Bo Bolɛ 3:16 - NYANMIƐN NDƐ'N 1998

¹⁶ Yɛ ɔ se bla'n kɛ: «N ´yo man ɔ wunnzɛlɛ nun afɛ'n wa yo dan. Kɛ a ´wu ba'n, a ´wun nyrɛnnɛn kpa. Wɔ anwlɛn'n wa tran ɔ́ wun su, sanngɛ ɔ ´sie wɔ.»

Bo Bolɛ 3:16 ပူးပေါင်းရင်းမြစ်များ

Bo Bolɛ 4:7

Nian, sɛ a nanti kɛ ɔ fata'n sa'n, a ´nyan kɔmin cɛn wie. Sɛ ɔ'a yo-man sɔ'n, sa tɛ'n yɛ ɔ sa wɔ anuan'n nun lɛ-ɔ. Ɔ ´kunndɛ tran ɔ su, sanngɛ wɔ yɛ a ti bɔ a kwlɛ i-ɔ.»

1 Be Nyoliɛ 4:9

Zaɛbɛz nyannin nyrun trɛli i niaan mun. I nin waan kɛ ɔ ´wu i'n ɔ fɛli, i ti yɛ ɔ tɔnnin i Zaɛbɛz nin-ɔn.

Ɛstɛr 1:20

Kɛ be ko bo ndɛ sɔ'n i jɔ ko sin mɛn tɛtrɛ nga a sie'n nun'n, bla'm be kwlaa bé nyin wa yi bé wun mun, sɛ bian sɔ'm be ti anyanbeunfuɛ o, sɛ kusu be ti yalɛfuɛ o.»

Jue Mun 48:6

Kɛ be wunnin Anannganman i klɔ'n cɛ'n, be boli bli, srɛ'n kunnin be dan nan b'a wanndi.

Ezai 13:8

Srɛ'n ɔ'a kun be kpo. Be wunnɛn'n ɔ'a yo be sa zizrizi, bé kplo'n nun yo be ya, be kluklu kɛ bla bɔ ɔ'a koto awuliɛ'n sa. Be nian be wiengu siin, srɛ kun be, bé nyrun'n ɔ'a kpa fuaii.

Ezai 21:3

I sɔ'n ti, min wi'n ɔ yo min ya kpa. N su fɛ kɛ bla kun bɔ ɔ'a koto awuliɛ'n sa. Afɛ dan b'ɔ o min su'n ti, n ti-man sa kun. Srɛ b'ɔ kun min dan'n ti, n wun-man ase kun.

Ezai 53:11

Sɛ ɔ ko wun i nyrun ko wie'n, i klun wa jɔ kpa i kasiɛn'n nun. Sɛ sran'm be si n sran kpa sɔ'n kɛ ɔ fata'n sa'n, ɔ wa yo man be nun kpanngban be ´yo kpa, yɛ ɔ ´fa bé wun sa'n.

Zeremi 13:21

?Be nga a fali ɔ wun mannin be man be sieli wɔ'n, kɛ be ´ba wɔ bolɛ'n, a ´se sɛ? ?Kɛ a ´wun kɛ be nga be nin wɔ mantan mun be su ba'n, ɔ klun'n su kisan-man wɔ fiaan kɛ bla bɔ i ba wulɛ ɔ'a to i'n sa?

Zeremi 22:23

Wɔ bɔ Liban lɔ yɛ a tran'n, bɔ ɔ́ sua'n ti Sɛdri waka ngunmin'n, kɛ aklunya'n ɔ wa fu wɔ nun'n, sunlɛ'n wa yo dan. Ɔ wun ´blibli wɔ kɛ bla bɔ awuliɛ ɔ'a to i'n sa.»

Zeremi 4:31

N ti fɛfɛlɛ kɛ bla yɛ ɔ su wu ba sa. Fɛfɛlɛ'n tɛ kɛ bla sɔ'n i talua ba yɛ ɔ su wu i sa-a. Kannzu Siɔn yɛ ɔ fɛfɛ sɔ-ɔ, yɛ ɔ sun aunnvuɛ sunlɛ ɔ tinngɛ i sa'n nglo sɔ-ɔ. Ɔ se kɛ: «M'an wu o! M'an fɛ, min kunfuɛ'm b'a kle min yalɛ lele n si-man wie se kun.»

Zeremi 49:24

Damasfuɛ mun be tra be anwlɛn-ɔn ɔ tra-man kun. B'a kaci bé ja sin be o wanndilɛ. Bé wun'n usu-man be ngowa. Be anwlɛn'n si kpukpukpu kɛ wunnzɛfuɛ bɔ i ku nun su yo i ya'n sa.

Zeremi 6:24

Kɛ e tili jasin sɔ'n, e sa sin bubuli ye, ye akunndan'n sanngannin, e klun kanndannin ye, yɛ srɛ kunnin ye kɛ bla b'ɔ su wa wu ba'n sa.

Kalɛ 30:13

Sɛ kusu cɛn kunngba nga i wun'n ti'n nan ɔ nunnun su'n, bla'n su yia-man nda ng'ɔ tali'n i nuan kun. Anannganman ´yaci i wun sa'n cɛ i, afin i wun'n yɛ ɔ nunnunnin su-ɔ.

Jean 16:21

Kɛ bla kun koto awuliɛ'n, wuun afɛ'n ɔ'a to i, sanngɛ kɛ ɔ ko wu ba'n, i wla fi i afɛ'n, i klun jɔ ba bɔ ɔ'a wu i'n ti.

1 Korɛntfuɛ Mun 11:3

Sanngɛ kusu n klo kɛ an wun i wlɛ kpa kɛ Krist yɛ ɔ sie yasua-a, yasua kusu yɛ ɔ sie bla-a, yɛ Nyanmiɛn kusu sie Krist.

1 Korɛntfuɛ Mun 7:4

Bla'n sie-mɛn i bɔbɔ wun, i wun'n yɛ ɔ sie i-ɔ, yɛ yasua'n kusu sie-mɛn i bɔbɔ wun, i yi'n yɛ ɔ sie i-ɔ.

Kolɔsfuɛ Mun 3:18

Bla mun, nán an fa amún nyin wlawla amún wun mun, an `bu be sran, afin e Min'n i nyrun sɛ an yo sɔ-ɔ, ɔ ti kpa.

1 Tɛsalonikfuɛ Mun 5:3

Kɛ sran'm be se kɛ: «Y'a nyan é ti, y'a di alaje'n,» kpɛkuun nyrɛnnɛn dan kpa ´tɔ be su kɛ wunnzɛfuɛ i ba wulɛ aklunya'n tɔ i su'n sa, ɔ su to fuan-man be le.

1 Timote 2:13

Afin Adam yɛ Nyanmiɛn dun mmua yili i-ɔ, i sin yɛ ɔ yili Ɛv-ɔ ,

1 Timote 2:15

Sanngɛ sɛ bla lafi Nyanmiɛn su kpa'n, sɛ ɔ klo sran titi'n, sɛ ɔ yo Nyanmiɛn liɛ mlɔnmlɔn nan ɔ niɛn i wun su kpa'n, sɛ ɔ ko wu ba'n, ɔ ´fite nun.

Tite 2:5

be yo sa i nuan su, nán man be yo sa sukusuku, man be yo awlo bla kpa, man be yo klun-ufuefuɛ, nán man be fa bé nyin wlawla bé wun mun, man be bu be sran, nan sran fi a se-man kɛ Nyanmiɛn ndɛ'n ti-man kpa.