Bo Bolɛ 3:5 - NYANMIƐN NDƐ'N 1998

⁵ Nyanmiɛn bɔbɔ si kɛ cɛn nga amun di'n, amún nyin ´ti. Amun ´yo kɛ i bɔbɔ sa, amun ´si sa kpa'n nin sa tɛ'n.»

Bo Bolɛ 3:5 ပူးပေါင်းရင်းမြစ်များ

Bo Bolɛ 2:17

Sanngɛ sa kpa'n nin sa tɛ'n be silɛ waka'n i mma liɛ'n, nán di i li. Sɛ a di'n, san wulɛ cɛ yɛ a ´wu-ɔ.»

Bo Bolɛ 2:9

Anannganman Nyanmiɛn yoli man waka nga be wun be-ɔ, be ko klo be'n, bɔ kusu be mma'm be yo fɛ'n, be fifili lɔ. Nguan waka'n, ɔ nin sa tɛ nin sa kpa'n be silɛ waka'n be o fie'n i afiɛn .

Bo Bolɛ 3:10

Yasua'n tɛli i su kɛ: «N tili ɔ ngan fie'n nun, srɛ kunnin min, afin mín wun ti kplɛn, ɔ man m bali fialɛ.»

Bo Bolɛ 3:22

Anannganman Nyanmiɛn seli kɛ: «Sran yɛ ɔ'a yo kɛ e sa yɛ afin ɔ si sa tɛ'n nin sa kpa'n. Nán e mɛn i atin kɛ ɔ ti nguan waka'n i mma'n wie di, ɔ yo sɔ-ɔ, ɔ ko tran nguan nun titi .»

Bo Bolɛ 3:7

Kpɛkuun be nnyɔn'n b'a wun sa wlɛ. Be wunnin kɛ bé wun ti kplɛn, nan b'a kpɛ figie nnya b'a fa yo be bo tannin.

1 Famiɛn Mun 22:6

Izraɛl famiɛn'n yiali i wunnzue yifuɛ ko ju ya nnan mun. Ɔ usali be kɛ: «?N wɔ Galaad mɛn'n nun lɔ n ko kun alɛ Ramɔt lɔ annzɛ nán n wɔ?» Be tɛli i su kɛ: «Kɔ! Anannganman ´fa Ramɔt klɔ'n man wɔ!»

2 Be Nyoliɛ 32:15

I sɔ'n ti, nán amun yaci Ezekias lɛ man ɔ laka amun, nán man ɔ to amun gblɛ. Nán amun fa amun wla guɛ i su, afin nvle nin mɛn wie fi be nun amuɛn'm b'a kwla de-man be nunfuɛ mun mín sa nun annzɛ min nannan'm bé sa nun. Ɔ man Nyanmiɛn'n su kwla de-man amun mín sa nun kusu.› »

Jue Mun 12:4

Man Anannganman nunnun be kwlaa nga be klo gblɛ kpɛlɛ'n nin be nga be ijɔ dandan'n.

Ezipt Lɔ Tulɛ'n 20:7

Nán bo min Anannganman bɔ n ti ɔ Nyanmiɛn'n min dunman'n ngbɛn, afin sran ng'ɔ bo min dunman ngbɛn'n, n su yaci-mɛn i lɛ, san n ´tu i fɔ.

Ezipt Lɔ Tulɛ'n 5:2

Ezipt famiɛn'n tɛli bé su kɛ: «?Wan yɛlɛ Anannganman bɔ mín nyin ko yi i bɔ i ti yɛ m man Izraɛlfuɛ'm be atin kɛ be wɔ-ɔ? N si-man Anannganman, yɛ n su man-man amun atin kɛ amun wɔ.»

Ezai 14:14

N ´fu nyanmiɛn ble'n i su lɔ, e nin Nyanmiɛn b'ɔ like fi nun-mɛn i sin'n e ´sɛ.»

Ezekiɛl 13:22

Afin an bua ato fa sanngan sran kpa'n i akunndan kusu wuun m bɔbɔ m'an sɛnngɛn-mɛn i akunndan. An wla be nga be ti klunwifuɛ'm be fanngan kɛ ɔ ´yo nan bé sa sin ɔ'a bubu-man bé sa tɛ yolɛ'n nun, yɛ kɛ ɔ ´yo nan b'a ka nguan nun'n ti.

Ezekiɛl 28:12

«Klɔ sran, yi ngwlɛ Tir famiɛn'n i su, se i kɛ ndɛ nga min Anannganman Nyanmiɛn n kan'n yɛ: ‹Ɔ ngwlɛlɛ dan nin ɔ klanman b'ɔ lɛ-man wunsu'n ti'n, a yoli sran kun bɔ be fa ɔ nzuɛn nin-ɔn ɔ ti kpa.

Ezekiɛl 28:2

«Klɔ sran, kan kle Tir famiɛn'n kɛ: ‹Anannganman Nyanmiɛn wan yoo: A tuli ɔ́ wun dan. A seli kɛ: N ti kɛ Nyanmiɛn sa. M'an tran be nga be ti kɛ Nyanmiɛn sa'n be bia'n su jenvie i afiɛn! Sanngɛ sran yɛlɛ wɔ, wɔ akunndan'n ti klɔ sran akunndan.

Ezekiɛl 28:9

?Sran ng'ɔ su ba ɔ kunlɛ'n, a kwla ´se i ekun kɛ a ti kɛ Nyanmiɛn sa? A wa ka sran su sa titi, a su yo-man kɛ Nyanmiɛn'n sa le sran nga b'ɔ kun wɔ'n i sa bo.

Ezekiɛl 29:3

Se kɛ ndɛ nga Anannganman Nyanmiɛn kan'n yɛ: ‹Ezipt famiɛn, wɔ bɔ a ti kɛ alɛngɛ dan sa bɔ a la ɔ nzue ba'm be afiɛn'n, bɔ a se kɛ: Nil nzue'n ɔ ti min liɛ, m bɔbɔ yɛ n yili n like-ɔ, e nin wɔ e lɛ i.

Daniɛl 4:30

Bé ja kunngba'n nun lɛ ndɛ sɔ'n i su sa'n juli. Be fuannin Nɛbikadnɛzar sran'm be nun. Ɔ tɔli ijre dilɛ'n su kɛ nannin sa. Nyansue'n yɛ ɔ bo i siɛn nin-ɔn. I timuɛn'n yoli tɛnndɛn kɛ anunman nyin i ndrɛ'n sa. I sa bui'm be yoli glaunglaun kɛ anunman'm bé ja bui'n sa.

Daniɛl 6:7

Kpɛkuun akpasua su kpɛn'm be kpɛnngbɛn nnyɔn be nin akpasua su kpɛn'm be ɔli ndɛndɛ be ko toli famiɛn'n nan b'a se i kɛ: «Nannan Dariis, man wie wla fi wɔ!

Matthieu 6:23

sanngɛ sɛ ɔ nyinma'n ti-man kpa'n, a wun-man ase mlɔnmlɔn. Yɛ sɛ ɔ kannin sɔ'n ɔ kpaja-man'n, i aosin'n ti tɛ!»

Sa nga bé yôli'n 26:18

N ´sunman wɔ kɛ a tike bé nyin nan be jao aosin'n nun be bla weiin nun, nan be jao Satan sa nun be bla Nyanmiɛn sin nan ɔ yaci bé wun sa'n cɛ be, yɛ like nga be nga be lafi n su'n bɔ i ti yɛ be kaci n liɛ'n be nyɛn i'n, be ´nyan be liɛ.› »

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

2 Korɛntfuɛ Mun 4:4

Be liɛ'n, be lafi-man su yɛlɛ kɛ mɛn nga i min'n ɔ sacili be akunndan'n nan Krist b'ɔ fa Nyanmiɛn'n i wafa ng'ɔ ti'n i kwlaa i jasin fɛ'n, b'a wun-mɛn i wlɛ.

2 Tɛsalonikfuɛ Mun 2:4

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

Sa nglô yile 13:14

Ɔ fa atrɛ nga be man ɔ yili be nnɛn klikli liɛ'n i nyrun lɛ'n, lakali asiɛ'n sufuɛ mun. Ɔ seli be kɛ be yo nnɛn bɔ be bo i tokofi b'ɔ jasoli'n i wunsu .

Sa nglô yile 13:4

Be kotoli dragɔn'n i bo, afin ɔ tinnin nnɛn sɔ'n. Be kotoli nnɛn'n i bo, yɛ be seli kɛ: «?Wan yɛ ɔ nin nnɛn'n be sɛ b'ɔ nin i kwla kun-ɔn?»

Jɔlɛ Difuɛ Mun 3:2

Anannganman waan ɔ ´yaci be lɛ nan Izraɛlfuɛ nga be ´kun alɛ'n b'a wun-man nun'n, be fa be a suan alɛ kunlɛ.