wunlɛ. Abimelɛk seli Abraam kɛ: «Like kwlaa nga a yo'n, Nyanmiɛn jin ɔ sin.

Bo Bolɛ 21:23

I sɔ'n ti, fa Nyanmiɛn dunman'n fua kle min ndɛ kɛ a su yo-man m bɔbɔ annzɛ min mma mun, annzɛ min anunman mun e tɛ, nan kpa nga n fa yoli wɔ'n, a ´nian su yo min nin mín mɛn nga a o nun yɛ'n e wie.»

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 26:28

Be tɛli i su kɛ: «E wun kɛ Anannganman nin wɔ o nun, ɔ man e waan e nin wɔ e ´tra aenguɛ. Sɛ e tra'n, e `ta su nda e fa cici i bo.

Bo Bolɛ 30:27

Laban waan: «Mín sin ninnge'm be waan wɔ ti yɛ Anannganman yo man min ninnge'm be yo ye-ɔ. Ɔ man srɛlɛ yɛ n ´srɛ wɔ-ɔ,

Bo Bolɛ 30:30

Kɛ m ´ba'n, wuun ɔ nnɛn'm be ti kaan sa, yɛ b'a trɛ lɛ-ɔ. Kɛ ɔ fin cɛn bɔ mín ja tiali wɔ awlo wa'n, Anannganman ɔ'a yo ɔ ninnge'm be ye dan. ?Yɛ nan cɛn onin yɛ n ´di junman m man mín yi nin min mma mun-ɔn?»

Bo Bolɛ 39:2

Anannganman nin Zozɛf be o nun, ɔ man ninnge ng'ɔ yo'n be yo kpa. Zozɛf trannin i min'n bɔbɔ i awlo lɔ.

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

Bo Bolɛ 39:23

Bisua su kpɛnngbɛn'n ɔ bo-man wɛ nian-man junman ng'ɔ fa wlɛli i Zozɛf sa nun'n kun, yɛlɛ kɛ Anannganman nin Zozɛf be o nun, ɔ yo man like kwlaa ng'ɔ yo, ɔ yo ye.

2 Famiɛn Mun 18:7

Anannganman kusu jrɛnnin i sin. Like ng'ɔ yoli be'n, be kwlaa be yoli ye i sa nun. Ɔ jasoli Asiri famiɛn'n i wun, ɔ'a su-mɛn i kun.

1 Be Nyoliɛ 22:13

Sɛ a fa mmla fanunfanun nga Anannganman fa wlali Moiz nuan kɛ ɔ fa man Izraɛlfuɛ mun be su'n, like nga bɔ a yo'n, ɔ ´yo ye. Jran kekle, yɛ tra wɔ anwlɛn, nán srɛ kun wɔ, nán ɔ klun titi wɔ.

1 Be Nyoliɛ 9:20

Eleazar i wa Fine yɛ ɔ ti be kpɛn blɛ sɔ'n nun-ɔn. Anannganman jrɛnnin i sin.

2 Be Nyoliɛ 1:1

David wa Salomɔn i sielɛ'n takali. Anannganman b'ɔ ti i Nyanmiɛn'n nin i trannin, ɔ man ɔ yoli dan kpa.

2 Be Nyoliɛ 26:5

Blɛ bɔ Zakari nyin tɛ o su'n, Ozias miɛnnin i nyin fɛli i wun mantannin Nyanmiɛn kpa, afin Zakari kle i kɛ ɔ sro Nyanmiɛn. I sɔ'n ti, Nyanmiɛn man i ninnge ng'ɔ yoli be'n be yoli ye.

Neemi 2:20

N tɛli be su kɛ: «Nglo lɔ Nyanmiɛn'n man nga e sunnzun'n ɔ ´yo ye. I sufuɛ yɛlɛ ye, é bo ti kun, e wa bo talɛ'n i kplanlɛ'n bo. Amun liɛ'n, Zerizalɛm lɔ like ti-man amun like. Amun kwla yo-man like lɔ. Be ´kan Zerizalɛm ndɛ-ɔ, be bo-man amun dunman nun.»

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Zakari 8:23

I blɛ sɔ nun'n, sɛ sran blu be aniɛn'n ti ngunmin-ngunmin'n, be ´ko tra Zuif kunngba cenje i wun tralɛ'n i nuan su'n, kpɛkuun be ´se i kɛ: ‹E nin amun yɛ e ´kɔ-ɔ, afin e tili i kɛ Nyanmiɛn'n wo amun sin.› »

Matthieu 5:16

I kunngba nin-ɔn, an `yo kɛ kannin sa sran'm be nyrun, man be wun amun nyoliɛ kpa'n nan be manman amun Si b'ɔ o nyanmiɛn su lɔ'n .»

1 Korɛntfuɛ Mun 16:2

Kɛ ɔ yo nan b'a minndɛ-man kɛ n ju lɔ nan b'a bo ndɔ'n, mɔnnɛn'n b'ɔ ti le mɔcuɛ'n i cɛn ba klikli'n i kwlaa nun, man amun kwlaa an yiyi sika nga amún sa ju su'n sie.

Mmla'n 2:7

Afin like nga amun yoli bɔ Anannganman amun Nyanmiɛn'n man ɔ'a yo-man ye'n ɔ nun-man lɛ. Ɔ niannin amun su aawlɛ flɛnnɛn dan nga i kpɛlɛ'n nun. Afuɛ ablanan nga amun dili'n nun'n, Anannganman amun Nyanmiɛn ɔ'a kpɔci-man amun le. Like fi ɔ'a mian-man amún sa.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Sa nglô yile 3:9

An `nian, Satan i minniɛn atofuɛ'm bɔ be tɔn bé wun suɛn kɛ be ti Zuif'n, n ´yo man be wa koto amun bo, yɛ be ´si kɛ n klo amun .

1 Samiɛl 18:14

David kusu like kwlaa nga i sa kɛn i'n ɔ yo ye kpan, afin Anannganman nin i o nun.

1 Samiɛl 18:28

Sail ´nian-an, Anannganman nin David be o nun, i wa Mikal kusu klo David.

1 Samiɛl 3:19

Samiɛl nyin kɔ i nyrun, yɛ Anannganman nin i o nun. Ndɛ kwlaa nga Samiɛl kan'n, Anannganman yo man i kwlakwla'n i su sa'n yo.