Bo Bolɛ 27:1 - NYANMIƐN NDƐ'N 1998

¹ Izaak yoli oke. I ase wunlɛ'n kpɛli su lele siɛn'n ɔ wun-man ase kun mlɔnmlɔn. Yɛ le kun ɔ flɛli i wa kpɛnngbɛn Ezau, ɔ seli kɛ: «Mín wa.» Yɛ Ezau waan: «M'an sro.»

Bo Bolɛ 27:1 ပူးပေါင်းရင်းမြစ်များ

Bo Bolɛ 25:33

Yɛ Zakɔb waan: «Yoo, ta min nda e.» Nan Ezau ɔ'a ta Zakɔb nda kɛ ɔ'a yo i awuliɛ kpɛnngbɛn i atɛ i sa nun .

Bo Bolɛ 48:10

Kɛ ɔ ´yo sɔ'n, wuun kpɛnngbɛn'n ɔ'a ti Zakɔb dan, i ti ɔ wun-man ase kpa kun. Yɛ Zozɛf fali be wunngeli i wun lɛ nan ɔ'a se be kɛ be `tɔ i nun.

1 Famiɛn Mun 14:4

Zeroboam i yi'n yoli nga i wun'n kan kleli i'n. Ɔ ɔli Silo, Asiza i awlo lɔ. Blɛ sɔ nun'n, wuun Asiza ɔ'a yo kpɛnngbɛn, ɔ kwla wun-man ase kun,

Akunndanfuɛ'n 12:3

Be sa'm bɔ be ti kɛ sua'n i sasafuɛ'm be sa'n be ´usu. Be ja'm bɔ be ti kɛ yasua waka-waka wie mun sa'n, be ´glɔglɔ. Be je bɔ be ti kɛ bla nga be si like sa'n, be ´jran. Be nyinma'n bɔ be ti kɛ be nga be nian fenɛtri nun sa'n, be su wun-man ase kpa kun.

Jean 9:3

Jésus seli kɛ: «Nán kɛ i bɔbɔ annzɛ i si nin i nin be yoli sa wie ti-ɔ. Sanngɛ be wuli i sɔ nan i ti be `wun sa nga Nyanmiɛn yo'n.

Mmla'n 34:7

Moiz dili afuɛ ya afuɛ ablaɔn yɛ ɔ wuli-ɔ. Kɛ ɔ ´wu sɔ'n, wuun ɔ tɛ wun ase kpa. I wunmiɛn ɔ'a kpɛ-man su le.

1 Samiɛl 3:2

Le kun Eli lɛ i lawlɛ nun, kɛ ɔ ´yo sɔ'n, wuun ɔ wun-man ase kpa kun, be flɛ kɛ i nyinma'n ɔ'a si.