Bo Bolɛ 26:1 - NYANMIƐN NDƐ'N 1998

¹ Abraam blɛ su awe liɛ'n i sin awe uflɛ wa kpɛnnin mɛn'n nun ekun. Nan Izaak ɔ'a ɔ Gerar, Filistifuɛ'm be famiɛn Abimelɛk i mɛn'n nun lɔ.

Bo Bolɛ 26:1 ပူးပေါင်းရင်းမြစ်များ

Bo Bolɛ 12:10

Awe kun ɔ wa kpɛnnin mɛn sɔ'n nun. Ɔ'a kpɛn-man blɛblɛ, nan Abram ɔ'a ɔ Ezipt lɔ tranlɛ.

Bo Bolɛ 25:11

Kɛ Abraam wuli'n, Nyanmiɛn yoli i wa Izaak i kpa. Izaak trannin Lasai-Rɔi gbo'n wun lɛ.

Bo Bolɛ 25:34

Yɛ Zakɔb mannin Ezau i kpaun nin lanti akpesi'n wie-ɔ. Ezau dili, ɔ nɔnnin nzan nan ɔ'a jaso ɔ'a ɔ. Kɛ Ezau yoli i awuliɛ kpɛnngbɛn'n i finfin sa.

Bo Bolɛ 42:5

Izraɛl i mma'm be nin sran uflɛ wie'm be yiali ble atɛ yowlɛ lɔ. Afin awe'n kpɛnnin Kanaan mɛn wunmuan'n nun.

Bo Bolɛ 43:1

Awe'n yoli kekle kpa Kanaan mɛn'n nun.

2 Samiɛl 21:1

David i blɛ su'n, awe kun kpɛnnin. Ɔ dili afuɛ klonglo nsan, nan David ɔ'a srɛ Anannganman, yɛ Anannganman tɛli i su kɛ: «Sail nin i awlofuɛ'm be sran kunlɛ'n ti-ɔ. Gabaɔnfuɛ'm bɔ be kunnin be'n i ti-ɔ.»

Ezipt Lɔ Tulɛ'n 33:1

Anannganman seli Moiz kɛ: «A nin Izraɛlfuɛ'm bɔ a fali be Ezipt lɔ bali'n, amun `jaso lika nga nun wa, nan amun `wɔ mɛn nga n tali nda kleli Abraam nin Izaak, nin Zakɔb kɛ n ´fa man be osu nunfuɛ mun'n, i nun.

Rit I Wun Ndɛ 1:1

Laa jɔlɛ difuɛ'm be blɛ su'n, awe kun kpɛnnin Izraɛl mɛn'n nun. Bɛtleɛm klɔ'n b'ɔ o Zida mɛn'n nun'n lɔ, bian kun nin i yi nin i wa yasua nnyɔn mun be tuli ko trannin Moab mɛn'n nun lɔ.