Bo Bolɛ 26:3 - NYANMIƐN NDƐ'N 1998

³ Tran mɛn sɔ'n nun lɔ, n ´jran ɔ sin, n ´yo wɔ kpa. N ´fa lika nga kwlaa m man wɔ nin wɔ anunman mun. Nda nga n tali ɔ́ si Abraam'n, n ´yiɛ i nuan.

Bo Bolɛ 26:3 ပူးပေါင်းရင်းမြစ်များ

Bo Bolɛ 12:7

Kpɛkuun Anannganman fiteli Abram nyrun nan ɔ'a se i kɛ: «N ´fa mɛn nga m ´man ɔ osu'n.» Nan Abram ɔ'a kplan Nyanmiɛn sɔwlɛ kun ɔ'a man Anannganman kan ɔ fiteli i nyrun lɛ'n.

Bo Bolɛ 13:15

Lika wunmuan nga a wun i lɛ'n, m'an fa man wɔ. Ɔ ti wɔ nin wɔ anunman mun amun liɛ titi .

Bo Bolɛ 13:17

Jaso, ko kpla lika sɔ'n i tɛnndɛn nun'n nin i ngbinngbin nun'n nian, afin n ´fa man wɔ.»

Bo Bolɛ 15:18

Le kun sɔ nun'n, Anannganman nin Abram be trali aenguɛ. Anannganman seli i kɛ: «Mɛn ng'ɔ o yɛ'n, kɛ ɔ fɛ i Ezipt nzue ba kan'n i nuan lɛ b'ɔ ´fa ju Efrat nzue ba dan'n i nuan'n, m'an fa man wɔ anunman mun .

Bo Bolɛ 17:19

Yɛ Nyanmiɛn waan: «N se kɛ ɔ́ yi Sara ɔ wa wu ba yasua kun. Sɛ ɔ wu i'n, tɔn i dunman kɛ Izaak. E nin i nin i anunman mun yɛ e ´tra aenguɛ b'ɔ lɛ-man awieliɛ nin-ɔn.

Bo Bolɛ 17:8

N ´fa mɛn nga a ti nun aofuɛ yɛ'n m ´man wɔ nin ɔ osu'n. N ´fa Kanaan mɛn wunmuan'n m ´man be. Ɔ ti be liɛ titi, yɛ kusu n ´yo be Nyanmiɛn .»

Bo Bolɛ 20:1

Abraam ɔli Negɛb lika'n nun lɔ. Ɔ ko trannin Kadɛs nin Sir be afiɛn, i sin ɔ ko trannin Gerar lɔ kan.

Bo Bolɛ 25:11

Kɛ Abraam wuli'n, Nyanmiɛn yoli i wa Izaak i kpa. Izaak trannin Lasai-Rɔi gbo'n wun lɛ.

Bo Bolɛ 26:12

Afuɛ sɔ'n nun'n, Izaak guali ble nin ɔrz kpɛkuun ɔ nyannin mma ng'ɔ luali'n i wunsu sɔ fa ya, afin Anannganman mɛnnin i muae.

Bo Bolɛ 26:14

B'ɔ ti kɛ klɔ nnɛn sa'n, i bua o, i boli o, i nannin o, ɔ nyannin wie kpa. Yɛ i sa nun sran'm be sɔnnin. Filistifuɛ'm be nyin bloli Izaak i ninnge'm bé wun.

Bo Bolɛ 26:24

Kɔnguɛ Anannganman fiteli i nyrun. Ɔ seli i kɛ: «N ti ɔ́ si Abraam i Nyanmiɛn, e nin wɔ e o nun, nán srɛ kun wɔ. N ´yo wɔ kpa. N ´yo man ɔ osu'n ɔ trɛ min sufuɛ Abraam dunman nun.»

Bo Bolɛ 28:13

Anannganman jin yrɛyrɛ i ti su nglo lɔ, ɔ seli Zakɔb kɛ: «Anannganman ɔ nannan Abraam, nin Izaak be Nyanmiɛn'n yɛlɛ min. Asiɛ nga a la su lɛ'n, n ´fa man wɔ ɔ nin ɔ osu'n.

Bo Bolɛ 28:15

Nian e nin wɔ e o nun, ajalɛ nga a ´tu i yɛ'n, i kwlakwla nun e nin wɔ-ɔ. N ´fa wɔ n ´sa ɔ sin mɛn nga nun. N yi-man wɔ ase. Ndɛ nga n kan kleli wɔ'n, san n ´yiɛ i kwlaa nuan.»

Bo Bolɛ 31:3

Yɛ Anannganman seli Zakɔb kɛ: «Sa ɔ sin kɔ ɔ́ si'm bé mɛn'n nun lɔ, kɔ wɔ awlo. N ´jran ɔ sin.»

Bo Bolɛ 35:12

Mɛn nga n fa mannin Abraam nin Izaak'n, n ´fa man wɔ nin wɔ anunman mun.»

Bo Bolɛ 39:2

Anannganman nin Zozɛf be o nun, ɔ man ninnge ng'ɔ yo'n be yo kpa. Zozɛf trannin i min'n bɔbɔ i awlo lɔ.

Bo Bolɛ 39:21

Anannganman nin Zozɛf o nun. Ɔ yoli i kpa, ɔ man i wun yoli bisua su kpɛn'n i fɛ.

Bo Bolɛ 48:21

I sin'n, ɔ seli Zozɛf kɛ: «N su wa wu, sanngɛ Nyanmiɛn nin amun ´tran, man ɔ fa amun sa amun sin amun nannan'm bé mɛn'n nun.

Bo Bolɛ 50:24

Le kun Zozɛf seli i niaan'm be kɛ: «N su wa wu, sanngɛ n si kɛ Nyanmiɛn ɔ ´uka amun, ɔ ´fa amun kɔ mɛn ng'ɔ tali Abraam nin Izaak nin Zakɔb be nda kɛ ɔ ´fa man be'n nun.»

1 Be Nyoliɛ 16:16

Man amún wla kpɛn sa nga i waan ɔ ´yo man Abraam'n su. Yɛ man amún wla kpɛn nda ng'ɔ tali Izaak'n su.

Jue Mun 105:8

I wla fi-man su kɛ ɔ tali nda. I wla fi-man kɛ akpasua-akpasua akpi nga be ´jaso su'n be ti yɛ ɔ tali nda sɔ'n nin-ɔn.

Jue Mun 105:9

Ɔ kan kleli Abraam, ɔ kan kleli Izaak.

Jue Mun 32:8

Anannganman wan yoo: «N wa kle wɔ like, yɛ n wa kle wɔ atin ng'ɔ ti bɔ a fa su'n. N wa man wɔ afɔtuɛ, n ´nian wɔ su

Jue Mun 39:12

Sɛ sran yo sa tɛ'n, a mɛn i i nuan like a fa tu i fɔ. A saci ninnge ng'ɔ klo i'n kwlakwla kɛ kakaa'n ɔ saci waka mma'n sa. Sran'n ti kɛ aunngban sa.

Ezipt Lɔ Tulɛ'n 2:24

Nyanmiɛn kusu tili be sun flɛlɛ nga be sun flɛli i'n. Kɛ ɔ tili i sɔ'n, ɔ man i wla kpɛnnin aenguɛ ng'ɔ nin Abraam, nin Izaak, nin Zakɔb be trali'n su.

Ezipt Lɔ Tulɛ'n 3:12

Nyanmiɛn tɛli i su kɛ: «N jin ɔ́ sin, yɛ nian, nzɔliɛ b'ɔ kle kɛ min yɛ n sunman wɔ'n yɛ. Kɛ a ko fa Izraɛlfuɛ mun ko fite'n, amun wa su min oka nga su.»

Ezipt Lɔ Tulɛ'n 6:4

E nin be e trali aenguɛ. N tali be nda kɛ Kanaan mɛn nga be trannin nun laa kɛ aofuɛ mun sa'n, n ´fa man be.

Ezipt Lɔ Tulɛ'n 6:7

N ´fa amun nvle'n n ´yo min nvle, n ´yo amun Nyanmiɛn, yɛ amun wa wun i wlɛ jrɛin kɛ n ti Anannganman amun Nyanmiɛn ng'ɔ ´de amun Eziptfuɛ'm be junman kekleekle nga be mian amun kɛ amun di be'n be nun.

Ezipt Lɔ Tulɛ'n 6:8

N ´fa amun n ´kɔ mɛn nga n tali Abraam, nin Izaak, nin Zakɔb be nda kɛ n ´fa man be'n i nun lɔ. M bɔbɔ min Anannganman, n ´fa mɛn sɔ'n ´man amun.› »

Ezai 43:2

Sɛ amun ´sin nzue nyin su-ɔ, min nin amun yɛ e ´sin-ɔn. Sɛ amun ´kpɛ nzue ba mun'n, be su mɛn-man amun. Sɛ amun nanti sin nun'n, ɔ su yra-man amun, yɛ sin taaman'n su yo-man amun like fi.

Ezai 43:5

Nán srɛ kun amun, afin n jin amun sin. N ´fa amun osu'n nunfuɛ mun wia afiliɛ lɔ ´ba. Yɛ n ´ko yia amun wia atɔliɛ lɔ amun ´ba, amun ´kan bo nun.

Mise 7:20

A nin Zakɔb osu nunfuɛ mun amun ´tran klanman, a ´yi ɔ klun-ufue'n i nglo ´kle Abraam i osu'n nunfuɛ mun. A ´yi kle be kɛ a fua kleli e nannan mun lalafuɛ nun'n sa .

Kalɛ 23:19

Nán klɔ sran yɛlɛ Nyanmiɛn nan ɔ'a bua ato. Nán bla yɛ ɔ wuli i nan ɔ'a kaci aniɛn. ?Ndɛ ng'ɔ kan'n, ɔ su yo-mɛn i nuan sa? ?Like nga i waan ɔ ´yo'n, ɔ su yo-man?

Mmla'n 1:8

Amun `nian, n fali mɛn ng'ɔ o yɛ'n i kwlakwla mannin amun. Mɛn nga n seli kɛ n ´fa man amun nannan Abraam, nin Izaak, nin Zakɔb, ɔ nin be osu'n nunfuɛ mun'n yɛ ɔ o lɛ-ɔ, amun `ko fa.»

Mmla'n 34:4

Anannganman seli i kɛ: «Mɛn nga n tali Abraam, nin Izaak, ɔ nin Zakɔb be nda kɛ n ´fa man be osu nunfuɛ mun'n yɛ ɔ o lɛ-ɔ. M'an fa kle wɔ, sanngɛ a su ju-man lɔ.»

Filipfuɛ Mun 4:9

Like nga n kleli amun bɔ an tili an fa su'n, nin like nga an wun kɛ n yo'n, an `nian su yo, yɛ Nyanmiɛn b'ɔ man é wun jɔ ye'n, ɔ nin amun ´tran.

Hébreu 11:9

I su b'ɔ lafi'n ti, ɔ ko trannin nvle nga i waan ɔ ´fa mɛn i'n nun kɛ aofuɛ sa. Ɔ nin Izaak nin Zakɔb bɔ be kusu be ´nyan like nga i waan ɔ ´fa mɛn i'n wie'n, be trannin tannin sua'n nun.

Hébreu 6:17

Nyanmiɛn klo kɛ be nga be ´nyan like nga i waan ɔ ´man be'n be wun i wlɛ kpa kɛ ɔ su kaci-mɛn i akunndan'n. I sɔ'n ti yɛ kɛ ɔ kannin'n ɔ tali su nda nin-ɔn.