Bo Bolɛ 27:4 - NYANMIƐN NDƐ'N 1998

⁴ fa tɔn aliɛ nga n klo i kpa'n blɛ min man n di nan n `yra ɔ nguan nan m'an wu.»

Bo Bolɛ 27:4 ပူးပေါင်းရင်းမြစ်များ

Bo Bolɛ 14:19

nan ɔ'a yrɛ i nuan klanman ɔ'a man Abram, ɔ seli kɛ: «Man Nyanmiɛn b'ɔ o like'n kwlaa ti su'n, b'ɔ yili nglo nin asiɛ'n, ɔ yo man a nyan muae.

Bo Bolɛ 24:60

Be yrali Rebeka i nguan be seli kɛ: «E niaan bla, fiaa! Nyanmiɛn man ɔ osu'n trɛ, man i nunfuɛ'm be ju akpingbingbi kaka kpa. Yɛ man be de be kpɔfuɛ'm be klɔ mun.»

Bo Bolɛ 27:14

Yɛ Zakɔb ɔli ko trali be blɛli i-ɔ. Nan i nin ɔ'a fa tɔn aliɛ nga Izaak klo i'n.

Bo Bolɛ 27:17

Yɛ ɔ fali aliɛ'n nin kpaun mɛnnin i kɛ ɔ fa ɔ.

Bo Bolɛ 27:19

Zakɔb waan: «M bɔbɔ min Ezau, ɔ́ wa kpɛnngbɛn nin-ɔn, m'an fa like nga ɔ waan n tɔn'n, m'an ba. Jaso, bla nan tran ase di min blo nnɛn'n nan yra min nguan.»

Bo Bolɛ 27:23

Ɔ'a wun-man Zakɔb wlɛ yɛlɛ kɛ ndrɛ o i sa'm be wun kɛ i niaan bian Ezau liɛ'n sa. I sin nan ɔ'a yrɛ i nguan'n,

Bo Bolɛ 27:25

Yɛ Izaak waan: «Man min ɔ blo nnɛn nga a sɔkɔli'n wie man n di nan n yra ɔ nguan.» Yɛ Zakɔb tili aliɛ'n wie mɛnnin i-ɔ, ɔ dili, ɔ suli i nzan'n, ɔ nɔnnin.

Bo Bolɛ 27:27

Yɛ Zakɔb wunngeli lɔ yɛ ɔ tɔli i nun-ɔn. Izaak tili i tralɛ'n i bɔnlɛ'n nan ɔ'a yrɛ i nguan ɔ'a se kɛ: «Ee! Mín wa'n i wun bɔn klanman kɛ fie wie bɔ Anannganman man ɔ'a yo ye'n sa.»

Bo Bolɛ 27:31

Yɛ i kusu ko tɔnnin i aliɛ fɛfɛ liɛ ko mɛnnin i si-ɔ. Ɔ seli i kɛ: «Baba, jaso di blo nnɛn bɔ ɔ waan n tɔn blɛ wɔ'n nan yra min nguan.»

Bo Bolɛ 27:5

Yɛ Ezau ´kɔ blo i si i nnɛn'n i kunndɛlɛ-ɔ. Kannzu kɛ Izaak ´kan ndɛ sɔ'n ´kle Ezau'n, Rebeka sieli i su tili.

Bo Bolɛ 27:7

‹Ko kun blo nnɛn fa tɔn aliɛ fɛfɛ man n di nan n `yra ɔ nguan Anannganman nyrun nan m'an wu.›

Bo Bolɛ 27:9

Kɔ nnɛn'm be tuin'n nun lɔ, nan tra boli nga b'a kpɛ cro'n i so nglanman nglanman nnyɔn blɛ min nan n `fa tɔn aliɛ fɛfɛ nga ɔ́ si klo i'n

Bo Bolɛ 28:3

Man Nyanmiɛn b'ɔ kwla like kwlaa yo'n ɔ jran ɔ sin, man ɔ man ɔ ba kpanngban, man ɔ osu'n trɛ dan kpa.

Bo Bolɛ 48:9

Zozɛf tɛli i su kɛ: «Ba nga Nyanmiɛn mannin min Ezipt wa mun-ɔn.» Yɛ Zakɔb waan: «Fa be wunnge wa man n yra mín nuan klanman m man be ke.»

Bo Bolɛ 49:28

Izraɛl akpasua blu-nin-nnyɔn'm be yɛ be o lɛ-ɔ. Ndɛ nga bé si kannin b'ɔ fa yrali be nguan'n yɛ ɔ o lɛ-ɔ. Sran kun lɛ i liɛ, sran kun lɛ i liɛ.

JÉSUS-CHRIST I DYASIN FE'N BO LUC KLELI'N 2:34

Simeɔn yrali i nuan mannin be, nan ɔ'a se i nin Mari kɛ: «Nian, ba ng'ɔ o yɛ'n, ɔ o lɛ Izraɛlfuɛ'm be sunman be ase finlɛ'n ti, yɛ ɔ o lɛ be sunman kusu bé su manlɛ'n ti. Ɔ wa yo kɛ like kun bɔ be wa kɛn i wun ndɛ tɛ sa,

JÉSUS-CHRIST I DYASIN FE'N BO LUC KLELI'N 24:51

Kɛ ɔ ´yrɛ i nuan sɔ'n, wuun ɔ nin be su ti nun, yɛ Nyanmiɛn mɛn i su ɔli nyanmiɛn su lɔ-ɔ.

Hébreu 11:20

Nyanmiɛn su bɔ Izaak lafi'n ti, ɔ yrali Zakɔb nin Ezau be nguan, ɔ seli be kɛ cɛn wie lele be ´nyan ye .

Zozie 14:13

Zozie yrali Zɛfine i wa Kalɛb i nguan nan ɔ'a fa Ebrɔn klɔ'n ɔ'a mɛn i.

Zozie 22:6

Zozie yrɛli i nuan mannin be, ɔ kaleli be, nan b'a ɔ be tranwlɛ.