Bo Bolɛ 3:6 - NYANMIƐN NDƐ'N 1998

⁶ Kɛ bla'n nian waka nin-ɔn, i mma'm be yo nyɛnmɛn. Ɔ wun kɛ be wa yo fɛ nan be man sran ngwlɛlɛ-ɔ ɔ yo ye, yɛ ɔ ´ti wie di-ɔ, yɛ ɔ ´fa wie mɛn i wun b'ɔ o i wun lɛ nin-ɔn, yɛ i kusu ɔ ´di wie-ɔ.

Bo Bolɛ 3:6 ပူးပေါင်းရင်းမြစ်များ

Bo Bolɛ 3:12

Yasua'n tɛli i su kɛ: «Bla bɔ a fa sieli min wun wa'n, i yɛ ɔ mannin min wie yɛ n dili-ɔ.»

Bo Bolɛ 3:17

Yɛ ɔ seli yasua'n kusu kɛ: «Sa ti bɔ ɔ́ yi i aniɛn liɛ'n yɛ a tili'n, bɔ a dili waka mma nga n seli wɔ kɛ: ‹Nán di'n,› i ti asiɛ'n ´saci. A ´fɛ kpa nan w'a nyan ɔ́ nuan nun aliɛ. Ɔ ´yo sɔ lele yɛ a ´fa wu-ɔ.

Bo Bolɛ 39:7

Be o lɛ kpɛkuun-ɔn, le kun Zozɛf i min'n i yi'n ɔ nian Zozɛf siin, kpɛkuun ɔ seli i kɛ: «A nin min `la.»

Bo Bolɛ 6:2

Nyanmiɛn mma mun be wunnin kɛ sran'm bé wa bla sɔ'm be ti nglanman kpa nan b'a kunndɛ wie b'a ja.

2 Samiɛl 11:2

Le kun nnɔsua wia'n nun David jasoli i bɛ'n su, ɔ ɔli i sua'n i ti gbagblagba'n su lɔ, ɔ ɔli nanti-nantilɛ kanngan. Kɛ ɔ o nglo lɔ'n, ɔ ´nian-an, bla kun su wunnzin. Bla sɔ'n ti klanman kpa.

1 Famiɛn Mun 13:19

Nyanmiɛn nuan ijɔfuɛ'n ɔ nin i be sali bé sin. Ɔ ko dili like, ɔ nɔnnin nzue bian'n i awlo lɔ.

Zɔb I Nyrɛnnɛn Wunlɛ 31:1

N tali nda kɛ n fa-man min nyinma n kpɛ-man talua wie kannglɛ.

Ezekiɛl 24:16

«Klɔ sran, n wa yi wɔ aklunjuɛ like'n sa fo ɔ nyrun lɛ, sanngɛ nán yo sɛ, nán sun, nán ɔ nyinma nzue gua.

Ezekiɛl 24:21

‹Se Izraɛlfuɛ'm be kɛ: Anannganman seli min kɛ: Min tranwlɛ bɔ amun fa di amun nuan'n, bɔ amun wun i-ɔ, amun klun jɔ'n, bɔ amún wla o su'n n wa yo man ɔ yo fiɛn. Amun mma yasua mun nin amun mma bla nga be kali Zerizalɛm lɔ'n, be ´kun be.

Ezekiɛl 24:25

I sin Anannganman seli min kɛ: «Klɔ sran, n wa de bé sua b'ɔ ti be fiawlɛ nin be aklunjuɛ like'n, bɔ be fa di be nuan'n, bɔ bé wla o su'n. N ´yo man be mma yasua mun nin be mma bla'm be fi bé sa.

Ndɛ Nga Nyanmiɛn I Nuan Ijɔfuɛ Oze Kannin'n 6:7

«Adam klɔ lɔ yɛ amun nin min buli nun-ɔn, lɛ yɛ amun kacili amun sin sili min-ɔn.

Matthieu 5:28

Sanngɛ n liɛ'n, n ´kan kle amun kɛ, sran kwlaa ng'ɔ wun bla kun b'ɔ bu i kunndɛlɛ akunndan i anwlɛn nun'n, wuun ɔ'a kunndɛ bla sɔ'n.

1 Timote 2:14

yɛ nán Adam yɛ be lɛkɛ i-ɔ, sanngɛ Ɛv b'ɔ ti bla nin-ɔn. Kɛ be lɛkɛli i bɔ be nyɛnnin i'n, yɛ ɔ yoli sa tɛ nin-ɔn .

Zozie 7:21

N wunnin Mezopotami lɔ tralɛ klanman kpa kun, ɔ nin jɛtɛ ufue b'ɔ tra kilo nnyɔn, ɔ nin sika ɔkwlɛ kpɔlɛ kun b'ɔ ju kilo kun nin bue e kpɔfuɛ'm be bɔlɛ nun. Nanwlɛ, kɛ n wunnin ninnge sɔ mun'n, m'an kwla tra-man min anwlɛn yɛ n fali-ɔ. N fuli kunman yɛ n fa be n fa fiali min tannin sua'n nun lɔ, jɛtɛ ufue'n wo i bo.»

1 Jean 2:16

Like nga be yo be mɛn'n nun'n i kwlaa'n: bé nyin b'ɔ blo ninnge'm bé su'n, nin akunndan nga be bu fa gua ninnge nga be wun be'n bé su'n, ɔ nin be wun tulɛ'n, i kwlaa sɔ'n i wie fi fin-man e Si'n, sanngɛ be ti mɛn'n nun nzuɛn.

Jɔlɛ Difuɛ Mun 14:17

Bla'n sunnin Samsɔn wun cɛn ba nso nga be fa dili cɛn'n i nun. Kɛ ɔ kle-mɛn i yalɛ ngowa'n, i le nso'n su'n nan ɔ'a tu i bo ɔ'a kle i. Yɛ i kusu tuli i bo kleli i klɔfuɛ mun-ɔn.