Bo Bolɛ 3:1 - NYANMIƐN NDƐ'N 1998

¹ Laa, wuo'n i gblɛ liɛ'n tra bo'n nun nnɛn nga Anannganman Nyanmiɛn yili be'n be kwlaa. Le kun ɔ wa usali bla'n kɛ: «?Nan Nyanmiɛn seli amun sakpa kɛ: ‹Nán amun di fie'n su waka'm be mma'n wie fi?› »

Bo Bolɛ 3:1 ပူးပေါင်းရင်းမြစ်များ

Akunndanfuɛ'n 4:10

Yɛ sɛ kun tɔ-ɔ, i wiengu kun'n mɛn i su. Sran nga i kunngba'n yɛ ɔ wo'n, i yako, afin sɛ ɔ tɔ'n, ɔ su nyan-man sran b'ɔ ´mɛn i su-ɔ.

Ezai 27:1

I cɛn sɔ nun'n, Anannganman ´fɛ i tokofi dan b'ɔ yo sro'n, b'ɔ ti kekleke'n, ɔ ´fa kun wuo dan bɔ be kwla trɛ-mɛn i'n, b'ɔ blibli nɔnngɔnnɔnngɔn'n. Ɔ ´kun like sroesroe sɔ'n b'ɔ o jenvie nun'n.

Matthieu 10:16

«An `nian, amun bɔ an ti kɛ bua mun sa'n, n ´sunman amun gboklo'm be afiɛn. I sɔ'n ti, an `yo ngwlɛlɛfuɛ kɛ wuo sa, yɛ an `yo wɛtɛɛfuɛ kɛ auble sa.

Matthieu 4:3

Lakafuɛ'n bɛli i wun lɛ, ɔ seli i kɛ: «Sɛ ɔ waan a ti Nyanmiɛn Wa sakpa'n, se yɛbuɛ nga mun man be kaci aliɛ.»

Matthieu 4:6

«Sɛ ɔ waan a ti Nyanmiɛn Wa sakpa'n, tu kpɛn asiɛ wun lɔ, afin be klɛli i kɛ: ‹Ɔ ´se i anz'm be kɛ be sɔ wɔ nun, kɛ ɔ ´yo nan ɔ́ ja ɔ'a kpla-man yɛbuɛ wie'n ti .› »

Matthieu 4:9

«Sɛ a koto m bo a manman min'n, n ´fa ninnge nga kwlaa man wɔ.»

2 Korɛntfuɛ Mun 11:14

Ɔ ti-man abonuan, afin Satan bɔbɔ kaci i wun kɛ anz b'ɔ kpaja'n sa.

2 Korɛntfuɛ Mun 11:3

Srɛ kun min kɛ nan man be wa saci amún ti nun b'ɔ man an su fa-man amún wla'n kwlaa guɛ-mɛn i Krist su kun, ɔ ´yo kɛ kɛ wuo i gblɛ'n ti ɔ laka Ɛv b'ɔ nyɛnnin i'n sa .

1 Piɛr 3:7

Nja mun, kɛ bɔ an si kɛ amún yi'm be wunmiɛn'n ju-man amun liɛ nun'n, amun nin be tran kpa. An `bu be sran, afin ye nga Nyanmiɛn yoli amun b'ɔ man amun ´nyan nguan'n, ɔ yoli be wie. Sɛ an yo-man sɔ'n, amun nin Nyanmiɛn su kwla koko-man yalɛ wafa ng'ɔ ti su'n.

Sa nglô yile 12:15

Wuo sɔ'n man nzue kɛ nzue ba dan sa fin i nuan nun sonji suli bla'n su kɛ ɔ `fɛ i wɔ.

Sa nglô yile 12:9

Be kannin dragɔn sroesroe dan sɔ'n nin i anz'm be bo guali be asiɛ'n su wa. I yɛ be flɛ i wuo lalaa, nin mmusu'm be si, nin Satan nin-ɔn, i yɛ ɔ laka mɛn wunmuan nunfuɛ'm be kwlaa nin-ɔn .

Sa nglô yile 20:2

Dragɔn bɔ be flɛ i wuo lalaa'n, bɔ be flɛ i ekun kɛ mmusu'm bé si Satan'n, anz sɔ'n ɔ trɛli i yɛ ɔ cili i, ɔ ´ka lɛ lele afuɛ akpi.