Bo Bolɛ 39:2 - NYANMIƐN NDƐ'N 1998

² Anannganman nin Zozɛf be o nun, ɔ man ninnge ng'ɔ yo'n be yo kpa. Zozɛf trannin i min'n bɔbɔ i awlo lɔ.

Bo Bolɛ 39:2 ပူးပေါင်းရင်းမြစ်များ

Bo Bolɛ 21:20

Nyanmiɛn man ba'n nyinnin. Ba'n trannin Paran aawlɛ flɛnnɛn'n nun lɔ. Ɔ yoli ta tofuɛ.

Bo Bolɛ 21:22

I blɛ sɔ nun'n, Abimelɛk nin i sonja'm be su kpɛnngbɛn Pikɔl be bali Abraam i wun wunlɛ. Abimelɛk seli Abraam kɛ: «Like kwlaa nga a yo'n, Nyanmiɛn jin ɔ sin.

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 26:28

Be tɛli i su kɛ: «E wun kɛ Anannganman nin wɔ o nun, ɔ man e waan e nin wɔ e ´tra aenguɛ. Sɛ e tra'n, e `ta su nda e fa cici i bo.

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

Bo Bolɛ 39:23

Bisua su kpɛnngbɛn'n ɔ bo-man wɛ nian-man junman ng'ɔ fa wlɛli i Zozɛf sa nun'n kun, yɛlɛ kɛ Anannganman nin Zozɛf be o nun, ɔ yo man like kwlaa ng'ɔ yo, ɔ yo ye.

Bo Bolɛ 39:3

Potifar wunnin kɛ Anannganman nin Zozɛf be o nun. Ɔ wunnin kɛ Zozɛf ti i sa nun ninnge'm be kwlaa be yo kpa kpan.

2 Famiɛn Mun 18:7

Anannganman kusu jrɛnnin i sin. Like ng'ɔ yoli be'n, be kwlaa be yoli ye i sa nun. Ɔ jasoli Asiri famiɛn'n i wun, ɔ'a su-mɛn i kun.

1 Be Nyoliɛ 9:20

Eleazar i wa Fine yɛ ɔ ti be kpɛn blɛ sɔ'n nun-ɔn. Anannganman jrɛnnin i sin.

2 Be Nyoliɛ 1:1

David wa Salomɔn i sielɛ'n takali. Anannganman b'ɔ ti i Nyanmiɛn'n nin i trannin, ɔ man ɔ yoli dan kpa.

Jue Mun 1:3

Ɔ ti kɛ waka b'ɔ o nzue ba nuan'n sa. Waka sɔ'n i sulɛ blɛ'n ɔ sɛn-mɛn i wun le, kusu i nnya'm be blo-man le. Like kwlaa nga i sɔ sran liɛ'n yo'n, san ɔ ´yo ye i sa nun .

Jue Mun 46:11

I waan: «Amun `jran, man amun si kɛ n ti Nyanmiɛn. Min yɛ n sie nvle'm be nunfuɛ mun-ɔn. Min yɛ n sie asiɛ wunmuan nin-ɔn.»

Jue Mun 46:7

Nvle'm be nunfuɛ'm be kplin, famiɛn diwlɛ'm be su keje. Kɛ Nyanmiɛn'n kpan sa fiaan'n, kpɛkuun asiɛ'n su keje.

Jue Mun 91:15

Sɛ ɔ kpan flɛ min'n, n ´tɛ i su, Sɛ ɔ o nyrɛnnɛn nun'n, e nin i-ɔ.

Ezai 41:10

nán srɛ kun amun afin n jin amún sin. Nán amun klun titi amun bɔ amun ´nian wa ´nian wa-a, afin n ti amun Nyanmiɛn. N man amun fanngan, n uka amun. N fa ń sa fama bɔ wunmiɛn o nun'n n fa suan amún bo .

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Zeremi 15:20

N ´yo wɔ kɛ aaba talɛ dan sa. Nvle nga nunfuɛ'n be nin wɔ ´kun, sanngɛ be su kwla yo-man wɔ like fi. Afin e nin wɔ e o nun, n ´uka wɔ, n ´de wɔ.» Anannganman'n yɛ o kan sɔ-ɔ.

Matthieu 1:23

«An `nian, talua b'ɔ nian si-man bian'n ɔ wa wunnzɛ, ɔ ´wu ba yasua, Be ´tɔn i dunman Emaniɛl,» bɔ i bo'n kle kɛ Nyanmiɛn nin ye o nun .

Sa nga bé yôli'n 8:31

Ɔ seli i kɛ: «Sɛ sran a kle-man min, ɔ ´yo sɛ yɛ n ´si i bo-ɔ?» Yɛ ɔ ´flɛ Filip kɛ ɔ `fu tran ase i wun lɛ-ɔ.

1 Timote 6:1

Be kwlaa nga be ti kanga'n, man be bu be min'n be sran kpa nan sran fi a saci-man Nyanmiɛn dunman, nan like nga e kle amun'n b'a bu-mɛn i like ngbɛn.

Zozie 1:5

Sran fi su kwla jran-man ɔ nyrun lele san ɔ́ wie. N wa jran ɔ́ sin kɛ n jrannin Moiz i sin'n sa. N su kpɔci-man wɔ le. N ´jran ɔ́ sin titi.

Zozie 1:9

Nán ɔ́ wla fi ndɛ nga n kan kleli wɔ'n su: jran kekle, yo yakpafuɛ, nán srɛ kun wɔ, nán ɔ klun titi wɔ, afin min Anannganman ɔ Nyanmiɛn'n lika kwlaa nga a ´kɔ'n n jin ɔ́ sin.»

Zozie 6:27

Anannganman jrannin Zozie sin. Ɔ man Zozie i dunman'n fuli nvle wunmuan sɔ'n nun.

1 Samiɛl 16:18

Sail i sufuɛ kun waan: «M bɔbɔ n si gbanflɛn kun. Izai ng'ɔ o Bɛtleɛm'n i wa-a. Ɔ si ngowa sɔ'n kan kpa. Kusu ɔ ti sran kpa. Ɔ ti yakpafuɛ, ɔ si ijɔ, ɔ ti klanman, yɛ Anannganman nin i o nun.»

1 Samiɛl 18:14

David kusu like kwlaa nga i sa kɛn i'n ɔ yo ye kpan, afin Anannganman nin i o nun.

1 Samiɛl 18:28

Sail ´nian-an, Anannganman nin David be o nun, i wa Mikal kusu klo David.

1 Samiɛl 3:19

Samiɛl nyin kɔ i nyrun, yɛ Anannganman nin i o nun. Ndɛ kwlaa nga Samiɛl kan'n, Anannganman yo man i kwlakwla'n i su sa'n yo.